講起樂壇孖妹,一定會第一時間諗起張蔓姿及張蔓莎兩位文青唱作歌手。雖然二人樣貌相似,感情非常深厚,同樣熱愛創作及幻想,但原來佢哋兩個都有唔相似嘅地方,一個來自演藝學院表演系,一個來自香港理工大學人文學院英文系,完全係兩個截然不同嘅學科。雖則如此,兩姊妹入行後同樣以歌手及演員身份發展,近年更喺樂壇大放異彩,創作多首浪漫輕快歌曲,甚具個人風格,二人近年喺樂壇更獲得相當唔錯嘅成績!
中學各自建立圈子 發挖自我興趣
![明星成長-張蔓姿-張蔓莎](https://metroeducationplus.com.hk/wp-content/uploads/2023/01/unnamed-file-2.png)
張蔓姿與張蔓莎同樣以演員身份入行,不過兩姊妹其實自小已經有同一樣嘅興趣,就係大家都喜歡唱歌,曾一同參加過海港城兒童歌唱比賽,家姐張蔓姿奪得亞軍而細妹張蔓莎則奪得季軍,更就讀同一所幼稚園及小學,自小感情非常好,張蔓姿亦很愛錫及特別遷就妹妹。
![明星成長-張蔓姿-張蔓莎](https://metroeducationplus.com.hk/wp-content/uploads/2023/01/4-4-2.png)
小學畢業後,二人分別升上不同中學,張蔓姿就讀香港聖安當女書院,而張蔓莎則就讀香港華英中學,二人各自建立社交圈子,張蔓姿更曾坦言妹妹張蔓莎讀書比自己好,更會向妹妹請教英文,雖然成績不如妹妹,但張蔓姿卻感激有咁叻嘅細妹,曾於訪問中講到:「我們的性格截然不同,是不可比較,就算當年妹妹讀書比我好,我更替她開心;她英文好過我,我也會向她請教。其實妹妹叻,應該要感到開心,因為就算你唔叻,你起碼都有個妹,可以幫助到你去解決一些問題。」
明星成長 | 黃妍被中學濃厚閱讀氣氛感染變書痴
中學時期張蔓莎愛唱歌朗誦 張蔓姿愛演戲立志入演藝
升上中學後,二人均各自發挖不同嘅興趣,張蔓姿中三中四時因參與英文話劇團舉辦嘅音樂劇,啟發演戲熱情,由當時開始已立志入讀演藝學院,每年更會參與演藝學院開放日,中學畢業後亦成功入讀演藝學院表演系。
![明星成長-張蔓姿-張蔓莎](https://metroeducationplus.com.hk/wp-content/uploads/2023/01/3-1-1.png)
至於妹妹張蔓莎中學時則熱衷於辯論、唱歌、朗誦,擅於透過聲音表演自己,讀書時亦負責曲詞唱作,中學畢業後入讀香港理工大學人文學院英文系。
![明星成長-張蔓姿-張蔓莎](https://metroeducationplus.com.hk/wp-content/uploads/2023/01/1-6-2.png)
求學時獲不少幕前演出機會,包括MV、廣告及雜誌拍攝,大學畢業後正式入行成為演員,後來更憑創作單曲《剎那的》與家姐張蔓姿一樣進軍樂壇,而其演出作品更有電影《非同凡響》及《阿媽有咗第二個》、ViuTV電視劇《地產仔》及《教束》等。
明星成長 |文青女神袁澧林憑《窄路微塵》入圍金馬獎最佳女主角
香港街頭表演起步 後到台灣表演獲香港唱片公司賞識
![明星成長-張蔓姿-張蔓莎](https://metroeducationplus.com.hk/wp-content/uploads/2023/01/unnamed-file-3.png)
中學畢業後入讀演藝學院嘅張蔓姿,曾稱演藝學院給予自己許多機遇,有導演邀請自己彈琴,亦有份參加Directing workshop,排戲作曲一併進行,因演戲啟發出音樂靈感。
![明星成長-張蔓姿-張蔓莎](https://metroeducationplus.com.hk/wp-content/uploads/2023/01/2-4-4.png)
自小就有音樂底嘅張蔓姿,從小學習古典鋼琴,創作嘅音樂自然較易於與戲劇聯繫。所以讀表演系嘅張蔓姿,不時會因應劇情或劇本創作音樂,因為有份創作音樂嘅關係,亦有份參與填詞及戲劇配樂,令張蔓姿變得更多才多藝,入行後既為演員亦為歌手,其中所創作嘅《深夜浪漫》亦為熱播歌曲,影視作品更有《聖荷西謀殺案》及《Baby復仇記》、ViuTV電視劇《IT狗》及《身後事務所》等。
張蔓姿及張蔓莎兩姊妹情深,無論喺音樂定演藝上都有相當唔錯嘅發展,能夠從小走到呢一步,除咗各自嘅才華同努力,相信都有賴於二人互相鼓勵同扶持。家姐張蔓姿更曾表示:「你想的話一定要去努力,沒有東西是空想就會有」。
相關文章
明星成長 | 馮盈盈零經濟及商科底成功考獲CFA Level 1 當年DSE 28分入港大
明星成長 |麥美恩加拿大名校畢業 入行以做主持為目標
明星成長 | 泳兒將負面情緒化成暗黑風音樂 《溝渠暢泳》唱出心聲重拾自我
![](https://metroeducationplus.com.hk/wp-content/uploads/2023/01/image-2-1024x538.png)