聖誕節就到，係時候安排一個長假期嘅親子活動啦！今次推介一個嶄新嘅沉浸式劇場體驗，「JAM Island Theatre 跳樂劇團」主辦，名為《上天下海 ‧ 玩轉奇妙顛倒世界》，係一個觀眾要一同參與嘅互動式劇場！今次親子試玩員豬仔包媽媽帶同豬仔包率先親身體驗，到底如何上天下海？等豬仔包話你知！
豬仔包媽媽同豬仔包參加咗由「JAM Island Theatre 跳樂劇團」主辦，名為《上天下海 ‧ 玩轉奇妙顛倒世界》嘅活動，呢個活動係一個冇得坐定定，觀眾全場要行嚟行去嘅互動式劇場。
活動地點係「活化歷史建築伙伴計劃」建築物之一「前北九龍裁判法院」。入場睇表演之餘仲可以到訪活化後嘅歷史建築，實在係一個非常特別嘅體驗。
故事由「跳樂號」火車帶大家回到過去同時穿越未來，以全新角度認識舊香港。
場內完全冇櫈，全程都係跟著演員周圍行，轉場景又會轉另一個演員表演，一啲悶場都冇，表演期間仲會邀請觀眾一齊互動，所以小朋友都睇得特別投入。
除咗演員生鬼嘅演出之外，劇團仲展現獨有嘅Art+Tech，將科學、科技、工程及數學（STEM） 融入藝術(STEAM)，所以佈置係有STEAM元素，再配合燈光、音效、投影及互動的跨媒體佈景道具，帶畀觀眾嶄新嘅劇場體驗。
場景共有5個，包括 跳樂魚鋪、 懷舊遊戲舊墟、 神秘發光花園、 上下顛倒動物園同跳樂號火車總站。
豬仔包最鍾意係神秘發光花園外面嘅大花佈置，演員好似識魔法咁，可以令佢打開同閂埋，小朋友諗句魔術咒語，就可以令佢打開，個個小朋友都好開心
響半小時演出之後，係會再比半小時小朋友響場內遊走揾印仔同探索。豬仔包見到大花都忍唔住再諗咒語令佢打開，成功咗仲超興奮呢
而媽媽最鍾意係懷舊遊戲舊墟，有荔園最受歡迎嘅掟階磚，兒時感覺番哂嚟，豬仔包都掟得好興奮，話好玩過掟彩虹。
最後集齊蓋印，小朋友仲可以換到金幣扭蛋，非常滿足。
雖然響「前北九龍裁判法院」嘅場次已經完結，但之後仲有另一演出場地: 長沙灣社區中心禮堂。活動地點係非常貼近市民日常生活嘅地方，演出可讓更多普羅大眾有機會接觸藝術科技，激發對表演藝術的興趣，有興趣不容錯過啊
《上天下海 ‧ 玩轉奇妙顛倒世界 Upside Down ‧ A Wonderful World》
活動時間 : 每場節目約60分鐘
活動言語 : 節目活動以粵語進行
報名人數 : 入場人數有限，先到先得
地點 : 長沙灣社區中心禮堂 長沙灣發祥街55號
活動日期：25-30/12/2022
活動時間 : 前往網站立即登記
*大部份場次經已爆滿，剩餘26、27、30/12 有少量場次尚可登記。
資料內容及相片獲 豬仔包の開心日常 專頁授權轉載
更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告
