現育有一位7歲女女嘅梁詠琪GiGi,最近公佈2023年2月將會於紅館舉行演唱會,相信一眾GiGi迷期待已久。身為人母嘅GiGi近年活躍於影視作品,之前為ViuTV拍攝嘅親子電視劇 《反起跑線聯盟》嘅親子育兒題材更與GiGi真實生活相當接近。現實中嘅GiGi唔單止人靚聲甜,更有上進心不斷拓展自己嘅領域,且更有一套育兒理念,絕對係一位稱職媽媽!
畢業於一條龍女名校瑪利諾修院學校 為校內活躍份子
![明星成長-女歌手-梁詠琪-瑪利諾修院學校](https://metroeducationplus.com.hk/wp-content/uploads/2022/12/8.png)
梁詠琪就讀瑪利諾修院學校小學部和中學部,中學時期係校內詩歌班成員及紅十字青年團第25團團員,曾參與跳遠、橋牌及籃球活動,並精於繪畫。中五畢業後,入讀香港理工學院設計系,亦有到法國文化協會學習法文,因認識當時嘅時裝界人士,受到邀請作為Mondel成為當時年輕女性作市場嘅流行雜誌《Amoeba》創刊號封面人物,一邊做兼職模特兒,一邊讀書。GiGi後來漸漸獲得愈來愈多嘅拍攝機會,故此決定暫停學業,但卻有進行公開音樂表演及唱聖詩,更被理工學院音樂會社邀請加入校園樂隊作街頭演出。
![明星成長-女歌手-梁詠琪-瑪利諾修院學校](https://metroeducationplus.com.hk/wp-content/uploads/2022/12/9.png)
憑着高挑身材及氣質外貌,梁詠琪逐漸受到圈內人嘅賞識,開始拍攝電影。另外,因GiGi有藝術天份,擅長美術設計與插畫,曾為香港九龍灣德福廣場擔任短期嘅商場美術顧問,曾與I.T旗下鞋履品牌Venilla suite合作推出”Venilla suite de Gigi”系列,更於2003年獲頒香港十大傑出青年。
明星成長 |《美麗戰場》陳曉華中大護理系畢業 參港姐為求突破Comfort Zone
鐘情母校回校變淑女 欣賞校風貫徹如一
![明星成長-女歌手-梁詠琪-瑪利諾修院學校](https://metroeducationplus.com.hk/wp-content/uploads/2022/12/unnamed-file-1.png)
對於母校瑪利諾修院學校,GiGi曾於訪問中提及母校係自己最鍾意嘅地方,除咗留下許多寶貴回憶,更讚揚校風一直能夠保持對學生品行及紀律嘅要求,並散發出一種令人肅然起敬嘅感覺,每一次回到學校都會想要維持「淑女」嘅形象,更希望自己女女都可以入到此校。
明星成長 |鄧佩儀入行十年終做女一 突請假返加拿大重回校園生活?
重視女兒創意發展 親子活動DIY烹飪做陶藝
![明星成長-女歌手-梁詠琪-瑪利諾修院學校](https://metroeducationplus.com.hk/wp-content/uploads/2022/12/3-3-2.png)
當唔少星爸媽都打算送子女入讀國際學校或安排子女在入讀學前班時,梁詠琪則主張親力親與女兒一同做勞作玩boardgame動腦筋,激發女女多方面潛能,如與女兒DIY做陶瓷、繪畫、讀圖書、整甜點等,做自己興趣嘅事之餘,更藉此引導女女發揮創意。
着重三文四語 望女兒學好中文
![明星成長-女歌手-梁詠琪-瑪利諾修院學校](https://metroeducationplus.com.hk/wp-content/uploads/2022/12/4-4-3.png)
另外GiGi亦非常重視三文四語,指女女幼稚園K1已經從不同渠道接觸多國語言,如英文、普通話、廣東話及西班牙文等。由於GiGi丈夫係外國人,GiGi更希望女女能夠學好中文,因為中文相對難學習,需要把握3至6歲嘅黃金學習時機,打好中文基礎,所以相對國際學校,GiGi更希望女女能夠入讀本地名校,如入讀自己母校瑪利諾修院學校。
明星成長 | 鍾嘉欣感加拿大選校比香港煩惱少 子女能無壓力輕鬆學習
![明星成長-女歌手-梁詠琪-瑪利諾修院學校](https://metroeducationplus.com.hk/wp-content/uploads/2022/12/7-1.png)
GiGi如此多才多藝,當然唔會放過每一個可以進修嘅機會,GIGI希望培養小朋友建立良好嘅學習態度、做一個有禮貌嘅人,同時希望小朋友多接觸大自然,從遊戲或故事中學習,為此GIGI以身作則,報讀「法國ICDE糕餅烹飪藝術文憑課程」並完成課程,借此教導女女學習要認真及有始有終。
![明星成長-女歌手-梁詠琪-瑪利諾修院學校](https://metroeducationplus.com.hk/wp-content/uploads/2022/12/1-4-3.png)
除此之,GIGI更會身體力行,與女女一齊參與活動並學習,如帶同女女一同領養唐狗及關注環保。另外GIGI會與女女一同學習做陶藝,透過學習陶藝材料嘅分配同特性,培養個人耐性及專注力,可見GIGI重視小朋友嘅修養品德,並努力為孩子製造快樂嘅學習環境,絕對係一位學識修養兼備嘅媽媽!
瑪利諾修院學校
![明星成長-女歌手-梁詠琪-瑪利諾修院學校](https://1283385405.rsc.cdn77.org/wp-content/uploads/2022/12/mcs_hk_2006-1024x683.jpg)
瑪利諾修院學校是一所位於香港九龍塘的資助女校,屬於香港傳統名校之一。瑪利諾修院學校設有中、小學學部,以英文為主要教學語言。位於九龍塘何東道的校舍以紅磚設計最具標誌,建築設計主要採用中世紀修道院或學院的佈局,融合了裝飾派藝術、羅馬式、新喬治亞風格及哥德復興式的建築特色,更於2008年列為古蹟。
據過往公開試成績推算,瑪利諾修院學校中學部於九龍城區排名第1至2,全港排名13至26,全港女校第6至10,屬於Band 1A,有8成6學生考獲本地學士課程最低入學要求 7成5學生獲本地學士課程取錄。
著名藝人校友 : 李嘉欣、宣萱、傅珮嘉、陳文媛、何傲芝、何傲兒、關之琳等
相關文章
明星成長 | 馮盈盈零經濟及商科底成功考獲CFA Level 1 當年DSE 28分入港大
明星成長 |麥美恩加拿大名校畢業 入行以做主持為目標
明星成長 | 張嘉兒擁多個學位 為管教女女再進修中大公共衞生碩士
![](https://metroeducationplus.com.hk/wp-content/uploads/2022/12/image-21-1024x538.png)