明星成長 |《正義迴廊》 楊偉倫早已為舞台劇最佳男主角 自小已有濃厚表演慾

明星成長-男演員-楊偉倫-正義迴廊

最近一部香港電影《正義迴廊》贏盡口碑且票房亦已直逼1700萬,成為香港影視界被受矚目嘅電影,出演嘅大部分演員均為學院派,畢業於演藝學院,其中擔演殺人犯嘅主角楊偉倫更早已被封為「最佳男主角」嘅舞台劇演員,今次轉戰大銀幕表現亦被受讚賞,可見其演藝才華得到更多人認同。不過原來楊偉倫當年會考成績唔理想,全憑一顆表演心同對表演嘅熱情而獲得演藝學院取錄,更因此認識演藝圈好友朱柏康、朱柏謙、白只等人並組成男子組合「朱凌凌」。

中學時喜歡扮「乜太」由商科改變主意讀戲劇

明星成長-男演員-楊偉倫-正義迴廊
圖片來源 : IG@lunyeah.yeah

楊偉倫自小已喜愛表演,中學時期已參加學校嘅話劇演出,更喜歡扮「乜太」,曾於訪問中透露自小常被別人指自己似演員廖偉雄,同時非常欣賞廖偉雄認真嘅表演態度,便愛上模仿,鍾意扮鬼扮馬。不過當會考成績公佈後,成績唔太理想嘅楊偉倫決定與朋友重讀中五,當時本決定報讀堅島明愛修讀商科,但因發現另更有戲劇課程可報讀,於是便抱住「玩玩下」嘅心態修讀,最後更因此課程令楊偉倫發現自己對演戲非常有熱情同興趣,因而計劃往演員方向發展。

英文兩度唔合格 考演藝列入後補名單

明星成長-男演員-楊偉倫-正義迴廊
圖片來源 : IG@lunyeah.yeah

唔少喜歡演戲或對戲劇有興趣嘅演員,均希望入讀演藝學院,楊偉倫亦唔例外,由於當時演藝學院收生要求為五科合格,當中包括中文、英文,但楊偉倫重考兩次會考英文都唔合格,於是便自修報考演藝學院,並經歷三重面試,最後一次面試因為英文成績唔合格嘅關係被列入後補名單,不過最後亦非常幸運地獲得演藝學院取錄,主修表演,最後更成功於演藝學院畢業,成為戲劇學院榮譽學士。


明星成長 | 何依婷棄BIG4會計所高薪厚職 選香港小姐追夢


由舞台劇跳進影視界 出演多個喜劇角色

入行後嘅楊偉倫活躍於舞台劇演出,更於2015年憑舞台劇《過戶陰陽眼》獲得《第24屆香港舞台劇獎》「最佳男主角(喜劇/鬧劇)」,另亦憑《在平坦的路上看不到日出》獲得《第7屆香港小劇場獎》「優秀男演員」,可見其擁有精湛嘅演技才華已毋庸置疑,亦早已得到肯定。

明星成長-男演員-楊偉倫-正義迴廊
圖片來源 : IG@lunyeah.yeah

除咗出演舞台劇,楊偉倫更有份參與不同嘅電視劇拍攝,其中為《老表,你好hea!》、《午夜伴廊》、《歎息橋》、《大叔的愛》及《I SWIM》等。

明星成長-男演員-楊偉倫-正義迴廊
圖片來源 : IG@lunyeah.yeah

至於電影方面,由2017年起亦有不少作品演出,其中有《鬼同你住》、《媽媽的神奇小子》及2022年賣座電影《闔家辣》及《正義迴廊》其中更擔正《正義迴廊》電影中嘅男主角。

同演藝一班好友畢業生 組獨立樂隊《朱凌凌》

明星成長-男演員-楊偉倫-正義迴廊
圖片來源 : IG@jn.club

除咗影視方面,其實楊偉倫都係一名band仔,當年因為讀演藝而認識同為校友嘅凌智豪(白只)、陳文進(阿Chris)、朱栢謙(朱謙)及朱栢康(朱康),更因為志同道合而組合成為獨立樂隊《朱凌凌》,盡顯其搞笑、憤怒及騎呢嘅特質,致力以破格嘅音樂路線改變生命。

明星成長-男演員-楊偉倫-正義迴廊
圖片來源 : IG@jn.club

楊偉倫更透露《朱凌凌》成員之間有一種兄弟情,而且更會互相欣賞,推動對方進步,更點名白只雖已為一位被受認可嘅演員,但其追求進步嘅學習及工作態度非常值得欣賞。對於演藝上嘅追求,楊偉倫曾於訪問中表示 : 「事業上我沒有不甘心,當然每做完一部戲你總會覺得有做得更好的地方,不會完全滿意,攞獎有人肯定了就足夠,我是幸運,父母一直給予我很大自由度,我能夠在沒有任何壓力下去做想做的事情;因朱凌凌認識我是幸運,有認受性有工作,比別人工作機會多,我沒什麼要怨,一直都知道自己比很多人好彩。」



相關文章
明星成長 | 盤點多個TVB女神級藝人學歷 全部到過海外升學
明星成長 | 張嘉兒擁多個學位 為管教女女再進修中大公共衞生碩士
明星成長 |《下流上車族》郭柏妍文武雙全 港大碩士選港姐為練膽量