今年10月至12月喺香港區一大型商場將舉辦一系列「Skatecation」活動，除咗有得溜冰、仲有各樣種種冰上冰下嘅活動，由於部分活動要收費，今次邀請咗「親子試玩員」豬仔包同豬仔包媽媽率先體驗一番！事不疑遲，立即睇下場內有咩玩！
提起室內真雪溜冰場，相信好多人都會第一時間諗到「太古城中心冰上皇宮 」，皆因佢係港島區最大嘅室內真雪溜冰場，並且歷史悠久。冰上皇宮大變身之後，採用環保製冰技術，令冰面更硬淨和穩定，且減少出現倒汗水 。除此之外，冰上皇宮更係全港唯一個有玻璃天幕嘅溜冰場。天幕用咗防紫外線隔熱物料，做到自然採光，可以減少用電，亦唔會令冰面融化，大家就可以一邊溜冰一邊同陽光玩遊戲啦！
場內有8大「Skatecation」活動，不過今次將會精選最值得玩嘅活動畀大家！
冰壺入門體驗
首先豬仔包同其他小朋友一齊參與「冰壺入門體驗 」，呢項入門級冰上運動非常考驗小朋友嘅體力、腦力和觀察力。
一眾小朋友乖乖坐好聽導師講解，亦跟著導師做一啲看來簡單，但做起來一啲都唔簡單嘅滑動動作，豬仔包雖然做得唔標準，但都非常落力去嘗試，值得一讚！熱身一輪之後，每位小朋友都分派一個「冰壺」，分紅和黃兩種顏色，導師一步一步透過不同任務，讓小朋友對推「冰壺」擁有基本認識，之後就分組對戰啦！
紅和黃兩組分別輪流推「冰壺」，邊一隊最多「冰壺」留喺目標內就算贏。個個小朋友都係大力推一下，但豬仔包係連人帶壺一齊推向目標，這樣明目張膽犯規，竟然仲得掌聲！
手作工作坊
玩完非常消耗體力嘅 「冰壺」之後，媽媽同豬仔包參加比較靜態嘅「手作工作坊」。工作坊非常多元化，有水泥杯墊、3D花擴香石、霓虹燈牌等等。我哋試嘅係「3D花擴香石」。一開始導師先讓豬仔包選花嘅種類和顏色，原來唔同嘅顏色，乾透嘅時間都唔同。
之後用吸管量好準確水量，加入石膏粉攪拌成糊狀，再分數次倒入花模，待乾後就可以脫模，過程一啲都唔難，大部份程序豬仔包都可以獨自完成，最後加入自己喜歡嘅香油，就變成獨一無二嘅擴香石，實在係一個非常好嘅親子活動
週末好去處 ｜環保概念之旅免費遊 4D電影+玩AR/VR遊戲+導覽
冰上皇宮回顧展覽
嚟到冰上皇宮，又點少得體驗一下溜冰樂趣呢！今次係豬仔包初次接觸溜冰，估唔到一啲都唔驚，可以推著雪糕筒喺媽媽扶持下一步一步慢慢向前走。離開前，豬仔包好認真睇牆上一幅幅冰上皇宮40周年回顧展覽嘅相，仲話俾媽媽知原來「麥兜」都識溜冰！
冰上皇宮40周年回顧展覽詳情
日期：2022年10月6日至 11月3日
地點：太古城中心一樓（近溜冰商店附近）
太古城中心冰上皇宮限定人氣手作工作坊溜冰套票詳情
工作坊日期：2022年10月22、23、27日；11月9、24、30日；12月8、14，22、25、26、27日
購買地點：人氣手作工作坊溜冰套票將透過KLOOK發售
冰壺入門體驗詳情
日期：親子班- 2022年10月30日、11月27日
青少年及成人班- 2022年11月8日、11月17日、12月1日
報名地點：太古城中心冰上皇宮溜冰學校
40% off太古城中心冰上皇宮40周年溜冰祭詳情
日期：2022年11月14日至11月18日
購買地點：太古城中心冰上皇宮售票處或KLOOK
資料內容及相片獲 豬仔包の開心日常 專頁授權轉載
更多相關文章
週末好去處 ｜新界九龍區四大兒童室內遊樂場玩後報告
週末好去處 ｜荃灣全新3萬呎兒童遊樂場 巨型滑梯/鞦韆/繩網/平衡橋
週末好去處 ｜全新沙田Play Park試玩體驗 玩轉Kiztopia多款刺激遊樂設施
