成日都係爸爸媽媽帶小朋友去玩，今次一於小朋友陪返媽媽去玩啦！《我係小忌廉》係80後嘅回憶，為慶祝明年踏入40周年，旺角將舉行期間限定音樂祭 —《我係小忌廉40週年前夜祭 – 香港音樂祭2022》，唔只有多個經典場景打卡位，，仲有好多限定單品獨家預售！今次「親子試玩員」豬仔包媽媽同豬仔包再次帶大家行一轉先！
打卡位一：懷舊電視
「星空裡萬物在轉，歴億萬年」，一聽到呢句歌詞，唔知有冇勾起爸爸媽媽嘅童年回憶呢？平時都係媽媽陪豬仔包去玩，今次終於倒返轉，豬仔包陪媽媽去shopping啦
媽媽同豬仔包今次帶大家去《我係小忌廉40週年前夜祭 – 香港音樂祭2022》，睇吓有咩經典打卡位同限定精品先！
一入門口，豬仔包已經比一大堆懷舊電視吸引住，電視不斷播放著小忌廉在台上獻唱嘅片段，豬仔包仲睇到要貼住個電視嚟聽。片段讓媽媽想起小忌廉因為簽證問題去唔到開演唱會，今次終於可以圓夢，嚟到香港開演唱會啦！
打卡位二：迷人粉紅梳化椅
另一邊可以響霓虹燈下同兩隻讓小忌廉得到魔術嘅貓貓嘉寶同嘉麗打卡 ！
打卡位三：夢幻音樂舞台
入到場區，超級打卡位就喺中央舞台，1:1嘅小忌廉坐喺月亮上華麗登場，打卡 ！打！打卡！
週末好去處 ｜環保概念之旅免費遊 4D電影+玩AR/VR遊戲+導覽
打卡位四：神秘夢幻鏡房
後台更設神秘夢幻鏡房，鏡房播着小忌廉嘅夢幻歌曲，豬仔包聽到唔捨得走，完全投入響小忌廉變身時嘅魔法世界 !
「我係小忌廉」會場限定紀念品
打完卡，係時候到媽媽shopping時間，期間限定店內有過百款由kkplus聯乘多個品牌，包括BIGBOYSTOYS、IJAN、Grocery及 Somewherenowhere等推出的「我係小忌廉」會場限定紀念品， 包括芳香蠟燭，化妝袋、毛巾、紀念餐具、毛公仔等，仲有會場限定Figure套裝及變身器型飾物盒獨家預售添
即場印製「我係小忌廉」小物袋
場內更設有即場印製「我係小忌廉」小物袋服務，而家去期間限定店作任何消費，就可以免費獲贈會場限定小物袋一個，每日限量，去到10月9號咋！
週末好去處 ｜屯門室內遊樂場「百田樂園」新店玩後報告
地點：朗豪坊4樓通天廣場
日期：即日起至10月31日
時間：中午12時至下午9時（星期一至五）／上午11時至下午10時（星期六、日及公眾假期）
資料內容及相片獲 豬仔包の開心日常 專頁授權轉載
更多相關文章
週末好去處 ｜新界九龍區四大兒童室內遊樂場玩後報告
週末好去處 ｜荃灣全新3萬呎兒童遊樂場 巨型滑梯/鞦韆/繩網/平衡橋
週末好去處 ｜全新沙田Play Park試玩體驗 玩轉Kiztopia多款刺激遊樂設施
