有「文青女神」之稱嘅袁澧林,昨日得悉憑《窄路微塵》入圍金馬獎最佳女主角嘅袁澧林於社交媒體上發佈一條收到消息後感動落淚嘅影片。袁澧林由2015年入行8年,由廣告硬照拍到上電影大銀幕,由清澀學生妹演到失業年輕單親媽媽,形像多變,但原來袁澧林中學時嘅理想職業係做一名會計師?
由副學士讀上浸大會計學士
時裝模特兒入行踏上演藝圈
袁澧林於北區沙頭角長大,中學就讀上水聖公會陳融中學,預科於上水官立中學就讀,後來報讀香港浸會大學國際學院副學士,再衍接香港浸會大學工商管理學院會計系學士。袁澧林曾於訪問中提及,未入行前目標係成為一位會計師,因為中學時會計成績較出眾,加上家人比較鼓勵畢業後從事較穩定嘅職業,因此受家人影響便於大學時選擇修讀會計,更曾做過半年part time 會計文員,不過袁澧林發現會計工作嘅性質屬重複性及較刻板,與自己性格不合。
![明星成長-女演員-袁澧林](https://metroeducationplus.com.hk/wp-content/uploads/2022/09/2-11-10.png)
不過袁澧林亦曾坦言,其實從小已發現自己喜歡表演,鍾意模仿,中學亦曾參加過劇社及教會演出,後來因一個機會之下,認識到攝影師Miss Bean,而Miss Bean更將袁澧林嘅照片登上雜誌上,期後受時裝公司邀請試鏡,更透露當時冇化妝去試鏡,最終亦幸運亦被選中成為模特兒,自此便踏上表演者之路,2015年正式投身演藝圈。
明星成長 | 盤點五位2022超強學歷港姐 亞軍許子萱直迫麥明詩?
入行初跟King Sir及三哥學做戲
終憑《窄路微塵》入圍金馬獎最佳女主角
當時仍在讀書嘅袁澧林,邊返學邊兼職做模特兒,對於會計出身且演戲初哥嚟講,起步與其他人一樣相對吃力並需花時間學表演及戲劇,曾跟戲劇大師鍾景輝上咗兩年演戲課程,亦有跟戲劇導師林立三學演戲,同時得到家人及朋友支持,不斷磨練演技。入行初期,袁澧林已有份擔任電影《那一年,我17》女主角,及參演ViuTV電視劇集《三一如三》嘅拍攝,不過最能代表袁澧林嘅演出作品非Dear June熱播三部曲中《哪裏只得我共你》、《只知感覺失了蹤》、《經過一些秋與冬》中飾演嘅MV女主角莫屬!直至近年,袁澧林有份參與大大小小嘅電影拍攝,包括近期嘅《闔家辣》及即將上演嘅《過時·過節》,更與張繼聰一同主演《窄路微塵》,透過三次試鏡獲得女主角,並獲得金馬獎最佳女主角提名,可見其多年來嘅努力得到認可。
![明星成長-女演員-袁澧林](https://metroeducationplus.com.hk/wp-content/uploads/2022/09/unnamed-file-12.png)
如對戲劇有興趣,坊間除咗有知名度最高嘅「香港演藝學院」,更有「中英劇團」舉辦嘅成人戲劇課程及兒童戲劇課程,「香港大學專業進修學院嘅表演藝術課程」、「傳藝演藝學院課程」、「英皇娛樂演藝創意學院」嘅演員訓練班證書課程及摘星演藝製作等,有心想進修戲劇,踏上演藝人之路,總有許多不同嘅課程及途徑!
相關文章
明星成長 | 盤點六位80/90後童星學歷+現況
明星成長 |李施嬅大學讀多倫多大學 回流選港姐加入TVB憑《金宵大廈》人氣急升
明星成長 |麥明詩會考10A放棄拔尖到英國考A-LEVEL入劍橋大學
![](https://1283385405.rsc.cdn77.org/wp-content/uploads/2022/09/%E9%BA%A5%E6%98%8E%E8%A9%A9.jpg)