週末好去處｜捉緊夏天尾巴！精選五大玩水好去處

中秋節過去，即代表夏天將接近尾聲，趁而家天氣仲咁炎熱，一於捉緊夏天嘅尾巴，帶小朋友去玩水啦！玩水除咗去沙灘、玩浮潛等水上活動，其實香港仲有好多玩水好去處，有啲仲有瓦遮頭，可以玩水槍、唔怕曬親添，等下面每位媽媽KOL將親身體驗分享俾大家啦！

暢遊西貢＋綠蛋島浮潛全體驗

親子blogger淳淳爸媽參加咗一日遊，帶住仔仔去綠蛋島跟教練去浮潛兼遊西貢！行程包括朝早到火山探知館及萬年壁畫街打卡，中午到達長碼頭跟教練點名登船，一點左右開始浮潛登島，下午三點半左右便換衫沖身準備回程，接近四點半返上岸到西貢附近餐廳進食。

淳媽表示玩嘅全程都有專業教練陪同，講解基本浮潛裝備使用及指導浮潛技巧，教練亦有耐性照顧大家安全，出發途中不斷介紹海洋生物，等大家知道有咩要特別留意，又教大家打卡影相，過程都相當愉快。不過淳媽有少許暈船浪，而加上當天係假期，雖然因為人較多冇登島，但全程都係海中心浮游，可以過足浮潛癮！

按此看活動相關詳情

相片及資訊來源授權於 Facebook @淳粹做個快樂媽

週末好去處｜環保概念之旅免費遊 4D電影+玩AR/VR遊戲+導覽

水之園

今次由親子blogger Kiana媽媽介紹嘅地方係水之園！水之園係一所位公眾教育中心，透過各種互動體驗，加強大眾對水資源及節約用水嘅認識。Kiana媽媽認為最驚喜嘅係館中影院，因為個螢幕超級巨大，270度都有畫面，播放嘅卡通教育片好睇又學到嘢，用咗卡通音效同效果吸引小朋友，同時又學到關於水嘅知識，例如我哋睇完影片先知，原來佢哋會用班馬魚去檢測水嘅質素！

玩水設施都幾好玩，連大人都會好想試下，由於Kiana 未夠高自己玩，所以佢濕身嘅情況就唔犀利，但係如果夠高可以自己玩嘅小朋友，有機會玩得開心就真係會成身濕晒㗎，建議爸爸媽媽幫小朋友帶多套衫

按此看活動相關詳情

相片及資訊來源授權於 : Facebook @ Kiana 的成長日記

西貢沙下灘

去玩水當然唔少得要去沙灘啦！親子blogger曾芯曾薏媽媽就介紹過大家去西貢沙下灘！呢個地方比較遠，去之前亦一早預約咗嗰到好出名嘅一間泰國餐廳，風景靚而浪漫，價錢方面都係收取渡假地方餐廳嘅價，但可能真係太忙，嗰到嘅侍應服務態度有待改善…附近又好難搵野食，建議如果想嚟呢到，可以自己帶嘢食，再一邊同小朋友慢慢欣賞海景。

提提大家，呢個沙灘係非康文署轄下，水都算清，亦有好多貝殼，曾芯曾薏仲各自執一個返屋企留念。

交通方面以海灣會做定位，嗰到有個停車場，就算唔喺嗰度食嘢，都可以泊車，收費$30／小時，如果幫襯餐廳泊車就$20／小時，另外亦可到烏溪沙站轉的士去海灣會。

相片及資訊來源授權於 : Facebook @曾芯.曾薏

週末好去處｜多媒體創新技術綻放中環夜空 12分鐘帶你遊走過去與未來

感官花園 Sensory Garden

豬仔包媽媽推介嘅玩水好去處係觀塘感官花園！「感官花園」分咗四大區域，分別係「聽覺」，「視覺」，「觸覺」及「嗅覺」區。由於感官刺激能幫助兒童腦部發展，加強記憶力和提升學習能力等等，非常適合幼兒去探索一下。

除咗遊樂場，園內仲有得玩水，設有噴水裝置，一開始發覺冇水噴出嚟，後來先揾到地上面有個開關感應，踏上去先會噴水出嚟，感覺環保。豬仔包一開始有少少驚，只敢圍住噴泉外面行，不過玩咗一陣，已經可以慢慢嘗試行近啲，到最後梗係走嚟走去玩得勁開心，但準備玩水嘅家長記得要帶定套衫去俾小朋友換呀！

相片及資訊來源授權於 : Facebook @豬仔包の開心日常

共享空間水槍大戰

親子blogger提子哥哥&暖暖妹媽媽，就有帶小朋友去活動共享空間參加紮染同玩水！坊間都有不少共享空間不時舉辦唔少活動，讓香港人有地方喘息同放下電，今次提子哥哥&暖暖妹媽媽去嘅係香港本地品牌Beeliant Craft，玩咗紮染同水槍大戰，同場仲有水彈玩，多位小朋友可以喺一個大空間走嚟走去，盡情玩水扔水彈！