大過咗怪少壯不努力,悔恨自己年輕時冇讀多啲書?其實有心未怕遲,現年42歲嘅歐倩怡當年憑演唱嘅《櫻桃小丸子》片尾曲《問題天天都多》大受歡迎,自與郭晉安結婚並成為媽媽後,重返校園分別進修市場及管理學學士及食物及營養學榮譽理學士課程,現更成為有專業資格嘅營養師,將計劃再向碩士學位進發!
成為媽媽後重返校園 現成專業營養師
歐倩怡就讀香港培正中學,17歲中五時參加新秀歌唱大賽入行,成為華星唱片旗下女歌手,出道後演唱卡通片櫻桃小丸子片尾曲《問題天天都多》而大受歡迎,更拍攝多部TVB劇集如《秀才遇着兵》、《女人唔易做》及《怪俠一枝梅》等,後來因為拍攝節目結識男演員郭晉安,結婚並誕下一子一女後便淡出幕出,專心湊仔之餘,更重設校園不斷進修!
![](https://metroeducationplus.com.hk/wp-content/uploads/2022/09/歐倩怡1-226x300.png)
圖片來源 : IG@cindyauau
明星成長 | 盤點多個TVB女神級藝人學歷 全部到過海外升學
據講歐倩怡當年會考只獲5分,為咗追回學習進度,歐倩怡先修讀基礎班及文憑課程,更於好友洪永城介紹下,修讀為期四年並較易上手嘅市場及管理學課程,接觸更多品牌市場,並為英文打好根礎。完成課程後,歐倩怡為完成營養師夢,再修讀相關課程,契機源於一直熱愛煮食嘅歐倩怡,曾出過兩本烹飪書,分別係蛋糕食譜及家常小菜食譜,而且因為關注子女健康,更加意識到食物營業健康嘅重要性,曾於訪問中表示:「我採取的方法反是告訴子女哪些是高脂肪、高鈉,只宜淺嘗;多飲汽水也有礙鈣質吸收,教育他們,有用過嚴厲禁止。」所以歐倩怡便決定修讀「食物及營養學榮譽理學士」,並以一級榮譽畢業,成功轉型成為擁有專業資格嘅營養師,並開始以營養師身份接工作,為開始為餐廳設計有營健康餐單。
![](https://metroeducationplus.com.hk/wp-content/uploads/2022/09/歐倩怡2-235x300.png)
圖片來源 : IG@cindyauau
完成學位後,歐倩怡為咗再加深相關知識,計劃再修讀「體育及運動營養學碩士」及「社區營養深造證書」,終極目標係計劃前往外國考牌成為註冊營養師,其學無止境嘅心態,作為媽媽確係一個非常好嘅學習榜樣!
相關文章
明星成長 | 盤點六位80/90後童星學歷+現況
明星成長 |李施嬅大學讀多倫多大學 回流選港姐加入TVB憑《金宵大廈》人氣急升
明星成長 |麥明詩會考10A放棄拔尖到英國考A-LEVEL入劍橋大學
![](https://1283385405.rsc.cdn77.org/wp-content/uploads/2022/09/%E9%BA%A5%E6%98%8E%E8%A9%A9.jpg)