講到學霸女藝人，香港小姐麥明詩應係人所共知嘅高材生，麥明詩中學喺香港讀拔萃女書院，會考奪得10A佳績，預科到英國讀書，大學以優秀成績入讀劍橋大學法律系，除咗學歷豐富，工作履歷亦非常亮眼，曾於外國不少國際企業擔任顧問服務及項目經理一職，2015年參加香港小姐奪得冠軍，其學歷背景成為焦點之一。
三招讀書策略 增強記憶力及語文基礎
麥明詩中學讀書時，成績已非常優秀，成為十優狀元背後，其實自有一門讀書秘笈。麥明詩曾於訪問中提過，以前讀書時最緊張嘅係語文
基礎，透過每一日讀一本書，多寫作多謄文，查字典增加詞彙，提升語文能力。其次就係用形象記憶法，加強學習記憶，將字及圖作聯繫，並多運用感宮將內容進行連繫，加深印象，增強記憶力；同時因為記憶分為短期及長期記憶兩種，因此麥明詩會每日抽五分鐘復習一下前一天溫習過嘅東西，將短期記憶轉化為長期記憶。
除咗以上提及嘅溫書策略，麥明詩嘅學習動力係源自於到英國劍橋讀書嘅願望，小時候因到過英國修讀暑期班，亦有前往劍橋大學，因而被英國嘅學習環境及文化吸引，從此對英國產生一種情意結，並以考入劍橋為目標努力讀書。為咗考取好成績，麥明詩比一般學生勤力，中五11月至12期間，已快人一步做好會考Past Paper，做咗幾乎二十年嘅會考試卷，更直言較擅長掌握考試答題技巧，所以能夠比其他同學考取更好嘅成績。
會考後到英國讀預科 AS Level全滿分
麥明詩會考取得10A後，麥明詩為選擇入讀英國威靈頓公學，放棄喺香港拔尖升大學，到英國後自修由英國劍橋大學創立嘅IGCSE（國際中學教育普通證書），取得10A佳績。回憶當時到英國寄宿學校嘅生活，麥明詩曾表示當時全級只有四位中國人，初到埗時亦感到當地校園生活好荒涼，不時都想起香港，不過後來麥明詩卻漸漸愛上呢片寧靜，更因此而享受閱讀，留學期間讀過好多關於英國歷史書，亦慢慢融入當地生活。完成預科後，麥明詩於英國高考課程GCE A-Level中取得優秀成績，其中於高級補充程度會考 (AS Level)更考取全滿分，最後成功考入英國著名嘅劍橋大學，修讀法律系。麥明詩曾分享過到劍橋大學嘅面試心得，指預備面試嘅過程相當吃力，因需要閱讀大量課外資料，增強分析能力及理性思考，運用邏輯以闡釋觀點。
不過講到底，其實讀書除咗靠自己能力及努力外，父母從小嘅悉心栽培都有好大影響力。麥明詩父母分別為中學副校長及職業治療師，稱自小父母已買好多玩具俾自己玩以刺激腦部思維，父母亦無迫使自己要考獲任何證書，反而重點培養自己嘅好奇心，並且訓練自理及解決問題能力，及培養閱讀習慣以自主性學習。
UCAS 一文了解英國大學聯招報名手續及所需文件
英國大學入學考試課程
A-Level是英國學生的大學入學考試課程，與香港舊高中學制的高級程度會考 (HKALE)相似。不過英國高考則需要考兩個試，分別為高級補充程度會考 (AS Level)，及次年的高級程度會考 (A2 Level)，學生一般需於首年選修及應考 4 至 5 科 AS，然後因應 AS 的考試成績，在次年棄修 1 至 2 科，最後應考 3 至 4 科 A2。考試成績分為A、B、C、D、E、U六個等級，A為最優秀，E為合格，U為不及格。一般獲 3 科合格的成績便可申請英國的大學，但如欲升讀頂尖大學，如劍橋大學及牛津大學，則需要於較多科目中取得更佳成績。
