無論你屬於邊一個身份,都需要具備「職業安全」意識,注意工作環境安全,做足預防措施,時刻提高警覺,確保自身及其他人嘅安全!職安健教育唔只針對在職人士,其實小朋友都應從小培養安全意識,讓孩子學懂保護自己,並將知識活用於日常生活中。而家就由基礎知識學起,認識九件工作時必備嘅安全工具,無論喺咩環境,工作或日常需要,只要有機會出現類似以下所提及嘅情況,都一樣用得着!
防滑鞋
![生活百科-職業安全-工具](https://1283385405.rsc.cdn77.org/wp-content/uploads/2022/08/防滑鞋-768x1024.jpg)
廚房係一個煮嘢食嘅地方,通常地面都又濕又滑,一覺唔覺意就好容易會滑倒或跣到。所以喺廚房工作時,最好就著返對防滑鞋,避免滑倒;另外更應時刻保持廚房乾爽,一旦發現有水或油,就馬上清潔,減少意外發生。
防切割手套
![生活百科-職業安全-工具](https://1283385405.rsc.cdn77.org/wp-content/uploads/2022/08/防切割手套-767x1024.jpg)
從事飲食業嘅人士,經常要使用到不同切割食材嘅工具,而被利器或手工具整傷更係常見嘅工業意外之一,所以當我哋要切食材時,記得要戴上防切割手套,保護雙手,免被割傷。而常見應用於飲食業嘅防切割手套,包括有鋼絲手套或較輕巧嘅纖維手套。
立即參加WhatsApp Sticker設計比賽將安全意識傳遞開去,勝出者有機會嬴取高達$3000!
刀架
![生活百科-職業安全-工具](https://1283385405.rsc.cdn77.org/wp-content/uploads/2022/08/刀架-768x1024.jpg)
「被手工具所傷」係飲食業中其中一個常見嘅職業意外,而刀具正係飲食業最常使用嘅鋒利手工具。為免意外發生,當刀具暫時無需使用時,記得放返喺刀架,切忌放近檯邊及櫃邊。
隔熱手套
![生活百科-職業安全-工具](https://1283385405.rsc.cdn77.org/wp-content/uploads/2022/08/防熱手套-768x1024.jpg)
飲食業中其中一類職業意外係由燙傷或灼傷所致,所以合適嘅隔熱手套絕對係廚房進行烹煮、蒸焗、燒烤工作時保護手部嘅好拍檔!拎熱嘢時,大家記得戴返對隔熱手套,避免燙傷。
梯台
![生活百科-職業安全-工具](https://1283385405.rsc.cdn77.org/wp-content/uploads/2022/08/梯台-683x1024.jpg)
高處墮下嘅致命工業意外中,常見嘅原因均涉及使用不安全梯具,如木梯。其實一般嘅梯只係俾我哋用嚟上落,如果要做離地工作,就要用合規格嘅輕便工作台,例如梯台及功夫櫈。
全身式安全帶
![生活百科-職業安全-工具](https://metroeducationplus.com.hk/wp-content/uploads/2022/08/防熱手套-871x1024.png)
進行高空工作嘅工人,須佩帶全身式安全帶,仲要將防墮扣繫穩至獨立救生繩上,以預防工作時從高處墮下而受傷。
功夫櫈
![生活百科-職業安全-工具](https://1283385405.rsc.cdn77.org/wp-content/uploads/2022/08/功夫櫈-907x1024.jpg)
離地工作時,應選用「高處工作安全三寶」,包括合規格嘅流動工作台、梯台或功夫櫈
立即參加WhatsApp Sticker設計比賽將安全意識傳遞開去,勝出者有機會嬴取高達$3000!
安全帽
![生活百科-職業安全-工具](https://1283385405.rsc.cdn77.org/wp-content/uploads/2022/08/安全帽-769x1024.jpg)
從事建造業嘅工友,常見危險為頭部受傷, 例如頭部遭墮下或飛散嘅物件撞擊、撞到突出嘅物件、遭擺動嘅物件撞擊、跌倒時頭撞向地下硬物,所以安全帽對保護頭部係非常重要!而Y 型帽帶應被視為安全帽嘅一部份,必需正確裝上並扣好,避免安全帽鬆脫以致頭部與物件直接碰撞。
長柄工具連手繩
![生活百科-職業安全-工具](https://1283385405.rsc.cdn77.org/wp-content/uploads/2022/08/9287ddcab99fecc0bd4d82c1e44785ce.jpg)
從事家居清潔工作,難免要抹窗,但切記用長柄工具幫手抹窗,而且腳踏實地企係地板,除咗手臂外,身體其他部分都唔好伸出窗外,咁就可以避免由高處墮下。另外記得讓工具穿上手繩,避免造成高空墮物意外。
![](https://1283385405.rsc.cdn77.org/wp-content/uploads/2022/08/oshc-whatsapp-sticker-kv_1920x1080-1024x576.jpg)
「職安健」知識人人都要識,只要大家都具有工作安全意識,工作前人人都做多一步,職業意外就可以大大減低!想將職業安全知識話俾更多人知?一於參加職安局舉辦嘅《職安健WhatsApp Sticker設計比賽2021-2022》,將你所具備嘅「職安健」知識化身成WhatsApp Sticker,透過WhatsApp傳播開去!勝出者更有機會獲得高達$3000獎金,立即按此報名參加!