今個週末諗好同小朋友去邊玩未呢?好天嘅話不妨帶小朋友去綠化景點,感受一下藝術或環保文化氣息,或去野餐影相打卡!下文立即為你推介五個綠化景點,除咗有一片綠悠悠嘅草地,有啲仲係綠色建築,無論你想帶小朋友欣賞香港建築設計多啲或帶小朋友去放電,總有一個景點啱你!
五大綠化景點推介
旺角 618上海街
![](https://metroeducationplus.com.hk/wp-content/uploads/2022/08/618-shanghai-street.png)
「618上海街」係由市建局重建旺角上海街14幢戰前樓宇而成,商場內有不少本地特色小店,包括有日式文化屋雜貨店、復古懷舊台及陶藝店等,啱晒文青行!另外618上海街將綠建元素融入原有木製窗戶、木拱門及花紋地磚等舊有建築部件,大家行逛時不妨欣賞一下場地嘅建築特色
交通方法:港鐵旺角站C2出口,步行大約3分鐘
地址:旺角上海街600-626號
將軍澳 香港單車館公園
![香港單車館公園](https://www.lcsd.gov.hk/en/parks/vdp/common/graphics/slideshow/03.jpg)
香港單車館公園園內除咗有一大片廣闊草坪及人工湖,仲有多項康體設施,包括:極限運動場、露天劇場、緩跑徑、運動攀登牆、兒童遊樂場、長者健體園地和模型船池。單車館公園主要劃分為動態及靜態區域,以人工湖分隔公園和香港單車館。放假時都有唔少一家大細前往野餐,放電一流!
交通方法:坑口站B2出口 / 將軍澳站A1出口
地址:將軍澳寶康路105-107號
西九龍文化區
![西九文化區| 香港一個嶄新且充滿活力的文化藝術區](https://wkassets-production.s3.ap-east-1.amazonaws.com/styles/field_open_graph_image/s3/20201002_SunJazz_3769.jpg)
西九文化區藝術公園適合一家大細去,仲可以一次過滿足多個願望。西九文化區公園唔單止有一大片草地野餐,仲有超級無敵大海景原,帶埋小朋友及寵物一齊去放電就啱晒!如果想感受一下文藝氣息,仲可以行埋附近嘅M+博物館及新開幕嘅香港故宮文化博物館,入去參觀展覽前記得上網預約呀!
交通方法:
—前往藝術公園、自由空間、香港故宮文化博物館、M+、西九文化區管理局大樓可到港鐵九龍站附近或乘坐專線小巴26D或74D路線前往
—前往故宮可到M+ B1層上落客區及西九文化區西面入口(西隧收費廣場九龍出口巴士站)免費乘搭穿梭巴士前往。
九龍灣 零碳天地
![](https://1283385405.rsc.cdn77.org/wp-content/uploads/2022/08/cic-zcp.jpg)
建造業零碳天地係香港首座零碳建築,集公眾休閒、環保教育及嶄新建築科技於一體。零碳天地提供一片綠化休憩空間,而且交通方便,附近有大型購物商場,去野餐補給食物飲品都非常方便。
交通方法:乘坐港鐵或巴士到九龍灣港鐵站(A出口)步行出往,需時8分鐘
地址:九龍灣常悅道8號
荃灣 南豐紗廠
![](https://metroeducationplus.com.hk/wp-content/uploads/2022/08/The-Mills.png)
南豐紗廠係荃灣地標式保育項目,活化後紗廠極具文青氣息,除咗有本地小店、精品咖啡店、手工啤酒店,更有鑽牆作畫,啱晒文青影相打卡兼行街,而且廠區係寵物友善嘅場地,帶埋毛孩去放電都冇問題!
交通方法:乘坐港鐵或巴士到荃灣政府合署對面 (近荃灣港鐵站A4 出口)乘搭南豐紗廠免費穿梭巴士
地址:荃灣柴灣角白田壩街45號
週末好去處 |裕民坊《YM2與您綠遊仲夏》 1:1古董及全新電動巴士模型展覽
《十築十KOL – 綠建短片拍攝比賽》
如果小朋友同父母都鍾意拍片,有興趣嘅話仲可以參由建造業議會及香港綠色建築議會合辦嘅KOL《十築十KOL – 綠建短片拍攝比賽》,親子擋一齊嬴大獎!
主題 :以「十」及「綠建」為主題
參加方法 :https://greenbuildingkol.m21.hk/
組別 :親子組(12歲以下及其家長)、學生組(18歲以下)、公開組(18歲或以上)**歡迎以個人或隊伍(上限4人)形式參賽
有關最新活動和比賽詳情及細則,請瀏覽香港綠色建築議會 Facebook 專頁 及 活動網頁 greenbuildingkol.m21.hk。
更多相關文章
週末好去處 |元朗商場 KUMAMON 熊遊小鎮 8大打卡位陪你「熊」抱盛夏
週末好去處 |香港故宮文化博物館懶人包
週末好去處 |Mr n Mrs Moon現身旺角 打卡/美食/購物樣樣齊
![週末好去處-旺角-mr n mrs moon](https://1283385405.rsc.cdn77.org/wp-content/uploads/2022/08/%E9%80%B1%E6%9C%AB%E8%A6%AA%E5%AD%90%E9%81%8A0802.jpg)