莫文蔚 (Karen)嘅成就見於歌影視各方面,前幾年更憑《呼吸有害》奪得多個音樂獎項,兌現咗小時候立志做明星嘅目標。不過入行前Karen其實更一個學霸,精通多國語言,並生於書香世家,想成為明星源自於外公嘅一張相。
明星成長 | 欣宜克服負面評價及自我懷疑 奮鬥35年成功奪女歌手金
中學女拔畢業精通多國語文
兩歲半時訂下明星夢
莫文蔚有一個哥哥,父母係香港傳播界名人,自小對Karen兩兄妹實行西式管教方式,培養兩兄妹獨立自主,父母對子女嘅決定均會表示支持而不多加限制及干預。莫文蔚小時期已品學兼優,中學就讀於香港拔萃女書院,中四時已被選為「香港傑出學生」之一,代表香港到日文作文化交流。後來更曾考入倫敦大學,主修意大利文學專業,精通英文、法文、意大利語、粵語及普通話,擁有非常高嘅學歷及修養。
![明星成長-女藝人-莫文蔚](https://metroeducationplus.com.hk/wp-content/uploads/2022/05/莫文蔚4-300x236.png)
圖片來源 :mokabyebaby@IG
然而學業成績並不能滿足Karen嘅欲望,Karen真正嘅夢想係成為明星,細個曾於日記裡曾寫下成為音樂及演員嘅目標,並曾於訪問中提過,由於細個外公鍾意影相,有一次拍下了當時只得兩歲半嘅莫文蔚,相中嘅Karen笑得非常開心,更擺出一個可愛姿勢,由望住相片當刻開始,便萌生咗長大後要成為明星嘅念頭。直到英國讀大學時,莫文蔚喺跳蚤市場買咗幾張爵士樂音樂唱片,每日沉醉於音樂裡,便開始發現自己對舞台嘅渴望越來越強,雖然在外地實行歌手比較難,但幸得堅持冇放棄,最後於香港遇上音樂製作人雷頌德,因聲線獨特而被賞識,經過DEMO試唱後,獲得唱片公司邀請,正式出道成為歌手,不過第一張專輯嘅銷售成績卻非常慘烈,只賣出400多張。
不過幸好,同期遇上伯樂周星馳,令Karen被發挖出成為演員嘅潛質,更憑多個突出嘅角色,令觀眾對留下深刻印象,其中代表作分別為《齊天大聖東遊記》中嘅白骨精及《食神》中嘅火雞姐。最終更參演咗王家衛導演嘅作品《墮落天使》,成功奪得香港金像獎最佳女配角。雖然演戲令Karen走紅,但心底裡Karen依然冇放棄歌手之夢,最後憑着堅持,重新與多名音樂人合作,終獲得台灣第19屆金曲獎嘅「最佳國語專輯」,正式成為一位出色嘅表演者。
明星成長 | 陳凱琳憑正面形象成功轉型為收入8位數KOL
出道二十九年 慶幸敢於發夢
講到莫文蔚嘅成就,絕對不得不將部分功勞歸功於Karen父母,Karen曾於訪問中表示父母係其學習對像,而哥哥都係自己學習嘅榜樣,從小就得到家人嘅照顧及愛護,擁有一個愉快童年,亦都對出生於此家庭感到非常感恩及幸運,家人無條件嘅支持及關心讓Karen嘅人生感到無比幸福
![明星成長-女藝人-莫文蔚](https://metroeducationplus.com.hk/wp-content/uploads/2022/05/莫文蔚1-282x300.png)
圖片來源 :mokabyebaby@IG
本年1月為Karen出道第29年,Karen慶幸自己不停發夢,更表示:「由出道至今,我一直都為自己訂下不同嘅目標,然後就咩都冇諗勇往直前,結果真係完成咗好多發夢都冇諗過嘅事情!所以我一直堅信,只要有恆心有夢想去追夢,立定決心就一定可以做得到。展望將來,我仲有好多夢想想去實現,希望我可以透過音樂,繼續完成更多不可能嘅任務,回饋樂迷、回饋社會。」
相關文章:
明星成長 | 保錡捱過低潮重拾方向 成ERROR第三人推出個人單曲《猥瑣》
明星成長 | 楊紫瓊英國皇家舞蹈學院學士 因脊椎受傷走上武打影星之路
![明星成長-女演員-楊紫瓊](https://1283385405.rsc.cdn77.org/wp-content/uploads/2022/05/%E6%A5%8A%E7%B4%AB%E7%93%8A.jpg)