新一代獨立唱作人林家謙,受男男女女歡迎,無論你對粵語歌熱衷與否,相信都必定聽過 <<一人之境>>。林家謙未正式成為幕前歌手時,已為不少當紅歌手做幕後音樂製作,如方皓玟、許廷鏗、容祖兒、張敬軒等,正式以個人身份出道後,更為自己嘅音樂包辦曲詞編監,可見其音樂功底十分深厚,而其音樂才華其實早見於讀書時期嘅一一場歌唱比賽中。
圖片來源 : IG@terencelam0903
歌唱比賽屢獲冠軍
林家謙對音樂嘅熱情,由細細個就經已萌生,主動要求父母要學樂器,喺追求音樂嘅樂上,家人亦非常支持,全無反對。林家謙就讀聖若瑟書院,曾於訪問中講過中一已參加校內歌唱比賽,而該場比賽令佢非常深刻,因為中一生入選決賽嘅例子非常少見。
直至中六,林家謙轉校到香港四邑商工總會黃棣珊紀念中學,中六時參加校內歌唱比賽,自彈自唱周杰倫嘅《安靜》,因表現出色而奪冠,當年林家謙嘅演唱片段被校友流傳,更被封稱為「鋼琴王子」。
明星成長 | 林日曦輟學兩大得益 由廢青變上市公司董事
大專聯校歌唱比賽中獲林一峰賞識
![明星成長-林家謙](https://metroeducationplus.com.hk/wp-content/uploads/2022/04/林家謙4-300x291.png)
圖片來源 : IG@terencelam0903
中學畢業後,林家謙入讀嶺南大學英文系,從一次大專聯校歌唱比賽中獲得歌手林一峰賞識,並受到提攜而成為作曲人,為不少當紅歌手作曲,後來更有幸為偶像林宥嘉一同填詞。直到而家,更以個人身份出道,創作出多首深受港人歡迎嘅歌曲,如<<一人之境>>、<<時光倒流一句話>>、<<拼命無恙>>及<<下一位前度>>等。
明星成長 | 林欣彤畢業前為夢想一搏 成名後憑一個座右銘走過低潮
有心聆聽林家謙歌詞嘅曲迷,相信都從歌詞中感受到其快樂生存之道,林家謙表示希望自由自在及無拘無束做自己,並強調會從最壞嘅情況中,管理自己對事情嘅期望,令自己不易失望,擁有有一種悲觀式樂觀,面對未來,隨之而安,隨心向前走。
相關文章: