就嚟放新年假啦，梗係要同呀仔呀女輕鬆一下！趁住新年年假，一於同小朋友煲電影減下壓，又可以令親子時間更高質，以下精選8款 Netflix 合家歡 電影，一於Bookmark心水電影過新春！
1. Netflix -《有求必應日Yes Day》
平時最鍾意拒絕人嘅一對夫妻，決定對小朋友天馬行空嘅要求有求必應，雖然附帶幾項基本原則，但都免不了踏上一場翻天覆地嘅趣味冒險。呢套 電影 對 親子 之間關係有一定嘅啟發，讓家長同小朋友一齊反思 親子 相處之道。
2. Netflix -《威樂比這一家》
電影 裡面嘅4個小朋友嘅父母自私又惡劣，於是佢哋計畫要同爸媽就此一刀兩斷，自己組成一個不完美中嘅完美家庭，其開展一場驚險嘅經歷，故事最後，電影 角色終體會到家庭嘅真正意義。
3. Netflix -《隔離屋個仔》
一名叫阿丹嘅小男孩係喬治嘅命中剋星。但當狡猾竊賊試圖洗劫喬治囓財物，阿丹很可能就是他唯一的救星。
4. Netflix -《節拍人生》
一名自我中心嘅舞者喺百老匯試鏡失敗後，不甘願地返鄉，勉強答應指導一群年輕嘅邊緣人，帶領佢哋參加舞蹈大賽。過程中主角與學生們都遇到唔少挫折，但卻培養出師生友好之情，並一齊面對挑戰。
5. Netflix -《小魔女》
一名常被殘酷校長同父母折磨嘅小女孩，發現咗自己嘅潛在力量後，決定用嚟對抗生活中嘅惡霸，小女孩嘅堅強、智慧同膽色非常值得讓各位小朋友借鑑。
6. Netflix -《踢躂小企鵝》
年輕嘅企鵝波波唔似其他夥伴，他冇優美歌聲能夠吸引伴侶，但上天賜佢一項獨特嘅天賦，就係跳舞。所謂天生我才必有用，人人天生潛能都唔同，抱持自信，發挖自我才能，總可活出自己人生。
7. Netflix -《媽媽咪鴨》
眼見同伴即將展開一年一度嘅遷徙之旅，這隻生性樂天嘅大雁因傷無法同行，卻照料起兩隻迷路嘅小鴨，過程中本身生性孤獨嘅大雁學習到責任與耐心，最後更組織一個完滿嘅家庭。
8. Netflix -《白牙》
一隻忠心嘅狼狗喺好奇心驅使下，展開千載難逢嘅冒險，前後效忠三位截然不同嘅主人，係一個闡述咗遺傳、環境、及動物生存三大關係嘅電影，加深小朋友對人類社會生存嘅認識，並探索關於道德及贖罪等主題。
