今個農曆 新年，恒基兆業旗下商場 – 沙田中心、沙田廣場及屯門時代廣場將於1月14日至2月20 日舉行【和風祈願開運祭】，邀請咗 日本 旅遊達人／圖文作家／御神籤收藏家啦兒（Lala Fu）打造5款全新立體御神籤，當中最引人注目嘅一定係高2.5米嘅巨型萌虎 御神籤。另外，現場仲會展出啦兒30件 御神籤 限量珍藏，今年 新年 打卡一於去呢度！
屯門時代廣場「勝利萌虎神社」
現場除咗有觸目登場嘅2.5米高巨型「勝利萌虎籤」，更有「長康鯛魚籤」及巨型「滿福松鼠籤」，前者寓意健康長壽；後者則寄望香港人 新年 福氣滿懷！拜殿左邊仲有「和風祈願百子櫃」，打開即見啦兒插畫及 日本 御神籤 冷知識
沙田中心「和風祈願灯篭陣」
沙田廣場「祈願達磨籤」，有助來年趨吉避凶，福氣連連，另更有「護佑狛犬籤」守護拜訪者！但現場重點始終係祈願灯篭陣，各個灯篭之上均棲息着一個比原版大4倍嘅 御神籤，讓大家更細緻地觀賞一系列珍貴萌物。
沙田廣場「環日御神籤珍藏展」
「環日 御神籤 珍藏展」展出啦兒精心挑選嘅30件珍藏，各自分擁有不同嘅故事，當中亦會展出限量推出嘅12生肖系列及絕版珍藏，等大家唔使環遊 日本，都可欣賞到各地獨特嘅 御神籤！
最「瀛」新春賀卡 為摯愛送上暖意祝福
今個 新年，沙田中心及屯門時代廣場更為你特意準備咗「萌虎神社祈願の旅」，各位到場可設計 御神籤 賀卡為身邊嘅人送上祝賀，絕對係今個新年必備賀卡之一！
恒基兆業商場【和風祈願開運祭】
日期：2022年1月14日至2月20日
時間：上午10時至晚上10時
地點：沙田中心L3大堂（譚仔雲南米線對出）、沙田廣場L3（扶手電梯旁，創輝珠寶對出）及屯門時代廣場南翼L1大堂
萌虎神社祈願の旅
日期：2022年1月14日至2月20日
時間：上午10時至晚上10時
地點：沙田中心L3大堂（譚仔雲南米線對出）及屯門時代廣場南翼L1大堂
