高學歷嘅香港小姐眾多，但不少港姐入行前都為咗追夢參選港姐而放棄原本正在修讀嘅學位課程，不過為咗提高自身嘅競爭力，亦有唔少港姐入行後會以半工讀形式繼續進修更高嘅學歷或完成之前未完成嘅學位，現年27歲嘅鄧卓殷亦唔例外。鄧卓殷名校協恩中學畢業，成為香港小姐後其實已於香港大學建築系一級榮譽畢業，但入行後仍繼續進修並取得碩士學位！

DSE考獲四科5** 中文閱讀理讀最弱

鄧卓殷於香港就讀協恩中學附屬小學及及協恩中學，於香港中學文憑試中考獲4科「5**」佳績， 5科最佳成績更取得高達33分，數學科為其中一科取得5**嘅學科，成績相當優異。不過鄧卓殷曾理科出身，曾自爆中文閱讀理解最弱，中文成績相對唔太理想，更透露當年考DSE文言文部分更試過空咗成版冇做，雖然當刻好震驚，不過都選擇豁達面對，最終亦合格過關，更成功考入香港大學建築學院轄下學士課程。

2017年畢業更曾任職建築見習生，更參加過《2017年度亞洲建設大獎評選》並於學生界別建築組贏取優異獎，以一級榮譽於香港大學建築系畢業！

選港姐後再進修 半工讀完成建築學碩士

2018年因為想多方面學習及發展，希望把握年輕時於娛樂圈盡情發展，便決定參加《香港小姐競選》，並取得亞軍及最上鏡小姐兩大獎項，其後亦與其他香港小姐得獎者一樣簽約TVB成為旗下女藝人。

雖然鄧卓殷於香港小姐競選後開始參與幕前演藝工作，但並無放棄學業，更於香港大學修讀建築學碩士課程，去年更已完成碩士學位成為碩士生，正式成為女學霸！對於同時兼顧學業及幕前工作嘅鄧卓殷，曾於訪問中表示雖然半工讀過程只有身在其中嘅人先明白，但仍表示：「當我訂立了目標就會盡全力做好，加上娛樂圈只是世界的一小部分，不可能讓自己視野變得狹窄和與外界脫軌，因此要不斷進修，提升自己。」

明星成長 ｜ 何依婷棄BIG4會計所高薪厚職 選香港小姐追夢

協恩中學著重語文教學 學生可修讀日文、法文或西班牙語

協恩中學附屬小學係位於九龍區嘅一間直資女校，絕對稱得上數一數二，建校近 80 年，擁有深厚的歷史根基， 87% 學生可順利升讀協恩中學。而協恩中學全年學費約 $36,810，主要以英文為主要教學語言，但除咗兩文三語，學生亦可以學習日文、法文或西班牙語。學校着重學生語文能力，積極鼓勵及幫助學生參加具國際認受性的考試，如英國劍橋大學國際普通中學文憑試（IGCSE）、國際英語測試（IELTS）、普通話水平測試（PSC）。

另外更鼓勵精英學生參加學校提供或推薦嘅語文、運動、音樂、科學、文化等資優計劃、國際比賽及海外交流活動等，培養學生多方面發展。

協恩中學出產多名女藝人 Band 1A中學全港排第十

根據過往公開考試成績評估，推算協恩中學屬Band 1學校，全港排名第10至17，全港女校排名頭五位，超過5成學生於DSE英文科取得第 5 級或以上成績，超過6成學生取得本地學士學位課程取錄，中六畢業生升學率達至99%，2014年更誕生8科5**狀元。除咗學術成績表現出眾，學校於體育、音樂、辯論等課外活動亦有優秀表現，其中籃球隊為其中較出眾課外活動之一。

而且其中名人校友更多不勝數，如鄭融、何雁詩、鄧萃雯、佘詩曼、樂易玲、陳淑蘭、陳美詩等。

協恩中學開放中二至中四插班申請 設兩輪入學試

協恩中學2023/24中一收生申請已截止，該校現正接受2023-2024學年中二至中四插班生的入學申請，凡獲取錄的學生，須於入學前通過筆試及面試，凡通過筆試的申請學生，將獲邀與家長一同參加面試，收生準則面試表現佔30%，學業成績佔30%，課外活動表現佔20%，操行／態度佔20%，有意申請者可填妥 電子表格 或以郵寄方式或親身遞交相關文件及 報名表格 至本校校務處。按此參閱詳情

相關文章
明星成長 ｜ 盤點多個TVB女神級藝人學歷 全部到過海外升學
明星成長 ｜ 張嘉兒擁多個學位 為管教女女再進修中大公共衞生碩士
明星成長 ｜《下流上車族》郭柏妍文武雙全 港大碩士選港姐為練膽量

The post 明星成長 ｜ 鄧卓殷半工讀完成建築學碩士 協恩中學畢業同佘詩曼係校友 appeared first on 新城教育+.

TVB多年來出產多位女花旦，每位除咗有出眾嘅外形，出色嘅演技或口才外，其中更有許多曾到海外留學，更於當地完成大學學位，學歷高之餘，英文亦都好Talk得，當中過半數女藝人更係就讀外國名牌大學，為倫敦大學學院及英屬哥倫比亞大學畢業生。

湯洛雯

湯洛雯係前亞視藝員湯鎮宗女兒，亦係前無綫小生湯鎮業嘅姪女，妹妹為模特兒湯樂瑤。小時候於新界大埔滘長大，後曾就讀名校聖保祿天主教小學及聖保祿中學，中五後到英國升學，入讀倫敦大學學院，主修心理學系。後來回港參加香港小姐，雖然未能勝出但卻獲民選港姐稱號，加入TVB 成為女藝人，代表作為《學是學非》及《法證先鋒IV》。

The post 明星成長 ｜ 盤點多個TVB女神級藝人學歷 全部到過海外升學 appeared first on 新城教育+.

講到學霸女藝人，香港小姐麥明詩應係人所共知嘅高材生，麥明詩中學喺香港讀拔萃女書院，會考奪得10A佳績，預科到英國讀書，大學以優秀成績入讀劍橋大學法律系，除咗學歷豐富，工作履歷亦非常亮眼，曾於外國不少國際企業擔任顧問服務及項目經理一職，2015年參加香港小姐奪得冠軍，其學歷背景成為焦點之一。

三招讀書策略 增強記憶力及語文基礎

麥明詩中學讀書時，成績已非常優秀，成為十優狀元背後，其實自有一門讀書秘笈。麥明詩曾於訪問中提過，以前讀書時最緊張嘅係語文

The post 明星成長 ｜麥明詩會考10A放棄拔尖到英國考A-LEVEL入劍橋大學 appeared first on 新城教育+.

近年活躍於TVB不同電視節目嘅黃子桐，唔只身材外貌討好，而且更係學霸一名，受師姐朱千雪、麥明詩影響，堅持不為加入娛樂圈而與世界脫節，即使原本已為香港大學犯罪學系畢業生，入行後再半工讀入中大醫學院進修，將兩年課程濃縮至一年完成，最終修畢整個香港中文大學碩士課程，才貌兼備！

中學被發現為資優生 港大主修中文及犯罪學系

黃子桐中學就讀葵涌區裘錦秋中學，中學時期已經參加許多聯校課外活動，更被老師發現係資優生，更成為「香港資優教育學苑」成員。不過就算係資優生，都要付出努力，中學畢業成功入讀香港大學嘅黃子桐，為咗應付公開試一樣都要操Past Paper，更提醒同學仔作息對考試表現非常重要，因為要足夠嘅休息先會可以增強記憶力。

雖然黃子桐讀嘅中學並非名校，但黃子桐依然能考取佳績入讀香港大學，主修中文及犯罪學系。之所以揀選犯罪學系，主要係因為黃子桐自細就愛睇偵探及犯罪題材嘅電影，加上鍾意研究人性同心理，所以跨學院主修犯罪學，其後更將知識學以致用，於電視節見《666永: 逝者代言人》中分析犯罪份子嘅心理狀況及犯案動機。

明星成長 ｜《美麗戰場》陳曉華中大護理系畢業 參港姐為求突破Comfort Zone

畢業曾於醫療機構任職 為演藝發展棄高薪厚職

香港大學不乏本地名校出身嘅畢業生，對於非名校出身嘅黃子桐，曾直言剛踏入大學生活時亦試過因被同學睇唔起而感到自卑，不過憑着積極主動嘅心態，慢慢地亦能融入港大生活，更認識咗好多外國學生。

大學畢業之後，黃子桐曾於醫療機構任職，更受到公司賞識提攜到哈佛大學進修，更曾表示當時嘅人工係而家嘅4倍，不過黃子桐一心想發展演藝事業，為加入演藝圈參加香港小姐競並晉身12強，期後更放棄到哈佛大學讀書嘅機會，加入TVB成為旗下女藝人。

明星成長 ｜鄧佩儀入行十年終做女一 突請假返加拿大重回校園生活？

受前屆港姐啟發再進修 花20萬半工述醫學院碩士課程

加入TVB後，黃子桐並無因此而停下步伐，比之前更努力增值自己，花上約20萬港元，用一年時間半工讀修原為兩年嘅中大醫學院公共衞生系碩士課程，過住非常艱苦嘅生活，一邊工作拍攝一邊做功課上堂，經常都要通頂，更試過連續48小時工作再接住上堂，加上黃子桐讀文科出身，修讀醫科需要付出嘅努力比其他人更多，過程更加艱辛。

不過只要努力，事情總係會有成果，黃子桐最終憑着堅毅亦完成整個課程，取得碩士學位，前途無可限量，一畢業已有私人醫療公司邀請成為管理層成員之一，但因為黃子桐想趁年輕盡情追逐夢想，所以冇退出娛樂圈嘅打算，更表示再進修某程度上係受到師姐朱千雪同麥明詩嘅影響，坦言 : 「呢行好易迷失自己，同擔心與世界脫節，讀書可以令自己頭腦清醒啲。」

明星成長 ｜ 朱千雪於演藝事業黃金時期 為追夢重返校園成大律師

香港中文大醫學院

醫學院自成立以來，在教學、臨床診治及研究，以及促進健康科學上均有傑出成就。學院現在是公共衞生服務重鎮，而且是不少突破性醫學發現和外科新技術的發源地。學院下設十九個教學學系／學院／單位，開辦七個學士學位課程和多項研究院課程，為學生提供頂尖的全面醫學訓練。

醫學院包括腫瘤學系、影像及介入放射學系、內科及藥物治療學系、微生物學系、婦產科學系、眼科及視覺科學學系、兒科學系、藥劑學院、精神科學系及賽馬會公共衞生及基層醫療學院。

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜麥美恩加拿大名校畢業 入行以做主持為目標
明星成長 ｜麥明詩會考10A放棄拔尖到英國考A-LEVEL入劍橋大學

The post 明星成長 ｜ 黃子桐非名校出讀港大感自卑 為入行放棄4倍人工 appeared first on 新城教育+.

擔演TVB台慶劇《超能使者》其中主要角色之一嘅港姐亞軍劉穎鏇，今年入行第6年，演出多部劇集如《兄弟》、《青春不要臉》及《踩過界II》等，除咗擁有優美嘅身材，其實仲係運動健將同美國大學畢業嘅大學生，當年選完港姐後堅持完成大學學位，以網上課程形式上堂，並以半工讀形式完成學士學位，認真叻女！

回港選港姐後加入TVB 半工讀完成美國大學學士課程

劉穎鏇自小於美國洛杉磯長大並讀書，高中時加入女子籃球隊，亦參與過不少女子籃球賽，並曾代表球隊參加加州比賽並獲得第二名！大學時入讀加州大學河濱分校工商管理系，後來為咗追夢發展演藝事業而決定停學，回港參加香港小姐競賽，最後更奪得「最上鏡小姐」、「現場最受歡迎佳麗獎」及「2016年度香港小姐競選亞軍」三大獎項，成績非常亮麗。參選港姐後，劉穎鏇決定留港發展，加入TVB成為旗下女藝人，完成藝員訓練班並進行主持、拍劇等工作。

不過為咗圓爸爸媽媽嘅心願，入行後兩年因工作機會穩定，同時見好多同學經已大學畢業，令劉穎鏇決心返回校園，以半工讀嘅形式修讀亞利桑那州立大學工商管理系學士課程，由於能夠網上授課，所以劉穎鏇可於香港邊工作邊讀書，更曾於訪問中講過：「而家科技咁發達，更加冇藉口唔讀書。」最後劉穎鏇亦於兩年前完成為期三年嘅學位課程，正式成為大學生，更排除疫情萬難飛往當地大學與家人一齊影畢業相。

拍完《鐵拳英雄》後感迷失 決定重修學位做好兩手準備

的確網上授課已經非常流行，時間亦彈性靈活，就好似劉穎鏇修讀嘅呢個課程為例，就連考試都可以透過網上進行。不過雖然方便同時返工嘅人士讀書，不過劉穎鏇曾於訪問中直言要幕前及讀書兩邊走，加上本身都有一定嘅工作壓力，再加埋讀書，過程唔容易。不過劉穎鏇最後都能夠完成學位課程，順利畢業，捱過半工讀嘅艱辛過程。

至於演藝事業方面，劉穎鏇嘅演藝發展之路亦非暢通無阻，劉穎鏇入行初時拍劇曾受盡負評，被批評欠缺演技，加上自小於美國長大嘅劉穎鏇較少機會接觸中文，廣東話較差，所以當參與電視節目拍攝時便更加吃力，更透露當時拍完《鐵拳英雄》後，一度未有新劇拍攝，感到迷惘，甚至自我懷疑，而呢個階段亦令劉穎鏇決定重返校園，為自己做好兩手準備。不過後來劉穎鏇亦得到唔少嘅演出機會，為咗克服廣東話之弱項，劉穎鏇都經過默默嘅苦練，用自己方法令自己能夠順利完成拍攝，例如將拼音標記於劇本對白上，經過多年磨練，而家嘅廣東話經已大有進步，喺角色上亦都有唔同嘅嘗試，相信繼續努力，演員之路會愈行愈順！

明星成長 ｜ 何依婷棄BIG4會計所高薪厚職 選香港小姐追夢

亞利桑那州立大學

亞利桑那州立大學Arizona State University,ASU是一所公立大學，成立於1885年，是美國大學學生數目最多的大學，為學生提供廣泛的學術和課外選擇。亞利桑那州立大學主校區坦佩和鳳凰城地區的其他三個地方為學生提供了300多個大學課程，多達500多個社團和組織。學校還提供給學生超過250個留學選擇。新生必須住學校宿舍，除非是原本住家通勤、已婚或有其他例外。亞利桑那州立大學提供各種的研究生課程，包括W. P. Carey商學院，Sandra Day O’Connor法學院，Ira A. Fulton工程學院和Mary Lou Fulton師範學院。

學費 : HKD$ 65938 / 24周
熱門學科 :  工程、商科、教育
QS排名 : 219位

相關文章
明星成長 ｜ 盤點多個TVB女神級藝人學歷 全部到過海外升學
明星成長 ｜ 張嘉兒擁多個學位 為管教女女再進修中大公共衞生碩士
明星成長 ｜《下流上車族》郭柏妍文武雙全 港大碩士選港姐為練膽量

The post 明星成長 ｜劉穎鏇半工讀 網課形式修畢美國大學工商管理學士 appeared first on 新城教育+.

近來TVB熱播嘅《下流上車族》其中焦點之一除咗鬼才林敏聰，仲有港姐郭柏妍，郭柏妍2020年選香港小姐入行，入行僅兩年已有機會拍攝電視劇並成為主要角色之一，之所以能夠咁快於演藝界發展，相信除咗郭柏妍有出眾嘅外表，其學識與能力亦係成功關鍵之一。郭柏妍入行後半工讀於香港大學進修食物安全管理碩士課程，中學讀書時活躍於多個課外活動包括游泳、步操樂團等，非常叻女！

中學活躍課外活動 多次參與學界游泳比賽

郭柏妍就讀聖公會青衣邨何澤芸小學及東華三院吳祥川紀念中學，中學時曾代表學校多次參與學界游泳比賽且晉級八強，另外更係步操樂團成員，並於「香港步操樂團公開賽」中獲得2011年度銀獎及2012年度金獎。除此之外，亦有參加朗誦比賽並獲得中五級女子粵語詩詞獨誦優異獎，可見郭柏妍唔只活躍於課外活動且亦獲得不錯嘅表現，中學畢業後入讀香港高等教育科技學院嘅食品安全學科。

選港姐為鍛鍊膽量 入行僅兩年拍攝多部電視劇

不過郭柏妍曾於訪問中曾直言自己係一位好細膽嘅女仔，雖然細個比較愛玩，但愈大愈靜，從前中學雖有參加過歌唱比賽，但卻因為膽小而唔敢開聲歌唱，讀書時期亦較喜歡留喺屋企，為咗鍛鍊膽量及訓練與人溝通嘅技巧，受家人鼓勵下便決定參加香港小姐，最終獲得季軍，正式加入TVB入行娛樂圈成為女演員，不過郭柏妍則表示由於本身較靜，入行時初對鏡頭都感到不安及緊張，後來慢慢適應後膽量便重新鍛鍊起來，更拍攝不少電視劇集，入行僅兩年已拍攝多部劇集，2022年便有五部劇集，其中代表作有《下流上車族》、《美麗戰場》及《白色強人II》等。

明星成長 ｜ 何依婷棄BIG4會計所高薪厚職 選香港小姐追夢

入行後堅持學習 半工讀港大碩士課程

入行後郭柏妍依然無放棄學習，半工讀香港大學食物安全管理碩士課程，至於本身點解會揀呢科，原來係因為鍾意食嘢，為咗知道如何能夠「食極唔肥」，加上本身有修讀化學所以便決定選擇呢一科，就於上一年順利畢業，正式成為碩士生，成為具高學歷嘅女藝人之一！另一方面，入行因為開始要參與大量戲劇工作，由於本身冇修讀相關課程，更計劃修讀戲劇相關課程，並接受監製及導演意見，多睇電影、電視劇，從觀察中學習，可見郭柏妍嘅上進心及求學精神，相信往後一定可以見到更多郭柏妍嘅作品及進步！

相關文章
明星成長 ｜ 盤點多個TVB女神級藝人學歷 全部到過海外升學
明星成長 ｜ 張嘉兒擁多個學位 為管教女女再進修中大公共衞生碩士
明星成長 ｜《下流上車族》林敏驄三父子聖保羅男女中學畢業 大仔承繼父親音樂才華

The post 明星成長 ｜《下流上車族》郭柏妍文武雙全 港大碩士選港姐為練膽量 appeared first on 新城教育+.

張嘉兒自小於加拿大成長讀書，2007年前往香港參加香港小姐競選並奪得冠軍，曾加入TVB發展演藝事業，後來結婚誕女漸淡出幕前，但仍然身兼多職，除咗係一位媽媽及香港小姐，更係一位正面管教工作坊認證講師 、母乳餵哺教室作者及一名YouTuber，不時於社交媒體上分享育兒心得，絕對係一位稱職嘅女強人媽媽！

加拿大回流選港姐 由演員轉型為正向教育家/育兒KOL

張嘉兒自小移民到加拿大生活，大學時就讀英屬哥倫比亞大學營養學系學士，目標本想成為一位專業營養師，後來回港參選香港小姐奪得冠軍並加入TVB成為旗下藝人，擔任司儀主持、電視劇拍攝，初入行時受到外界不少負面評價，張嘉兒曾於訪問中表示入行三四年後漸變得愈來愈冇自信，於是便決定發挖其他興趣，修讀香港中文大學公共衞生碩士課程，台上致詞時更講過：「不停學習、學習，認識更多會讓我們更自信！」後來隨着張嘉兒結婚並先後誕下兩女，開始淡出幕前，轉型成為一名KOL及YouTuber，開設咗個人YouTube頻道Mama College，分享育兒資訊及正向教育。

認識正面教育後親子關係有所改善

為咗成為一位稱職嘅媽媽，張嘉兒更報讀正面管教認證講師課程，成為一位正面管教工作坊認證講師，期望透過正面方式教育女兒，更希望借此讓更多家庭對正面教育嘅了解。而接觸正面教育嘅契機，主要係因為張嘉兒於管教女女時，情緒一度被影響而令到親子關係變差，直至認識正面教育，關係便有所轉變。張嘉兒強調先要給予孩子歸屬感及價值，再從中透過鼓勵方式改善小朋友唔好嘅行為，認為「家長們對待孩子應是堅定而溫柔的」

而且張嘉兒更曾於訪問中提到，溝通及表達方式尤其重要，與小朋友溝通盡量避免用負面嘅說話及命令式語氣，善用提問除咗可以令親子關係較和諧之餘，亦可訓練孩子獨立思考嘅能力。

明星成長 ｜ 邱士縉Stanley自小愛演戲曾參選香港先生 初期負評不斷曾自我懷疑

女女曾因功課感焦慮　決定轉讀國際學校

除咗正面管教認證講師課程可以學以致用，因為張嘉兒女女敏感及濕疹問題，修讀營養學時學習到嘅知識亦能夠運用得到，更表示為人父母先要注重健康飲食，擁有強健體魄先可以照顧到小朋友，可見張嘉兒確實係一位身體力行嘅好媽媽！

至於升學方面，自小喺外國讀書嘅張嘉兒，與丈夫均認為國際學校輕鬆嘅教學模式比較適合女女Leora，因為本身就讀傳統學校嘅Leora曾因功課多而緊張焦慮，見到女女呢個狀況，為咗保持女女對學習嘅興趣及好奇心，而且國際學校與張嘉兒與張嘉兒丈夫成長環境較貼近，便決定將女女轉到國際學校讀書，國際學校較集中課外活動、音樂、運動及自理，而女女亦都較鍾意喺國際學校讀書，張嘉兒對於女女嘅教學心法為：「get it done，唔使well done！」相信張嘉兒嘅育兒心得可以幫到更多爸爸媽媽！

相關文章
明星成長 ｜《野人老師》談善言讀書好宅？湯怡係佢師姐
明星成長 ｜ Anson Lo DSE考獲23分 讀城大BBA為追夢退學做舞蹈者
明星成長 ｜ 盤點多個TVB女神級藝人學歷 全部到過海外升學

The post 明星成長 ｜ 張嘉兒擁多個學位 為管教女女再進修中大公共衞生碩士 appeared first on 新城教育+.

最近TVB熱播中嘅《美麗戰場》，其中何依婷飾演嘅角色近日出現前後極大反差，由乖乖女變mean爆女，演出真係令人刮目相看！何依婷入行四年，香港小姐出身，接受藝員訓練班培訓，但原來入行前係一位金融服務顧問，學生時期更係一位學霸，考獲獎學金資助前往美國史丹福大學交流，畢業後入Big4會計事務所工作，後來因為發現工作類型唔適合自己而決定轉戰娛樂圈，向演員之路發展！

黃大仙屋邨長大 憑努力入城市大學考取獎學金

一身貴氣嘅何依婷，出身於黃大仙屋邨，分別就讀浸信會天虹小學及佛教孔仙洲紀念中學，全憑努力改變自己命運！中學時何依婷已多次於中文科、經濟科及歷史測驗及考試中取得「學科成績優異獎」，後來憑DSE成績考上香港城市大學商學院，主修資訊系統學系環球商業系統管理課程，另副修心理學，大學成績優異，憑超強3.5 GPA學分獲得獎學金，並獲機會前往美國史丹福大學、英國列斯大學及中國上海復旦大學作交換生，以一級榮譽學士學位畢業，畢業後更任職Big4安永會計師事務所擔任金融服務顧問，非常叻女！

香港城市大學的資訊系統學系

此學系包括工商管理學士（環球商業系統管理）、工商管理學士（資訊管理）課程，在 2022 年，共有 269 名申請者將之填報於組別 A 的課程志願，即首 3 個志願，而成功被取錄的則有 54 人。以組別 A 的報讀和取錄人數計算，平均約 5.17 人競爭一個學額。此課程的競爭情況頗為激烈。被取錄的申請者中，96.3% 都是將此課程放在組別 A 的志願。

最低入學條件為：
中國語文：3
英國語文：3
數學必修部分：3
通識教育：2
選修科目（任何兩科）：3

明星成長 ｜ 朱凱婷孖住女女學豎琴 考慮性格特質為女女安排入讀國際學校

畢業後入Big4會計所工作感疲累

至於何依婷嘅讀書致勝心得，都離不開老土常談嘅「勤力」，何依婷曾於訪問中講過：「我很喜歡思考的過程，也很勤力，但我並不覺得自己很聰明。」何依婷畢業後便於著名Big4安永會計師事務所工作，擁有穩定收入及工作前景，不過工作後何依婷發現讀書與工作有好大分別，因工作時需長時間睇文件，因而感到非常疲累，促使自己反思對現時工作嘅想法，並發現此類型工作並唔適合自己。

明星成長 ｜ 張秀文退讀港大一年後再入城大管理系 為照顧母親身兼多職

勤力為人生座右銘 為追夢不計較收入多少

後來何依婷受到媽媽嘅鼓勵，更為咗令自己人生無憾，便決定參加香港小姐競選，最終獲得亞軍，選港姐時，何依婷回答主持提問曾表達自己嘅人生座右銘：「無論一個人有多厲害，定要勤力多練習才會愈見進步。」當選港姐三甲後，正式入讀2017藝員訓練班及成為無綫經理人合約藝員，擔任演員及主持工作，代表作有《機場特警》、《十月初五的月光》及近來熱播嘅《美麗戰場》！雖然現時仍為入行初期，但何依婷將演員與會計師事務所工作對比後，認為：「談到穩定，當然是之前的工作較為穩定，我沒想過收入的多少，但覺得每一行也好，只要肯努力，總會有出頭天。」

相關文章
明星成長 ｜ 盤點五位2022超強學歷港姐 亞軍許子萱直迫麥明詩？
明星成長 ｜廖碧兒考獲WSET國際品酒認證資格 拍劇同時進修BBA
明星成長 ｜《美麗戰場》陳曉華中大護理系畢業 參港姐為求突破Comfort Zone

The post 明星成長 ｜ 何依婷棄BIG4會計所高薪厚職 選香港小姐追夢 appeared first on 新城教育+.

近日TVB播放嘅《美麗戰場》，焦點除咗有陳瀅，仲有港姐冠軍陳曉華，入行僅四年即可登上主角之位，可見演藝前途一片光明，陳曉華喺劇中所飾演單純天真嘅林小美，其實戲外原本都係一個充滿愛心嘅護士，於中文大學護理系畢業，後來為咗跳出Comfort Zone 參選港姐更加入TVB成為女演員。

真光女書院畢業 DSE 27分入讀中大護理系

陳曉華畢業於傳統名校真光女書院，曾於訪問中透露讀書時曾試過經歷成績低谷，不過受到老師鼓勵，終在DSE考取27分佳績，更入讀心儀科目中文大學護理系，陳曉華曾表示從小到大都夢想成為一位護士，亦好鍾意護理科，所以當時JUPAS選科時將三個志願全放在護理系，直言由於三個志願收分差距好少，自認呢個策略非常不理智，但最終幸好能夠如願以償，成功入讀心水科目，入讀香港中文大學醫學院那打素護理學院，更憑優秀成績獲頒發「鄭棟材獎學金」。

明星成長 ｜《野人老師》談善言讀書好宅？湯怡係佢師姐

受楊思琦影響萌生港姐念頭

不過細細個除咗有護士之夢，陳曉華其實小時候亦早已諗過成為港姐，事源係因為陳曉華曾因病留院治療，當時遇上香港小姐冠軍楊思琦探訪，自此萌生參選港姐嘅念頭，因為當時細膽而未有行動。直至修讀護理系實習期間，遇上一位患有精神分裂嘅女病人，因女病人表示自己唔可以離開病房而覺得失落，呢件事令陳曉華有所感悟，更因為讀大學時見識多咗，令其改變本身內向怕事嘅性格，希望可以嘗試不同嘅事物，於是把心一橫報名參加香港小姐競選，一心尋求新突破，更曾說 : 「當時諗選完都可能返去做護士，反正選港姐又冇咩輸！」

最終陳曉華奪得《2018年度香港小姐競選》冠軍，其後更加入TVB成為旗下女藝人，入行四年已拍攝多部劇集，如《迷網》、《七公主》，更有現正熱播嘅《美麗戰場》，更擔正成為女主角之一。為咗尋找更多可能性，陳曉華放棄成為一名穩定收入嘅護士，於演藝圈中勇敢追夢，呢份勇氣真係非常值得欣賞！

明星成長 ｜李施嬅大學讀多倫多大學 回流選港姐加入TVB憑《金宵大廈》人氣急升

真光女書院

真光女書院以英文為主要教學語言，是一所位於油麻地的資助學校，亦是一所女校，據公開試成績推算屬於Band 1A-1B，全港排名約41-56位，同區排名第4位，其中有不少女藝人都係畢業於此校，當中包括女歌手G.E.M鄧紫棋、Super Girls成員之一Aka趙慧珊及試當真成員之一Jessica陳苡臻。

相關文章
明星成長 ｜麥美恩加拿大名校畢業 入行以做主持為目標
明星成長 ｜李施嬅大學讀多倫多大學 回流選港姐加入TVB憑《金宵大廈》人氣急升
明星成長 ｜《美麗戰場》陳瀅加拿大回流香港做模特兒 被星探發挖加入演藝圈

The post 明星成長 ｜《美麗戰場》陳曉華中大護理系畢業 參港姐為求突破Comfort Zone appeared first on 新城教育+.

唔少香港小姐都曾經出國讀過書，有「東張女神」之稱嘅陳庭欣亦唔例外，中三時到英國讀書，大學讀曼徹斯特大學，回港後從事過獵頭工作及西裝專家，直至2010年選香港小姐奪冠後入行，由公屋出身，搖身一變已成為3000呎九肚山豪宅嘅住客。

中三前往英國讀寄宿學校

陳庭欣小時候住九龍灣啟晴邨，曾就讀嘉諾撒聖方濟各學校及嘉諾撒培德書院，中三時因應父母安排，2000年獨自前往英國北威爾斯升讀Howell’s School寄宿學校，當初收到家人打算送自己出國讀時，第一反應係非常不滿，因要離開香港好友感到非常傷心。後來到步後表示雖然當地環境確實好舒適，私人空間都好多，亦有做過餐廳侍應兼職賺外快，讀寄宿學校期間，陳庭欣更認識咗人生中最好嘅朋友。

Howell’s School寄宿學校其實係英國嘅私立女子寄宿學校，體育設施十分先進，2000 年更獲得英聯邦奧運田徑隊選為指定訓練中心，多位奧運獎牌得主亦曾於該校練習，學校更曾邀請前英國職業網球手 Mair Hughes 擔任教練，尤其適合熱愛運動嘅學生。學術成績亦表現優異，高考成績A級有27%，合格率高達100%，平均分數314，而GCSE成績考獲A*/A級有29%，合格率高達82%，學生畢業後均能考進理想大學，如Edinburgh University、Sheffild University、Manchester University、Oxford University、Bath University。學費由Year 3至Year 6一年學費為 £11,864.45。

大學轉到曼徹斯特 修環境學系學士

中學畢業後，陳庭欣入讀曼徹斯特大學，修讀環境學系學士課程，稱學校會帶學生行國家公園，雖然行程艱辛，但望到山頂風景就感到非常值得。陳庭欣更直言因為到英國讀書，愛上運動，尤其係足球，唔知係咪因為咁，令陳庭欣能夠獲得「2020東京奧運會」主持嘅機會。完成大學課程後，陳庭欣曾任職伯樂（Bó Lè Associates）香港分公司嘅研究員，負責收集資料協助公司處理獵頭工作，亦曾於2010年於英國雨果博斯分公司擔任西裝專家。

至於曼徹斯特大學則位於英國的第二大城市曼徹斯特，一直位於世界頂尖大學的位置，較受人關注的科目為科學、工程、人文、經濟學、社會學科，其中建築、工程、心理學、會計更是大學的熱門學科。大學擁有最多諾貝爾獎得主任教，也因此在眾多範疇都能培養出出色的畢業生和研究員。2023 QS世界大學排名為 28， 2022 英國大學排名 第6 ，學費每年約美元44,248　（即約$347,340 港元）。

明星成長 ｜《聲夢傳奇2》任暟晴Jasmine奪冠 三甲全為音樂神童

成為「東張女神」為民請命

直至2010年參選香港小姐，奪得冠軍，加入TVB成為合約藝員，參演多部電視劇拍攝如《踩過界》、《陀槍師姐2021》及《換命真相》，另外最為代表當然係《東張西望》主持。不過陳庭欣曾於訪問中透露，起初入行時都有傷心嘅時候，因為選舉結束後報導傾向負面，亦曾抑壓自己嘅情緒，頭一年入行時都感到惘然，不過幸好捱過最難過嘅時間，繼續接受更多挑戰。2017年更與彩豐行老闆楊振源拍拖，搬進月租10萬元嘅沙田九肚山洋房。

相關文章
明星成長 ｜ 盤點六位80/90後童星學歷+現況
明星成長 ｜李施嬅大學讀多倫多大學 回流選港姐加入TVB憑《金宵大廈》人氣急升
明星成長 ｜麥明詩會考10A放棄拔尖到英國考A-LEVEL入劍橋大學

The post 明星成長 ｜陳庭欣中三到英國留學 大學修讀環境學認識一生摯友 appeared first on 新城教育+.