由兒童創科學院主辦的「兒童優質教育博覽2023」即將舉行，場內除了設置表演舞台和體驗區，及一系列工作坊、教學互動表演，更設有期間限定「B Duck兒童氣墊遊樂場」，場內有小朋友至愛的大型吹氣彈床，可以大玩特玩，無限放電！除了玩樂之外，博覽亦邀請多位教育界重量級嘉賓舉辦育兒及升學座談會，結集近百個不同國際學校和本地教育機構攤位，為各位家長就教育方案的難題上指點迷津。博覽節目多不勝數，內容豐富，各位爸爸媽媽萬勿錯過！

The post 「兒童優質教育博覽2023」舉多場育兒升學講座 另設超大型B Duck兒童氣墊遊樂場 appeared first on 新城教育+.

Kiana媽媽透露Kiana一向都對動物都好有興趣，屋企都有一套動物模型，等佢知道真正嘅動物嘅樣之餘，又可以玩下，但原來動物模型嘅玩法其實有更加多，只要配合適當嘅知識同教材，就可以令小朋友學習更多。

全新沙田Play Park試玩體驗 玩轉Kiztopia多款刺激遊樂設施

佢哋參加咗WENNO的STREAM親子動物工作坊，STREAM教育是結合科學（Science）、科技（Technology）、閱讀（Reading）、工程（Engineering）、藝術（Art）及數學（Mathematics）的跨學科學習。工作坊以遊戲形式與小朋友學習不同動物/恐龍知識 ，內容包括：

1.動物/恐龍遊戲

2.科學小實驗

3.AR（擴增實境）遊戲

4.親子手工教具製作

The post 週末好去處｜親子上動物工作坊學STREAM 製作手工教具+科學小實驗+玩AR遊戲 appeared first on 新城教育+.

平時留意好多親子活動嘅豬仔包媽媽，今次又帶豬仔包去參加環保工作坊，玩樂之餘同時學STEAM，郁下腦仔手仔，過程中仲一齊學識更多植物及苔蘚養護知識，一齊睇下工作坊有幾好玩啦！

豬仔包媽媽帶豬仔包參加一個 建造綠色工作坊 ，一同製作「 植物生態蛋」，喺工作坊導師指導下，利用「回收扭蛋殼」製作一個微景觀植物生態蛋嚟種植蕨類及草本植物，從中學習植物及苔蘚養護知識！

The post 週末好去處 ｜環保工作坊DIY植物生態蛋 appeared first on 新城教育+.

近來天氣好好，適合戶外活動，親親大自然。今次豬仔包媽媽同豬仔包，在假日約咗同學一齊去橋咀洲行山玩沙，開心度過一天，一齊睇下橋咀島美景和有咩玩啦。

豬仔包一行人先到西貢碼頭，由西貢碼頭坐船到橋咀洲非常方便，大約10-15分鐘就到。落船後去過洗手間，就出發去郊野公園步道行山。

橋咀島有何特別？

橋咀島地理獨特，位處火山口邊緣，島上大部分岩石都是多年前火山爆發時，所流出的熔岩冷卻而形成。

豬仔包一行人一起步，就見到有個「菠蘿包攞住菠蘿石」嘅陶瓷，十分可愛，再往前走，又多個「火山攞住菠蘿包」嘅陶瓷，全部都同橋咀洲歷史有關，真係可以一邊行山，一邊介紹歷史俾小朋友聽。

山路唔算難行，不過就好多碎石，同埋步道比較窄，所以小朋友行都要份外小心。

佢哋慢慢行，行咗40分鐘就輕鬆到達「黑山頂」，風景真好靚，又見到可愛陶瓷同埋應該係全港唯一響郊野公園嘅自拍神器，不過太多人圍住自拍神器，佢哋就冇影到。

本來繼續向前走，就會去廈門灣，不過由於冇船走，佢哋就響旁邊坐低休息食嘢，跟著就沿路回頭番去橋咀沙灘好了。

行連島沙洲如「水上飄」

豬仔包一行人行山前，潮水開始慢慢退。落山後，大半條「橋咀洲地質步道」，亦即係「連島沙洲 」出現了。潮漲時橋咀島和橋頭是兩個獨立的小島，潮退時中間會露出一條石堤接駁兩邊，這就是「連島沙洲」。最佳行走時段爲海水微漲時，淺水略淹沙礫路，遠望似在海中心步行，我哋行山回程都見到小朋友極快跑過，好似水上飄。

其實香港唔止一個「連島沙洲」，不過橋咀島呢個係最方便到達，所以遊人非常多。

行「 橋咀洲地質步道」真係要小心，除咗有菠蘿石之外，仲有好多大大小小的石頭，加上潮水剛退有點濕，好容易滑倒。

由於潮水只退了約95%左右，行到最後，有一部分還在水裡，由於豬仔包好想過去，豬仔包媽媽就抱住豬仔包，響浪退走時衝過去，可惜還是不夠快，當浪湧回時，豬仔包媽媽鞋還是濕了。

過到對面，豬仔包非常興奮，排隊影相打後，本來想行上山睇吓，但醒起船最遲5:30就離開，於是豬仔包媽媽還是急急腳帶豬仔過返沙灘，今日回頭走成功冇濕腳啦。

回到沙灘，一班小朋友好開心咁玩吓沙，夠鐘就收拾，搭船回程了。 今次旅程非常完滿，可以行到山，去到山頂，又見到連島沙洲，仲成功過到對面島，天氣又唔凍，有太陽非常舒服，豬仔包走時已經話下次要再去。

週末好去處 ｜環保概念之旅免費遊 4D電影+玩AR/VR遊戲+導覽

資料內容及相片獲 豬仔包の開心日常 專頁授權轉載

更多相關文章
週末好去處 ｜屯門室內遊樂場「百田樂園」新店玩後報告
週末好去處 ｜ 精選5大免費STEM兒童探知好去處
週末好去處 ｜參觀特色博物館 自訂港島免費遊路綫

The post 週末好去處 ｜橋咀島一日遊巧遇連島沙洲   行山+玩沙+睇地質奇觀+搵奇石 appeared first on 新城教育+.

今次介紹畀大家嘅活動，唔只可以郊遊，學習自然保育及認識各種香港生物，仲可以玩埋工作坊，訓練手眼協調，展現藝術細胞DIY新春裝飾。住喺港島嘅朋友前往就更加方便，因為今次豬仔包媽媽同豬仔包去嘅地方係位於鰂魚涌嘅林邊生物多樣性自然教育中心（紅屋），即刻睇下裡面有咩玩！

林邊生物多樣性自然教育中心（紅屋）簡介

林邊生物多樣性自然教育中心（紅屋）於1922年興建，原作太古糖廠的高級職員宿舍。1998年被列為二級歷史建築物，2012年活化成為香港第一所生物多樣性自然教育中心。中心設有三個主題展覽廊、多功能會議室、資源室、活動室和自然園區，以介紹香港珍貴嘅自然資源及生物多樣性，提高大眾對香港生物多樣性嘅認識、了解其價值及重要性、鼓勵大眾積極參與及支持推動自然保育的活動。

出發前必備

由於紅屋位於柏架山道自然徑，大家記得去嘅時候帶備下列用品：

— 太陽眼鏡和帽
— 食水和乾糧
— 蚊怕水
— 望遠鏡
— 風扇仔

豬仔包一家喺柏架山道入口，一路沿住車路行上去，唔使20分鐘已經到達目的地，沿途有兩個休憩處可供休息，車路推BB車都好方便。

紅屋三大展覽廊 認識多樣性生物

一入到去會首先見到展覽廊一正播放影片，介紹生物多樣性嘅定義、作用及價值，不過想睇多啲生物，就要去展覽廊二參觀。到達展覽廊二，第一眼唔係見到生物，而係一個可以轉動嘅花花板，轉呀轉，轉咗一大輪，就可以入少少睇多樣性生物。

除咗海星同烏龜，重有比較少見嘅長尾南蜥及花狹口蛙等，另一邊則有標本動物，玻璃上會有相關介紹，可以逐張圖鬥快揾返個展品出嚟，豬仔包一揾到即刻勁興奮，孩子確實很易滿足

館內有大電視不斷播出不同種類嘅多樣性生物，就連豬仔包媽媽大部份都未見過，有啲連個名都唔識讀，真係大開眼界！

跟住便前往展覽廊三，裡面有互動多媒體遊戲，有中文及英文兩種語言選擇，重可以拍大頭照。

雖然展館唔大，但都參觀咗40分鐘，林邊生物多樣性自然教育中心外，仲會見到平時好少見嘅植物。

紅屋「體驗自然」工作坊 DIY新春手作

參觀完林邊生物多樣性自然教育中心（紅屋），其實大家仲可以參加館內舉辦嘅公眾活動，其中豬仔包媽媽及豬仔包就參加咗「體驗自然」工作坊。「體驗自然」工作坊由義工及遊客中心職員帶領，透過製作不同主題嘅手工藝品，向大眾介紹有關郊野公園及香港動植物嘅知識，並帶出相關議題，以推廣環境及生態保育信息。工作坊以輕鬆互動方式，由淺入深教育參加者，特別適合親子一同參與。

而家正舉辦嘅工作坊係非常應節嘅「利是有魚」，各位只要到現場報名參加即可參加工作坊，屆時會有職員帶參加者到活動室參加「 體驗自然工作坊 」。工作坊係由義工帶領，未開始前大家都可以先參觀一下活動室陽台外嘅展品，係一啲撲救山火同挖掘工具。

義工首先會介紹一下要整嘅手工，之後再簡單介紹埋魚類生活環境及特性，跟著就開始做手工。「利是有魚」製作過程簡單，豬仔包大部分都可以自行處理，主要利用利是封同及絲帶製作賀年裝飾，好快就可以完成 。其實紅屋每個月都會舉辦不同主題嘅工作坊，大家可以密切留意，即場參加，額滿即止，費用全免。

週末好去處 ｜環保概念之旅免費遊 4D電影+玩AR/VR遊戲+導覽

活動資訊

林邊生物多樣性自然教育中心（紅屋）展館

開放時間：
展覽廊
逢星期一、三至日及公眾假期︰上午九時三十分至下午四時三十分
逢星期二(公眾假期除外)、農曆年初一及初二休館
自然園區
每日上午六時至下午六時

交通：可乘搭公共交通至鰂魚涌英皇道的柏架山道口。沿柏架山道往山上步行15分鐘可到達林邊生物多樣性自然教育中心。

查詢：2670 1030
官網：https://www.afcd.gov.hk/tc_chi/index.html

公眾教育工作坊

「利是有魚」：2023年1月1日至1月29日
「毛條製昆蟲」：2023年2月4日至3月26日

日期及時間
逢星期六、日及公眾假期
上午十時至十二時、下午二時至四時

活動需時：每節約30分鐘
活動網址：https://www.natureintouch.gov.hk/zh/web/nit-web/public-workshop

資料內容及相片獲 豬仔包の開心日常 專頁授權轉載

更多相關文章
週末好去處 ｜屯門室內遊樂場「百田樂園」新店玩後報告
週末好去處 ｜ 精選5大免費STEM兒童探知好去處
週末好去處 ｜ 親子1月必去新春免費工作坊

The post 週末好去處 ｜ 鰂魚涌遊紅屋 參觀生物展覽+體驗自然工作坊 appeared first on 新城教育+.

兔年來了，不少商場換上新年佈置，應節的兔子當然受歡迎，其他卡通主角等待大家來拜年。今次為大家介紹8個新年好去處，包括新年佈置、工作坊等等，遍佈港九新界，既可打卡，又可落手落腳做，適合一家大小在新年行大運。

1. PLASTIC THING 為食天神祭

人氣PLASTIC THING系列角色「為食妹」亮相尖沙咀和銅鑼灣，其中2.5米高的黃金蘿蔔造型的「為食神社」有4大打卡位，包括「吉祥不倒開運達摩」、「戀愛運UP！戀人御守」，超有東瀛風。「為食妹」亦會以應節粉紅兔仔造型亮相「天神祭」，大家可以到4米高的「為食神殿」參拜「為食神兔」及「巧豐收蘿『拔』亭」捉摸黃金蘿蔔，取豐食足食意頭。
The ONE x PLASTIC THING為食神社
日期：即日起至2023年2月5日
時間：上午10時至晚上10時
地點：The ONE UG2中庭

皇室堡x PLASTIC THING 「為食妹」天神祭
日期：即日起至2023年2月5日
時間：上午10時至晚上10時
地點：皇室堡地下中庭

週末好去處 ｜環保概念之旅免費遊 4D電影+玩AR/VR遊戲+導覽

 2.春日貓遊遊

東瀛神社現身旺角！日本人氣網紅貓角色mofusand來到旺角帶大家「春日貓遊遊」，逾20隻不同造型的Cute爆貓咪在5大東瀛神社祈願熱點同大家打卡，大家可在「貓の肉球祈願鳥居」、「吉喵拱照居酒屋」等新春佈置，沾上「招財」、「招福」的祝福。場內更展出首次在香港公開的mofusand插畫，粉絲們不可錯過。

《朗豪坊 x mofusand 春日貓遊遊》詳情
日期：即日起至2023年2月5日
時間：上午11時至晚上10時
地點：朗豪坊4樓通天廣場

週末好去處 ｜中環展城館適合一家大小歡度週末 一站式滿足打卡/展覽/遊戲

3. 春暖花開 福兔滿堂

68隻大小不一的不倒翁兔子出沒在中上環！原來係PMQ的「春暖花開 福兔滿堂」賀年裝置。兔仔造型cute爆，特別嘅係大家可隨意拍打或擁抱兔子，感受福兔的可愛威力。大家亦可沉浸在粉色繽紛的兔群打卡，感受新春的喜氣。活動期間，於PMQ社交平台分享與福兔合影的全家福照片，即有機會贏取即影即有相機。

「春暖花開 福兔滿堂」 2023年農曆新年裝置

日期： 2023年1月13日（星期五）至 2月5日（星期日）
時間：上午11時至晚上7時
地點：PMQ元創方地面廣場

週末好去處 ｜五大免費戶外兒童遊樂場　爬蟲館／交通城／恐龍樂園

4.萌兔遊花海

外國嘅花海經常是港人旅行目的地之一，沙田有商場把首爾﹑京都和台北的花海搬來，打造「萌兔遊花海」，紅色的首爾粉黛波波草田、粉紫色的台式繡球花園及粉紅色的京都浪漫櫻花林超夢幻和超浪漫，一定係女士們至愛！場內有有逾4米高萌兔陪大家賞花，。

新城市廣場「萌兔遊花海」
日期：即日起至2月14日
時間：中午12時至下午10時
地點：新城市廣場一期3樓拱形玻璃天幕廣場、戶外平台及三期3樓

5.新春光映迎金兔

屯門有商場打造近20米長的萬彩花燈巷子，和5米長「金光玉兔花燈隧道」，大家穿過金兔福耳造型的花燈大路，寓意來年福兔綿延！除咗打卡外，商場設有「迎春花藝親子工作坊」，教大家創作新年花束擺設，為家居添上喜慶祝福。新年不少得醒獅，年初八就有「金龍瑞獅迎新春」賀歲節目，俾大家沾「旺氣」。
黃金海岸商場「新春光映迎金兔」
日期：即日起至2023年2月5日
時間：上午10時至下午10時
地點：黃金海岸商場中庭

「迎春花藝親子工作坊」活動詳情
日期：2023年1月29日 （星期日）
時間：下午2時30分至3時45分 及下午4時至5時15分
地點：黃金海岸商場中庭
註： 須在商場以指定電子貨幣消費滿指定金額

6. 兔年「捉」福

兔年想增強人緣、財運或姻緣，就要來這個福兔神社，參拜福兔神社祈福亭，敲響「幸福の鐘」，祈願好運來到。來到神社，矚目嘅3米高巨型福兔袋、彩色花漾鳥居非常適合打卡合照，仲有機會贏取總值HK$1,000商場及餐飲現金券！兔年要行大運，「齊捉福兔AR互動遊戲」鼓勵大家用手機尋找遍佈於Mira Place角落的福兔，換取限定禮品。

Mira Place「齊來『捉』福」新年佈置
日期：2023年1月12日至2月5日
地點：Mira Place 中庭

7.春日開運花園

韓國著名設計團隊CIRCUS BOY BAND （簡稱CBB）打造春日開運花園，充滿春日甜蜜氣息的粉嫩色系燈飾嘅「光影星之道」、「心想事成燈籠橋」、「甜蜜幻境森林」、逾4米高的「吉星高照幸運兔」及20米長「幸福開運長廊」非常注目。商場在活動期間舉辦「藝遊春日」，現場設有音樂匯演、雜耍演出、連串藝術攤位及手作工作坊等，一家大細可全日玩不停。

荃灣廣場 ✕ CIRCUS BOY BAND 【春日開運花園】活動詳情：

日期：即日起至2023年2月19日
時間：早上10時半至晚上10時
地點：荃灣廣場L5空中樂園

荃灣廣場【藝遊春日】活動詳情：

日期：2023年1月14、15、20、21日、2月11及12日
時間：中午12時至晚上8時
地點：荃灣廣場L5空中樂園
註： 須在商場以指定電子貨幣消費滿指定金額

8. 建築署免費繪畫工作坊

新年除了拜年，也可以進行靜態活動，畫畫也是不錯選擇。建築署在一月和二月提供免費工作坊，透過具趣味性的繪畫活動跟大家互動。「城市寫生」工作坊精選3條路線，俾參加者親身遊歷及寫生。活動是小班形式，有專人指導繪畫。另一個「繩繪我城」建築繪圖工作坊同樣以小班形式，俾大家親身體驗建築師繪圖的工作日常，並經由專人指導下完成非凡繪畫。參加者可親自組裝繪圖工具套裝，接觸建築學的基本功！工作坊名額有限，額滿即止，有興趣就唔好錯過。

「城市寫生」工作坊
日期：2023 年 1 月 15 日/2 月 12 日/2 月 26 日
時間：下午1時半至5時半
地點：終審法院、元創方、中山紀念公園等
報名： shorturl.at/qFIO0

「繩繪我城」建築繪圖工作坊
日期：2023 年 1 月 15 日/ 1 月 29 日/ 2 月 19 日
時間：下午2時至4 時
地點：綠在灣仔（灣仔運盛街6號）
報名：shorturl.at/doQ04

更多相關文章
週末好去處 ｜Yum Me Play兒童主題體驗館 沉浸式學習 結合STEAM元素學機械
週末好去處 ｜屯門室內遊樂場「百田樂園」新店玩後報告
週末好去處 ｜ 精選5大免費STEM兒童探知好去處

The post 新春好去處｜兔年8大好去處+活動推介 燈籠橋打卡位/花藝工作坊/雜耍表演 appeared first on 新城教育+.

農曆新年仲有兩星期就到啦，係時候要佈置屋企，同小朋友一齊感受一下新年氣氛。今次為大家搜羅咗一月免費工作坊及活動，其中更有部分以農曆新年主題，快啲把握時機報名，大部分工作坊額滿即止，各位爸媽有興趣就快手Book Mark啦！

新年揮春速成班

活動內容：由躍龍步隊的資深義工指導大家手寫揮春
活動時間：1月14日（六）1500-1600／1月14日（六）1630-1730／1月18日（三）1430-1530／1月18日（三）1600-1700
活動地點：躍變．龍城體驗館（土瓜灣譚公道115號地下5號舖）
對象：12歲或以上人士
開放報名時間：1月6日下午3時正
報名方法：網上報名 /

週末好去處 ｜環保概念之旅免費遊 4D電影+玩AR/VR遊戲+導覽

女青免費新春活動 – 新春遊樂園

活動內容：體驗寫揮春、DIY新春小手作、影相打卡、喜氣洋洋小遊戲
活動時間：1月14日（六）1430-1715
活動分三節進行 （2:30pm 至 3:15pm； 3:30pm 至 4:15pm；4:30pm 至 5:15pm）
活動地點：九龍窩打老道文福道5號地外紹邦堂
報名方法：網上報名 （魯班鎖工作坊仍有餘額）

週末好去處 ｜中環展城館適合一家大小歡度週末 一站式滿足打卡/展覽/遊戲

綠在區區—新春活動

綠在區區不時都會舉辦環保教育工作坊，新春期間各地區都會有唔同嘅新春活動，大家可以前往所屬社區留意的綠在區區Facebook專頁公佈的相關活動。以下為大家精選其中三大社區新春期間環保工作坊。

綠在沙田 — 環保兔兔減廢新春祭

活動內容：一系列網上工作坊「兔年紙包飲品盒卡套」，「開運兔兔利是封掛飾」、「廢布再生利是袋」、「大掃除清潔法寶」、「四季吉祥平安皂」、「冬日潤膚霜」
活動時間：2023年1月14日至28日11:00-1730
活動詳情：按此
報名方法：網上報名 ／致電 2496 4288

週末好去處 ｜五大免費戶外兒童遊樂場　爬蟲館／交通城／恐龍樂園

綠在東區—環保教育活動

活動內容：一系列現場活動如「化妝品再生賀年咭」及一系列網上工作坊「新年燈籠掛飾」、「清涼殺菌漱口水」、「玫瑰果眼部透嫩凝露」等
活動時間：2023年1月18日至31日11:00-1600
活動詳情：按此
報名方法：網上報名

更多相關文章
週末好去處 ｜Yum Me Play兒童主題體驗館 沉浸式學習 結合STEAM元素學機械
週末好去處 ｜屯門室內遊樂場「百田樂園」新店玩後報告
週末好去處 ｜ 精選5大免費STEM兒童探知好去處

The post 週末好去處 ｜ 親子1月必去新春免費工作坊 appeared first on 新城教育+.

想下一代享受美好生活，家長和公眾要建設可持續社區。香港設計中心旗下的「設計光譜」現正於PMQ元創方舉辦第二階段「常行」設計展覽，展出50多件展品，給公眾欣賞及探討「可持續」概念。展覽期間更有設計師率領親子環保工作坊，讓小朋友體驗設計與可持續之關係。

今次展覽設有多場公眾導賞團、工作坊和設計師分享會等活動，包括與新裝如初及味道圖書館合作，以觸覺及味覺等多元感觀體驗為公眾帶來衝擊；另設由設計師劉紹增帶領的親子環保工作坊，刺激參與小朋友的觀察力和想像力，引導他們思考如何延展物件的用途，改正對廢物的觀念。其中，「垃圾星球點解救」工作坊有兩個場景去製作出自己的故事，小朋友可製作角色、場景和分享成果。

展覽中的海報展亦注入新動力，8位新一代本地設計師以「可持續」為創作概念，全新設計8張海報，回應今天地球正面對的問題，並與早前12位資深設計師在中環街市展出的海報作品互相呼應，同時展出。這些海報橫跨上世紀70年代至2022年的今天，展現了設計師如何回應污染、資源短缺等社會議題，參觀者從中思考可持續發展之議題，將可持續的想法成為與他人常行。

【常行】免費公眾活動詳情(部分)

公眾導賞團
日期：即日 – 14/ 1/ 2023 (星期六)
時間：2:00pm – 2:45pm / 4:00pm – 4:45pm
地點：中環PMQ元創方H10-HG12 & HG19

「垃圾星球點解救」 親子工作坊
日期：2023 年 1 月 7 日
時間：2:00 – 3:30pm 及4:00 – 5:30pm
場地：中環 PMQ 元創方
年齡：適合4–8歲小童（每位小童須有 1 位家長陪同）

升級再造旗袍書簽製作工作坊
日期：2023 年 1 月 28 日
時間：3:00pm – 4:30pm
場地：紅磡高山劇場新翼

報名及最新詳情，請留意設計光譜網頁：
www.designspectrum.hk/tc/activities-programmes/

圖片：豬仔包の開心日常、香港設計中心

更多相關文章
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告

The post 週末好去處 ｜「常行」展覽登陸PMQ  設計師主持免費親子環保工作坊 appeared first on 新城教育+.

全港首屆水墨藝術節於故宮文化博物館舉行，舉行日期由2022年12月17日至12月30日。藝術節舉行期間將有一連串多元化的節目，其中包括近期被受熱捧的沉浸式水墨影片。影片採用 3D 投映技術，展示「2022 年大華銀行年度水墨藝術大獎」18 幅得獎作品的不同面貌，讓水墨畫不再局限於平面；參觀者亦可透過 AR 與得獎作品互動，並於故宮學堂大堂 的 AR 水墨藝術區，與得獎作品的水墨動畫互動和拍照。

週末好去處 ｜環保概念之旅免費遊 4D電影+玩AR/VR遊戲+導覽

各大工作坊推介水墨藝術

藝術節期間，將舉辦一系列工作坊，透過一眾優秀藝術家教授水墨藝術，如書法家和水墨藝術家徐沛之博士、2021 年大華銀行年度最佳水墨藝術作品獎主韓雁婷女士、藝術教育家李香蘭女士、實驗水墨和拼貼藝術家凌佩詩女士、抽象水墨畫家吳觀麟先生、善用不同媒介進行創作的水墨藝術家鄧啟耀先生，以及工筆水墨畫家杜海銓先生等。

週末好去處 ｜中環展城館適合一家大小歡度週末 一站式滿足打卡/展覽/遊戲

水墨藝術節

活動日期 : 2022年12月17日至30日

活動地點 : 香港故宮文化博物館

費用 : 全免
查詢網站 : 香港故宮文化博物館 | 首頁 (hkpm.org.hk)

更多相關文章
週末好去處 ｜Yum Me Play兒童主題體驗館 沉浸式學習 結合STEAM元素學機械
週末好去處 ｜屯門室內遊樂場「百田樂園」新店玩後報告
週末好去處 ｜推介5大CP值極高親子餐廳 2百蚊165分鐘任玩食貓cafe超吸引

The post 週末好去處 ｜ 全港首屆水墨藝術節 以3D投映技術展示18幅獲獎作品 appeared first on 新城教育+.

繼續推薦大家去有益身心嘅親子工作坊，唔單只學到嘢，玩完一輪仲可以獲得證書一張，對於小朋友升學做profoilo非常有用！今次為大家搜羅咗三個收費比較便宜而又學到嘢嘅工作坊，等大家善用假期之餘，又可以為升學做好準備！

粒粒皆辛館

豬仔包媽媽帶豬仔包參加呢個工作坊係關於惜食和關愛，由惜食堂舉辦。大家會透過工作坊簡單認識惜食堂嘅工作，除後再展開分組體驗。

小朋友可透過「模擬劏房區」了解貧窮人生活環境，聽完講解後小朋友會學識珍惜食物。

至於「紙皮回收區」則讓小朋友化身成老人家，進行執紙皮遊戲，體驗貧窮人生活，讓大眾深切感受弱勢社群賺錢嘅辛酸。

跟著便前往「270度大螢幕電影」，讓小朋學懂關懷有需要人士，例如只係簡單一個微笑，簡單一句問候便足以令老人家感到莫大嘅關懷。

跟著再轉去另一間房，社工姑娘教大家「惜食冷知識」讓小朋友認識廚餘、食物擺放方法、食品限期等。

「VR虚擬惜食影片」讓觀眾感受被遺棄芒果嘅心情，仲有每人每日廚餘嘅重量，可以嘗試用拉繩方式感受，對媽媽同豬仔包嚟講係一個新體驗。

最後係「環保蛋殼工作坊」，用染咗色嘅蛋殼進行拼貼，製作獨一無二又漂亮嘅畫作。

工作坊全長1.5小時，豬仔包獲益良多，充滿豐富嘅講解同互動，完全冇悶場，臨走仲有小禮物同證書收，實在非常推介家長帶小朋友體驗一下！

網上報名
收費：$180 大小同價

週末好去處 ｜環保概念之旅免費遊 4D電影+玩AR/VR遊戲+導覽

九巴車廠遊學團

呢個係KMB Design 舉辦嘅「九巴車廠遊學團】親子遊活動，行程豐富，包括暢遊九巴車廠感受巴士洗車過程、認識巴士維修、了解環境保護、古董巴士介紹、做個好乘客及小手工工作坊等。活動完成後，每位小朋友將獲發車廠參觀證書留念。

豬仔包媽媽同豬仔包就參觀咗呢個活動，全程約90分鐘，約60分鐘都係喺車上遊覽，但一啲都唔會悶！

旅程由加油站開始，沿途導遊都會詳細講解九巴日常維修嘅設施

旅程有兩個令到大家嘩嘩聲嘅環節，第1個係巴士洗白白過程 ，成架巴士都畀水同清潔滾筒包圍住，有聲有畫，全部小朋友都非常興奮

第2個就係觀賞古董巴士，今次就到大朋友興奮啦，個個影相影唔停，如果可以落車行埋去影相應該會更興奮！

天台部份係巴士車長訓練地方，亦都係太陽能巴士曬太陽嘅地方

車上參觀完畢，大家就轉去室內，有工作坊畀小朋友做好小手作，大人就有有參觀車廠小測驗。

工作坊活動期間，職員仲安排分組去外面打卡。個打卡位係由退役巴士改裝而成，小朋友可以一嘗做吓小司機感覺，非常迫真

工作坊完咗仲有證書同小禮物頒發！

雖然12月份嘅團已經滿額，但各位家長如有興趣，可以前往活動報名網址留意1月遊學團嘅公佈

收費：$160 ／大小同價

週末好去處 ｜中環展城館適合一家大小歡度週末 一站式滿足打卡/展覽/遊戲

STREAM親子動物工作坊

WENNO 舉辦嘅 STREAM親子動物工作坊，唔單只可以讓小朋友學到唔同動物嘅知識，仲會送大桶動物模型玩具、AR動物遊戲同埋證書畀小朋友！

工作坊會令小朋友認識恐龍、海洋動物、野生動物、農場動物，透過WENNO仿真模型30件套裝及其他遊戲配件，並配合各種嘅STREAM活動，讓家長同小朋版學習不同嘅知識同技能，提升孩子好奇心、學習興趣同親子關係

活動內容分別為 動物／恐龍遊戲 、 科學小實驗 ／ AR（擴增實境）遊戲 及 親子手工教具製作，適合2.5 至 6歲小朋友參加。

收費：$ 220／1位小朋友加1位家長
WhatsApp了解詳情及網上報名：https://wa.me/85260601283

部分資料內容及相片獲 豬仔包の開心日常 專頁授權轉載

更多相關文章
週末好去處 ｜Yum Me Play兒童主題體驗館 沉浸式學習 結合STEAM元素學機械
週末好去處 ｜屯門室內遊樂場「百田樂園」新店玩後報告
週末好去處 ｜推介5大CP值極高親子餐廳 2百蚊165分鐘任玩食貓cafe超吸引

The post 週末好去處 ｜ 推薦3大親子證書活動 appeared first on 新城教育+.