Collar於1月成軍，VIUTV近日就有 <<我哋係COLLAR>> 嘅真人騷節目，讓觀眾更加認識Collar團隊每一個位成員嘅真性情。Collar其中一位成員—芯駖，入團前成為外界熱烈討論嘅對像，由於芯駖現時已35歲，大眾紛紛都認為此年齡已超出一般入團要求，不過憑着出色嘅跳舞技術及表演能力，最終以大熱姿態成功入選Collar，追夢成功！

明星成長 ｜ 周國賢曾夢想成藝術家 因完美主義情緒爆煲停工兩年

參加明星伴舞團遴選 獲明星伴舞機會

圖片來源 : IG@lisumlingg

芯駖由幼稚園就開始接觸中國舞，大學入讀香港浸會大學，修讀視覺藝術課程，大學二年級時加入跳舞學會，跟香港資深舞蹈家陳紹傑練習，後來老師更邀請芯駖擔任助教，幫手教同學跳舞，期間更得到不同嘅商業演出機會，由當時開始便開始當舞蹈員及跳舞導師。芯駖於大學學會練習跳舞期間，更參加過各個明星嘅伴舞團遴選，其中包括郭富城演唱會，不過第一次卻未順利選上，芯駖曾於訪問中表示因當時評審認為自己嘅傳統技術未足夠。

因此芯駖便繼續進修並學習其他舞蹈，包括爵士舞、芭蕾舞及基礎訓練，憑着不斷學習及努力，終被選上郭富城演唱會伴舞團嘅其中一員，其後更有機會，隨孫燕姿及林憶蓮嘅團隊，進行世界巡迴演出。除咗做專業舞蹈員外，更會同其他團隊及單位合作，幫手組織團隊要進行嘅特別節日表演，亦作為導師培訓中學及舞蹈學習室嘅學生。

明星成長 ｜ 林嘉欣十多歲便從台灣獨自到港發展 誕女後曾有抑鬱傾向

35歲入選女團 正面面對負面聲音

喺跳舞界打拚多年，上一年35歲嘅芯駖決心參加《全民造星IV》入選女團，表示因20多歲時基於工作負擔無法追夢，亦錯過唔少機會，終於嚟到呢一刻見到選秀比賽，便決定鼓起勇氣，實踐多年來嘅夢想。雖然最後未入到三甲，但最終都被通知成功入選Collar，期間芯駖透露過自己都有因年紀而未必有機會入到Collar，但由於實力及外貌兼備，最後亦成功獲得經理人及團隊賞識。對於芯駖以高齡加入女團，受到外界部分人士質疑嘅負面聲音，芯駖表示冇壓力，認為這更可展現不同年齡嘅女性面向，更指會做返自己，專心學習。

圖片來源 : IG@lisumlingg

明星成長 ｜ 李佳芯怕悶唔做Office工 成為視后前曾9個月冇工開

寄予年輕人入行前先了解舞蹈是什麼

對於對舞蹈熱愛並想入行嘅年青人，芯駖建議 : 「舞蹈員必須持續增值，接觸不同類型的舞蹈，如我近年專注學習當代舞。」並稱以往自己會到美國及日本學習跳舞，更有到歐洲上堂，睇舞蹈表演，透過欣賞不同界別嘅演出拓展視野，啟發對舞導嘅靈感。

圖片來源 : IG@lisumlingg

但同時亦寄予各位想入行嘅年輕人要諗清楚，了解自己對舞蹈嘅熱愛，並問清楚自己是否能為舞蹈作出犧牲，因工作時間及收入都較其他工作不穩定，如真係立志成為專業舞者便參加多啲跳舞課程打好基礎，多留意導師嘅編舞技巧，及多啲參加比賽，更說 : 「有些跳舞老師會在比賽中挑選心儀的參賽者，加入其舞室接受專門培訓。」

相關文章:

明星成長 ｜ 胡子彤身兼演員加棒球運動員 將運動精神帶到演戲
明星成長 ｜ 衛蘭自小被安排唱歌工作 放棄英國升學成遺憾
明星成長 ｜ 關心妍出道由當紅新人跌至零收入 低潮時做義工重獲唱歌力量

The post 明星成長 ｜ 芯駖大學時已活躍於舞蹈界 35歲入女團做自己無懼負評 appeared first on 新城教育+.