近年於電影圈努力拼搏嘅鄧麗欣Stephy出席於張敬軒演唱會中，表示是次演出提醒自己其實都係一位女歌手，更唱出早期出道推出嘅SOLO歌 《他不准我哭》，令大部分觀眾嘅青春回憶湧現。Stephy以女子組合Cookies出道，期後單飛發展，因發現歌手之路唔適合自己，後轉攻女演員之路，由演飾為人所熟嘅愛情三部曲「阿寶」至《空手道》嘅平川真理及《金都》阿芳，成功由戀愛至上嘅「港女」轉型成知性女強人，其中更憑《空手道》奪得第24屆香港電影評論學會頒發「最佳女演員獎」。

明星成長 ｜ 欣宜克服負面評價及自我懷疑 奮鬥35年成功奪女歌手金

由花瓶港女轉型知性實力派演員
 

2000年17歲嘅鄧麗欣參加Yes!所舉辦嘅「全港校花校草選舉」奪得冠軍而入行，成為模特兒，後來更組成女子組合Cookies正式出道，除咗跳唱，期間更獲得不少演出機會，如電視劇《戀愛自由式》及電影《龍咁威2003》，當時以清澀嘅少女形象演出，角色亦非常入屋。期後Cookies解散，Stephy單飛於娛樂圈打滾，亦演出多部深入民心嘅電影如《獨家試愛》、《十分愛》與《我的最愛》，當中飾演嘅「阿寶」成為不少香港女生嘅愛情寫照。直至2011年，Stephy曾於訪問中表示因為拍過電視劇及電影，感覺自己好渺小，因此嘗試到內地發展，亦見盡不少經專業演藝訓練出身嘅演員，從中感覺到自己一出道便能當主角嘅幸運，更有決心彌補不足。

圖片來源 : IG@stboo

Stephy 2017年返到香港後，擔演電影《空手道》女主角，戲路大改，其演出亦令人眼出一亮，更憑此電影獲得首個電影獎項，並入圍香港電影金像獎最佳女主角，令觀眾另外相看。2020年更出演新晉導演黃綺琳執導嘅本土小品《金都》，再憑此角色二度入圍金像獎最佳女主角，可見Stephy 已經唔再係稚氣嘅花瓶港女「阿寶」，而係一位有真材實料嘅香港實力派演員。

明星成長 ｜ 張繼聰因失戀愛上音樂 全憑一種心態走過人生低潮

為入行放棄代表香港排球隊參賽
因歌手工作與自己唔夾棄回樂壇

演戲之外，其實Stephy仲有作為歌手與運動員嘅一面，入行前Stephy曾有一個排球夢，更憑實力成為香港排球青年代表隊，當年本有機會代表香港到泰國出賽，但碰巧遇着廣告拍攝嘅機會，面對人生分岔口，Stephy最終選擇咗演藝事業而放棄排球，對於此事，Stephy曾於訪問中表示後悔 : 「嗰幾年我都好後悔，亦好對唔住我隊友！」入行後為咗填補遺憾，自資組成LOEY，更由丙組打到上乙組，非常熱血！

圖片來源 : IG@stboo

明星成長 ｜ 陳凱琳憑正面形象成功轉型為收入8位數KOL

至於唱歌，Stephy曾坦言仲好鍾意唱歌，不過因為歌手需附帶嘅其他宣傳工作，與自己本身較內斂性格唔夾，雖然轉型做演員後，都有想念音樂製作及於台上演唱嘅美好時光，但卻認為擔任演員時先係自己最舒服嘅時間，更表示：「呢條路係會行得開心啲，我係鍾意依家做緊嘅嘢，係舒服嘅，呢樣嘢比較緊要。」更曾透露因家庭關係，自小學會獨立，亦比較內向，當初作為COOKIE隊長陽光燦爛嘅形象其實與真實嘅自己完全唔一樣，但回想起來，卻認為係一件好事，因可令自己離開Comfort Zone，感受自己唔慣嘅事物，並說 : 「當時只是照著做，沒有怕甚麼，現在想來可能是好事，因為這反而可以帶我離開Comfort Zone，去感受自己不習慣的東西。那時只想，有一份工作來到，就將它做到最好，只要清楚自己的方向就可以了。」

相關文章:

明星成長 ｜ 王菀之從父母身上愛上音樂與創作
明星成長 ｜ 張敬軒音樂造詣從小訓練 每日花4小時練開聲
明星成長 ｜ 陳法拉30歲跳出舒適圈 赴美國修讀戲劇碩士課程

The post 明星成長 ｜ 鄧麗欣為成藝人曾放棄另一夢想 無悔棄唱歌轉型演員 appeared first on 新城教育+.

最近欣宜推出新歌《我地》，彭秀慧為MV導演，至於MV男主角則由胡子彤擔任。近年喺不少影視作品中，都不乏胡子彤嘅蹤影，當年憑電影《點五步》獲得香港電影金像獎最佳新演員，喺演藝事業成功嘅背景，原來全賴入行前成為香港棒球代表隊成員領略到嘅心態及精神。

明星成長 ｜ 欣宜克服負面評價及自我懷疑 奮鬥35年成功奪女歌手金

父母熱愛捧球 17歲入選香港棒球隊 

眾所周知，胡子彤為香港男演員，但其實同時為一名香港棒球代表隊成員。胡子彤曾於報導稱，雖然出生於棒球家族，父母與哥哥都係棒球愛好者，細個時更常跟哥哥到棒球場接受訓練及比賽，不過當時卻鍾情網球，更嬴得不少獎項。不過由慢慢對網球感到乏味，又受過傷，加上媽媽嘅鼓勵，胡子彤亦開始打棒球，並遇上好教練及好隊友，漸漸地亦從棒球上獲得滿足感，於是便全情投入棒球，自此開啟咗棒球運動員之路。

圖片來源 : IG@tsztungtonywu

胡子彤17歲入選香港棒球隊，一直以當捧球教練為目標，直到26歲之前，都一直冇獲過薪酬，而第一份$4000嘅薪酬亦捱足10年先至獲得，可想言之當選香港棒球運動員嘅生涯非常艱難。正正因為咁，成為演員前，面對未知嘅前途，胡子彤有一段時間感到失落，碰巧當時遇上電影《點五步》及經理人公司邀請成為電影男主角，才打開了另一條出路，更憑《點五步》一夜成名，正式踏入電影圈成為演員，其後更演出多部影視作品如《逆流大叔》、《梅艷芳》、《二次人生》等。

明星成長 ｜ 張繼聰因失戀愛上音樂 全憑一種心態走過人生低潮

拍電影成名卻無忘捧球運動
將捧球精神帶到演戲

入行後雖然為迷失嘅胡子彤打開咗一條康莊大道，但運動員出身嘅佢，並不忘本，拍戲同時亦兼顧棒球運動員工作，簽約古天樂旗下經理人公司後，雖然因為拍戲曾錯過不少重要賽事，但亦曾代表香港出席亞運會，為咗參加比賽，一早同公司夾好工作檔期，盡力做到演員及運動員兩邊都能兼顧，更曾表示 :「…… 運動員的經歷絕對幫到我演戲，運動員不怕辛苦，尤其棒球是要面對失敗的運動，相信比其他人有優勢，例如我們很清楚要付出才有機會有收穫，但有些人可能覺得機會是從天而降，但我們知道要做好準備，特別是演員，沒工作時要好好準備自己。現階段我會努力做好演員和運動員，因飲水要思源，這個運動給過我很多，我希望可以慢慢回饋給棒球和其他運動。」

圖片來源 : IG@tsztungtonywu

明星成長 ｜ 陳凱琳憑正面形象成功轉型為收入8位數KOL

入行3年曾感迷失
從學習與經驗中找到方向

至於演戲，胡子彤認為入行3年期間，曾感到進退失據，認為自己每日唔知自己忙緊咩，亦好似未知道自己係咪真係想做演員，不過經過對行業嘅慢慢了解、學習及演出更多作品，並修讀表演課程，對表演有更深認識，才開始清楚並更確定自己嘅方向，一直往前進。胡子彤獲得新人獎後，一直背負着別人嘅期望，但卻聲稱並無因此而令壓力大增，更說 ：「我從來不給自己壓力，就算現在有人和我說『你已經入行幾年，演戲應該要有進步』也沒壓力，最重要做好眼前工作。」更表示 :「 豈可盡如人意，令每個人都喜歡自己，別人講我不好，不代表我就是不好，最重要是自己怎看自己」。

相關文章:

明星成長 ｜ 王菀之從父母身上愛上音樂與創作
明星成長 ｜ 謝安琪棄做老師追夢做歌手 感激媽媽信任不阻撓
明星成長 ｜ 衛蘭自小被安排唱歌工作 放棄英國升學成遺憾
明星成長 ｜ 陳法拉30歲跳出舒適圈 赴美國修讀戲劇碩士課程

The post 明星成長 ｜ 胡子彤身兼演員加棒球運動員 將運動精神帶到演戲 appeared first on 新城教育+.