蔡瀚億BabyJoin演藝學院出身，畢業後因拍攝 <<狂舞派>> 而奪得香港電影金像獎最佳新演員，自此開始接拍不少影視作品包括電視劇《老表，畢業喇！》、《殺破狼2》、《葉問3》及 賀歲片《12金鴨》等。蔡瀚億喺正式出道前，亦遇過冇工開嘅低潮，一度想過放棄，幸獲一名朋友及信仰嘅支持，終繼續堅持夢想，現更為「小紙製作有限公司」老闆，開拍首部電影《殘影空間》，及擔任男主角投資出品電影《救殭清道夫》。

明星成長 ｜ 姜濤對中學回憶感遺憾 望30歲似發哥過生活

中二演《西城故事》立志成演員

蔡瀚億中二時因為參演學校戲劇《西城故事》一名角色稱BabyJoin，因而取之為自己嘅英文名，更因此而開始咗成為明星嘅志向，更於訪問中坦言由5歲開始就發明星夢，會模仿《未來戰士II》阿諾舒華辛力加嘅打扮，所以由小時候開始已鎖定目標，中學畢業後報讀香港演藝學院表演系，更憶述當時會於演藝學院圖書館租借各類型嘅電影，愈看便愈迷戀電影，更立志成為一位電影演員。

圖片來源 : IG@babyjohnchoi

不過學習時期，BabyJoin曾因無法滿足戲劇老師嘅要求而深受打擊，更想過放棄，幸好當時有一位音樂系嘅同學喺身邊給予支持，並因而開始接觸宗教，從中獲得鼓勵，而產生堅持落下嘅動力。蔡瀚億表示因信仰而開啟咗其對演戲嘅新領會，並搵出自己真正愛表演嘅原因 : 「享受觀眾受到演出的影響、自己透過演戲去瞭解不同人的生活，擴闊對社會的理解。於是，漸漸覺得自己是不是明星，其實那只是別人的評價，我喜歡演戲就夠了。」

明星成長 ｜ 柳應廷街頭Busking兩年零收入從音樂創作中反思家人關係

試鏡後捱足4年才開拍《狂舞派》
2019年完約離開舒適區自組公司

演藝學院畢業後，BabyJoin經歷咗4年嘅不穩定生活，長期處於無工作嘅狀態，生活亦變得清貧，而當時進行《狂舞派》嘅試鏡，更要過咗4年先真正開拍，中間亦是無間斷嘅等待，幸好最終亦獲得演出機會，並憑《狂舞派》一炮而紅，奪得香港電影金像獎最佳新演員，此獎項更為BabyJoin演藝工作帶嚟起色，開始受邀拍攝多部影視作品。

圖片來源 : IG@babyjohnchoi

直至2019年之前，BabyJoin坦言有一年完全冇戲拍，幸好能擔任VIUTV《空肚講宵夜》嘅主持以維持生計，2019年撞正疫情，BabyJoin剛滿蕭定一公司嘅合約，決定離開舒適區，自組公司「小紙製作有限公司」，寄望創作出自己嘅作品。2019年疫情爆發，香港市道一度滑下，但BabyJoin稱做電影最緊要有火，雖然不少同為舞台劇出身嘅舊同學都已轉行，但心裡其實都依然有團火，更表示 :「以前有人問我，麵包與夢怎樣揀？以前都覺得有麵包才談夢想，但最近發現原來麵包和夢想是同步的，我的麵包就是夢想。做電影，無那團火是行不到的，我那團火就是麵包，令你可以捱餓。」

人生最難課堂為「等待」

圖片來源 : IG@babyjohnchoi

回顧過去，BabyJoin認為最難嘅課題係「等待」，更表示喺等待《狂舞派》開拍嘅期間一度想過轉行，有諗過去考空少，但因為當時一位同學嘅鼓勵說話，令BabyJoin給自己更多時間，喺等待嘅四年裡，亦不停裝備自己，學唱歌、打鼓、作曲及流行音樂，同時又會作為導師教彈琴、教做戲及接話劇，從而頓悟到這漫長嘅等待係有其意義，更以「慢慢演好每一個角色，好好享受走過的每一步」作為拍戲及做人嘅態度。

相關文章:

明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ 周星馳由兒童節目主持做起 奮鬥多年成為香港喜劇之王
明星成長 ｜ 林雪15歲開始打工 由雜工至電影御用男配角

The post 明星成長 ｜ 蔡瀚億5歲開始發明星夢 苦等4年演狂舞派柒良一炮而紅 appeared first on 新城教育+.