MIRROR 十二人透過 <<全民造星>>入行，全部學歷均不同，更有啲係高材生，為咗夢想放棄穩定收入嘅行業，升學至畢業都曾經歷過迷惘嘅時候，為咗突破自己，參加選秀比賽，最終夢想成真組成MIRROR，登上紅館展開十場演唱會，紅遍香港！立即一齊睇下MIRROR全員嘅追夢背景！

呂爵安 Edan

圖片來源 : IG@edanlui

中學：可風中學
DSE 成績 ：25分
大學：香港大學工商管理學學士（資訊系統）

呂爵安Edan唔只有8級鋼琴嘅音樂技藝、豐富嘅喜劇細胞，更係港大學士畢業生，被稱為MIRROR全能才子。Edan訪問中曾透露，由於佢對電腦資訊本身冇乜概念，入到大學讀IT讀起上嚟非常辛苦，編程考試更試過唔合格，自稱能成功畢業實在非常難得。Edan話如再揀一次，會修讀社工，更提醒DSE考生要按興趣選科

柳應廷 Jer

中學：天主教伍華中學
大專：香港浸會大學國際學院文學副學士（傳理學）

阿Jer大學畢業後，將全副心機擺入音樂，喺香港街頭表演Busking，幾乎兩年接近零收入，為維持生計，轉做娛樂記者，但始終娛樂主播與做歌手係截然不同嘅工作，阿Jer並不甘願當一個社會齒輪，心裡最想嘅始終係透過音樂傳遞訊息，為生活帶嚟一絲轉變。

明星成長 ｜ 柳應廷街頭Busking兩年零收入從音樂創作中反思家人關係

陳卓賢 Ian

中學：長沙灣天主教英文中學
大學：香港城市大學公共政策與政治系學士

Ian中學就讀長沙灣天主教英文中學，屬於區內名校，學術成績表現優秀之外，體育發展亦相對突出，曾連續16屆獲得「香港天主教教區中學聯校運動會」男子全場總冠軍！而Ian身為學校其中一員，運動表現當然絕不遜色，中學時更一度獲得全港學界精英排球比賽中「最佳二傳」。中學畢業後更入讀城市大學，修讀公共政策與政治系，當時更代表城市大學參加香港大專體育協會男子排球賽殺入總決賽，連續兩年衛冕冠軍！Ian期後亦成為香港男子排球代表隊及南華排球隊甲一隊。但因為Ian決心發展歌唱事業，終放棄運動員發展，專心一意投入演藝事業。

邱士縉 Stanley

中學：沙田區的保良局胡忠中學
大學：香港城市大學

Stanley大學就讀城市大學，跟Anson Lo一樣同為舞蹈學會成員，畢業後亦曾成為專業舞蹈老師，亦身兼舞者，為不少天王巨星伴過舞如郭富城、林憶蓮等，出席過大大小小嘅舞台表演，後來想突破自己，將發展領域拓寬而有意參加不同嘅比賽入行成為藝人。由於鍾意睇電視，由細到大都希望入行成為演員，曾報讀過4年演藝班，更有參加過香港先生選舉，可惜因為停辦，最後去咗參加《全民造星》，最後更打入十強，成為MIRROR成員之一，一炮而紅。

明星成長 ｜ 邱士縉Stanley自小愛演戲曾參選香港先生 初期負評不斷曾自我懷疑

陳瑞輝  Frankie

中學：中華基金中學
大學：香港理工大學酒店業管理學士

雖然讀酒店，但Frankie醉心跳舞，畢業後並無想過做文職，一開始就已鎖定舞蹈員為目標。不過Frankie 成為舞蹈員期間，並曾有低潮期，未知應該向做Show或做導師嘅方向發展，最後因為朋友肥仔（梁業 – ERROR成員）及 AK（江𤒹生– MIRROR成員）等都報名參加《全民造星》，便決定一齊參加，把握機會挑戰自己。

明星成長 ｜ 陳瑞輝Frankie出道４年憑《IT狗》入屋 曾迷失於MIRROR與自我之間

盧瀚霆  Anson Lo

中學：保良局羅傑承（一九八三）中學
DSE 成績：23分
大學：城市大學工商管理學士(商業分析)

Anson Lo 於DSE取得23分唔錯嘅成績，其中中文科更取得5*佳績，期後入讀城市大學工商管理學士(商業分析)。入到大學後，Anson Lo加入舞蹈學會，從此愛上跳舞，更以跳舞為目標，為咗追夢，不惜放棄大學學位，開始去做伴舞及排舞老師。而Anson Lo曾於訪問中透露當時並冇跟父母商量過，父母亦非常擔心，而當時初入職時亦只賺得$1400月薪，努力接近半年先有過萬收入。

楊樂文 Lokman

中學：新會商會陳白沙紀念中學

Lokman自小熱愛跳舞，更曾於小學紀念冊上於「我的夢想」一欄中填上舞蹈員。Lokman當初因為見到別人跳街舞時嘅英姿而對跳舞產生興趣，升上中一後更到社區中心學跳舞，一學便愛上，中二時亦有組團周圍表演，後來專注學習機械舞及鎖舞，中五畢業後便立志成為一個專業舞蹈員，於訪問中曾說 : 「舞蹈能讓我全情投入，肯定自己，是唯一讓我感到快樂的事。」

邱傲然 Tiger

中學：新會商會陳白沙紀念中學

除咗拉丁舞，Tiger更識得武術、彈吉他、打鼓同彈琴，閒時更會自彈自唱！小學時期更加入培基武術學會，曾經於「全港公開新秀武術錦標賽」男子小學組初級南拳項目奪冠軍，並且於其他武術賽奪獎。中學畢業後入讀香港浸會大學電影學院，並曾為MIRROR第三首單曲《破鏡》MV執導，可見其藝術天分超高！

明星成長 ｜ 拉丁舞王子邱傲然以「下弦」自稱出席鮮浪潮頒獎禮

姜濤

中學：鄧肇堅維多利亞官立中學
高中學校 : 青年學院（邱子文）運動教練文憑課程

姜濤中學時讀書成績麻麻，中三就轉學去青年學院（邱子文）讀文憑，但卻因為對表演有天份及興趣，參加《全民造星》並成為受一眾年青人愛戴嘅偶像，除咗個人努力，背後亦有賴家人開明嘅態度，及無限嘅支持及體諒。

明星成長 ｜ 姜濤對中學回憶感遺憾 望30歲似發哥過生活

江𤒹生 AK

中學：聖公會李炳中學

AK中學畢業後與娛樂公司簽約，被送到韓國成為練習生接受培訓。雖然唔係讀名校出身，又冇好驕人嘅學術成績，但品性好，又努力增值自己，而家嘅事業亦已上軌道，成為受不少年青人欣賞嘅偶像

王智德 Alton

中學：賽馬會體藝中學
大學：城市大學電子物流及科技管理學

Alton 曾嘆自己入錯科，曾於訪問中表示 : 「讀咗唔太稱心如意嘅科目，唔太稱心如意咁畢業」佢嘅夢想係可以開演唱會，所以做過舞蹈員又做過健身教練，以舞蹈員爭取表演機會同時，亦Keep住身體操得非常Fit！後來更憑着堅持同實力，加入人氣男團MIRROR，成功以MIRROR身份舉辦演唱會！

李駿傑 Jeremy

中學：明愛元朗陳震夏中學

Jeremy自小就搵到將來嘅目標，6歲就立志成為歌手，參加過大大小小嘅歌唱節目，亦報名參加過韓國偶像公司嘅練習生選拔，直至遇到VIUTV嘅《全民造星》，得到賞識並正式成為歌手。

相關文章:

明星成長 ｜ 楊樂文Lokman參加造星前曾想過轉行 全職教舞試過最低月入得4千
明星成長 ｜ Anson Lo DSE考獲23分 讀城大BBA為追夢退學做舞蹈者
明星成長 ｜ 陳卓賢以音樂抒發感受 求學時文武雙全為排球健將

The post 明星成長 ｜ MIRROR 十二人學歷背景追夢過程大公開 appeared first on 新城教育+.

大家都應該知道MIRROR成員埋藏着幾位高材生，除咗有EDAN，另外仲有跳舞擔當兼風靡萬千少女嘅教主盧瀚霆Anson Lo，Anson Lo當年為咗實現跳舞之夢，放棄城大BBA學位，捱過低收入嘅日子，終憑《全民造星》一炮而紅，除咗自己嘅努力不懈，背後仲有一對非常撐佢嘅父母。

明星成長 ｜ 柳應廷街頭Busking兩年零收入從音樂創作中反思家人關係

為追夢放棄學業
全職做舞者曾幫郭富城伴舞

Anson Lo自小喺媽媽嘅安排下，學習不同嘅技藝，包括毛筆書法、畫畫、游水、排球、音樂等，小學就讀天主教石鐘山紀念小學，中學畢業於Band 1保良局羅傑承（一九八三）中學，喺媽媽嘅高要求教育下，Anson Lo 於DSE取得23分唔錯嘅成績，其中中文科更取得5*佳績，期後入讀城市大學工商管理學士(商業分析)。入到大學後，Anson Lo加入舞蹈學會，從此愛上跳舞，更以跳舞為目標，為咗追夢，不惜放棄大學學位，開始去做伴舞及排舞老師。而Anson Lo曾於訪問中透露當時並冇跟父母商量過，父母亦非常擔心，而當時初入職時亦只賺得$1400月薪，努力接近半年先有過萬收入。

圖片來源 : IG@ansonlht

不過Anson Lo仍然堅持跳舞之夢，後來亦有機會為郭富城伴舞，更於陳慧琳歌曲《打字機》MV中擔任舞蹈員，後來因一次參與李玟演唱會而碰上當時ViuTV節目監製嘅花姐，並受花姐邀請參加《全民造星》，雖然當時於30強止步，但後來獲邀加入MIRROR便極速走紅，更憑着歌曲《Megahit》橫掃樂壇多個獎項。

明星成長 ｜ Edan音樂讀書範範得 大學曾揀錯科感後悔

父母為最強後盾 用作品証明自己

有如此成就嘅背後除咗因為Anson Lo嘅個人努力，當然仲有勞苦功高嘅一對父母，Anson Lo多次於不同訪問中提及父母係自己最強嘅後盾，更感激父母對自己無條件嘅支持同關懷，並直言 : 「我能為你們做的，就是好好努力工作，珍惜眼前所有東西(當然包括好好儲錢養你們、教姐和Amber！)每一位神徒和我的教父、教母，我愛你們！」入行多年，Anson Lo表示最大需要克服嘅就係一堆流言蜚語  : 「要說『辛苦』嘅話，面對一啲流言蜚語，誇張傳言同不實報道，呢啲最辛苦，影響到大家對你嘅人品、品行、道德同操守，每個人都唔想畀人誤會，我自己approach又唔會解釋啲乜嘢，或者澄清啲乜嘢，不如用自己推出嘅作品，令唔相信自己嘅人、誤信呢啲傳言嘅人，終有一日會對我刮目相看。」

明星成長 ｜ 林家棟早已認定演員之路 拒絕承繼父親衣鉢

相關文章:

明星成長 ｜ 鍾雪瑩曾身兼多個創作身份 裸辭為提升自我修養成專業演員
明星成長 ｜ 廖子妤隻身到港追夢 十年離鄉別井對家人感愧疚
明星成長 ｜ 陳卓賢以音樂抒發感受 求學時文武雙全為排球健將

The post 明星成長 ｜ Anson Lo DSE考獲23分 讀城大BBA為追夢退學做舞蹈者 appeared first on 新城教育+.