誕女已有一年嘅余香凝，休養並收身後近日宣佈將全面復出。最近更係社交媒體分享自己當年放榜經歷，勉勵各位應屆DSE考生，稱自己亦曾因成績考得唔好而徬徨過，機緣巧合下接觸演戲並一試愛上，從此開啟咗演戲人生。而余香凝代表品作中以《非同凡響》最為人深刻，更憑此電影入圍金像獎最佳女主角。別人眼中余香凝年輕貌美，演藝前途一片光明，但其實余香凝曾於訪問中透露自己亦經歷過冇工開嘅兩年，全靠自己有一套抗壓秘訣，走出低潮，後來才有機會把握住接踵而來嘅每一個拍攝機會。

明星成長 ｜ 柳應廷街頭Busking兩年零收入從音樂創作中反思家人關係

拍戲後變得唔再事事SAY YES!

余香凝曾於訪問中提及自小並冇諗過成為演員，反而有諗過做空姐。余香凝憑住高挑嘅身形及出眾嘅樣貌喺2011年以模特兒入行，並感激受到電影公司同事提攜，有機會初道嘗試電影拍攝，擔演電影《骨妹》中其中一位主要角色，同時更憑《骨妹》獲得金像獎提名最佳新演員，期後更有份拍攝不少香港電影，甚至擔演女主角如《非同凡響》，形象多變。不過余香凝就透露曾經歷過自我懷疑嘅階段，承受過巨大壓力，能夠從壓力中得到釋放並從容面對未來各種嘅挑戰，更係自己最想學會嘅一個課題。

余香凝曾說：　「很多人都說在《非同凡響》中認不到我，但其實她的內心世界跟我最相似。這個女生因為很怕令人失望，所以做別人想她做的事，心內有很多想法也不敢說出來。我一路的成長過程也一樣，雖然家人沒有給予很大壓力，我自己卻會因為別人覺得我乖，而不敢表達不同的意見。」後來因為參演《非同凡響》而變得冇以前咁「乖」，開始敢於表達自己意見，唔會再乜嘢都Say Yes，呢個改變連余香凝身邊嘅朋友都留意到，余香凝表示呢個改變令自己非常高興。

明星成長 ｜ Edan音樂讀書範範得 大學曾揀錯科感後悔

壓力力時靠行山疏導
想如媽媽一樣成為一個堅強嘅母親

不過余香凝嘅事業亦並非如大眾所見順利，余香凝亦曾經歷過兩年冇工開嘅日子，面對逆境嘅心法除咗靠自己方法疏導，更多得萬大事亦能保持鎮定嘅媽媽。余香凝表示壓力大時，行山係最有靠嘅舒困方法，稱因為搵朋友一齊行山時，過程中會減少使用電話，大部分時間都係觀賞周遭景致及與朋友聊天，當發現行到山頂時能夠看到山下美景，便會覺得一切嘅辛苦都係值得，從而更會鼓勵自己只要捱過去就會見到美麗嘅風景。同時余香凝更稱媽媽係一個內心非常強大嘅人，即使自己遇到咩事，媽媽都一定唔會比自己先倒下來，同時亦非常開明，思想與自己能夠同步。而剛成為新手媽媽嘅余香凝亦希望自己能夠成為一個咁樣嘅母親，能夠喺孩子面前展現堅強一面，成為孩子一個學習及變得更加堅強嘅榜樣。

為咗演好一個部戲，能夠更加全面演繹到一個角色，余香凝報讀一個心理學課程，希望能夠幫助了解角色嘅內心，不過要兼顧學業與工作確實唔簡單，有時都會因為要溫書做功課而發愁，但總不忘自己讀書嘅初衷，而深明學習過程中能獲得日常中無法學會嘅東西，同時滿足成為演員後對周遭事物強烈嘅好奇心，便能夠堅持下去。余香凝曾稱因為飾過不同角色而令自己更懂我表達感受，並且更懂得感受身邊嘅一切　：「沒有演戲的我就不會是今日的我。」

明星成長 ｜ 林家棟早已認定演員之路 拒絕承繼父親衣鉢

相關文章:

明星成長 ｜ 鍾雪瑩曾身兼多個創作身份 裸辭為提升自我修養成專業演員
明星成長 ｜ 廖子妤隻身到港追夢 十年離鄉別井對家人感愧疚
明星成長 ｜ 陳卓賢以音樂抒發感受 求學時文武雙全為排球健將

The post 明星成長 ｜ 余香凝自小想做空姐 後為演戲讀心理學 appeared first on 新城教育+.