有追開ViuTV嘅一定對呢位女演員李敏唔陌生，最近李敏就有份參演兩部熱播劇集如《野人老師》及《季前賽》。李敏香港浸會大學視覺藝術院畢業，現時除咗係演員，更係一位甜品師，而整甜品呢門手藝就係由加拿大工作假期時啟發出嚟，回港後甚至向第二夢想甜品師之路進發，以甜品支撐演員夢！

浸大視覺藝術系畢業　以演員路進發畢業後曾患焦慮抑鬱

現年33歲嘅李敏，中學就讀保良局馬錦明夫人章馥仙中學，大學修讀香港浸會大學視覺藝術系，因在學時參加過劇社而對演戲產生濃厚興趣，畢業後有參與過電視及電影拍攝，其中有電影《盲探》、《哪一天我們會飛》、《梅艷芳》等，至於電視劇則有《二月廿九》、《940920》，更有最近人氣劇集令其變得入屋嘅《季前賽》及《野人老師》。

李敏坦言自己從小到大都係一個高敏感人士，入行後一直浮浮沉沉，係一位獨立演員，無經理人公司，大多都係參演特約角色，工作不太穩定，大學時積蓄一度只有三四位數，加上中學已經歷喪父之痛，追夢亦得唔到家人嘅支持更曾受過打擊嘅說話，因而令其出現情緒問題，充斥大量負面情緒，一度患上焦慮及抑鬱症，需要接受藥物治療，訪問時李敏曾講過：「當我看自己喜歡的電影，看書或看不同的東西的時候，會發現不同的人，不同作者，不同導演、編劇看這個世界也不一樣，其實我們不需要追求，我跟其他人一樣才是好，有些人覺得別人想法很特別，有些人又有他自己的生活方式，慢慢了解多了，發現這個世界真的很大，久了就覺得不需要將自己的情緒再想得這樣大。」

從加拿大工作假期中開啟甜品師之路

後來李敏因為一名大學時認識嘅加拿大籍男友，而開展咗一趟工作假期之旅，到訪加拿大後更愛上製作甜品，更從製作甜品中得到救贖。李敏以旅行為主要目的到加拿大Working Holiday，起初並無太大打工意欲，但因為中途發現積蓄所剩無幾，於是下定決心搵工賺取旅費，卻發現當地搵工非常艱辛，因自己不擅展說話及冇足夠體力，工種選擇唔多，搵唔到搬運及銷售等工作，最後只好於一間華人超級市場做廚房助理，一度因為手腳慢而無法勝任工作，最後更導致工傷而辭職，最終喺加拿大亦只維持咗一個月嘅打工經驗。

明星成長 ｜ 邱士縉Stanley自小愛演戲曾參選香港先生 初期負評不斷曾自我懷疑

雖然係咁，但另一方面喺加拿大工作假期期間，卻開拓咗李敏嘅製作甜品興趣及技能。由於當時望見加拿大地方很大廚房很大而增加咗烹飪嘅意欲，而且因為當時掛住香港菠蘿包嘅味道而決心自製，久而久之開始製作甜品，更從製作甜品過程中獲得滿足感並產生興趣，將迷惘中嘅自己拯救起嚟，為咗將興趣變做職業，回到香港後更向甜品師之路進發，與演員同步發展，回港後曾到朋友餐廳做兼職，收工後便進行拍攝，當時已半踏入飲食業，曾於ATUM Desserant做甜品畫、Storerooms Café當甜品師，2021年時更於社交媒體上提及自己與朋友開咗蛋糕店，而且店亦漸漸穩定，更曾說自己好像對表演路上感到疲憊，往後計劃想減少幕前演出，專心經營自己嘅店舖。

一邊以甜品支撐住演員夢嘅李敏，曾於訪問中說過：「實現夢想需要犧牲，犧牲不是叫你呆等，應該在等待的時候想想有甚麼可以做。」如今李敏喺演藝事業上亦漸見成績，不少觀眾對李敏留下印象，夢想將續步續步與自己拉近，希望往後可以繼續喺銀幕或電視機上見到李敏嘅演出！

相關文章
明星成長 ｜《野人老師》談善言讀書好宅？湯怡係佢師姐
明星成長 ｜ Anson Lo DSE考獲23分 讀城大BBA為追夢退學做舞蹈者
明星成長 ｜ 姜濤對中學回憶感遺憾 望30歲似發哥過生活

The post 明星成長 ｜ 李敏以甜品支撐演員夢？從加拿大工作假期中尋找第二度夢想之門 appeared first on 新城教育+.

近年深受年青人喜愛嘅ViuTV，除咗因創新破格嘅電視節目成為焦點，其中引人注目嘅更有電視台深受網民歡迎嘅「女神級」節目主持人及演員等，全部唔只外形討好，亦有返咁上下學歷，不少更為大學生，甚至擁有碩士學位！

陳欣妍

圖片來源 : IG@shirleyelephant

陳欣妍中學時就讀聖士提反女子中學，2021年該校全港排名20，係BAND 1英文中學。陳欣妍中學畢業後入讀理工大學，修讀廣告設計學位，畢業後更有機會拍攝電影《我們的6E班》，期後前往北京電影學院進修短期表演課程。2019年起於ViuTV作品中擔任主持，其中代表作有《美女郊遊遊》、《就係唔科學》，及參與電視劇《反起跑線聯盟》。

陳嘉倩

陳嘉倩就讀聖公會林護紀念中學，係葵青區名校，當年高級程度會考考獲1A2B 佳績，成功升讀香港中文大學，修讀英文系，副修德文及西班牙文。畢業後加入TVB 當新聞主播，當時已深受觀眾喜愛，有「嘉倩BB」之稱。後來離開公司再進修，修讀香港浸會大學國際新聞文學碩士。其後先後擔任過香港電台節目主持，及有份參與ViuTV節目拍攝，如曾引起網民熱烈討論嘅《賭命夫妻》、《學神出沒注意》等。

陳俞希

陳俞希有「ViuTV」一姐之稱，曾就讀五旬節林漢光中學及嘉諾撒聖瑪利書院，畢業於香港演藝學院舞台管理系。陳俞希擔任模特兒出道，透過參加now TV舉辦嘅「CEO 選拔賽」加入now TV，轉型成為電視節目主持。現活躍於 ViuTV節目，其中代表作為《借宿一宵》、《暖男爸爸》及《空肚講宵夜》等。

明星成長 ｜ 林家謙大專比賽時被一位歌手賞識 從此開啟音樂之路

岑樂怡

岑樂怡有名為「呀妹」，中學就讀聖母玫瑰書院，預科就讀惠僑英文中學。中學畢業後入讀香港浸會大學英文系，主修比較文學，於大學三年級時因出演舞台劇而被now TV發掘，開始擔任兼職娛樂主持，大學畢業後更正式加入now TV，現更活躍於ViuTV，擔任主持及演員，如《地產仔》、《冥冥之中》、《總有一隻喺左近》等。

明星成長 ｜ 加拿大為港姐留學熱門地

沈殷怡

沈殷怡就讀嘅中學及小學均為名校，分別為聖保羅男女中學及香港聖士提反女子中學附屬小學，當年文憑試考獲4科5**、1科5及1科4嘅成績，以全額獎學金升讀上海復旦大學法律系，畢業後回到香港再修讀香港中文大學法學碩士，學歷相當高！2018年正式加入ViuTV，擔任主持及演員，如《美女郊遊遊》、《囝囝女女730》、《男排女將》等。

練美娟

練美娟就讀博愛醫院歷屆總理聯誼會鄭任安夫人學校、香港九龍塘基督教中華宣道會陳瑞芝紀念中學，預科就讀加拿大神召會嘉智中學，畢業後就讀香港浸會大學通識及文化研究系。大學時曾參與now TV節目，畢業後加入電影公司、娛樂公司及廣告公司工作，2017年起成為ViuTV節目主持，其中代表作為《大叔的愛》、《IT狗》及《反起跑線聯盟》。

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

相關文章
明星成長 ｜ 馮盈盈零經濟及商科底成功考獲CFA Level 1 當年DSE 28分入港大
明星成長 ｜ 盤點多個TVB女神級藝人學歷 全部到過海外升學
明星成長 ｜ 盤點六位香港女星就讀的香港名校

The post 明星成長 ｜ 盤點多個ViuTV女主持學歷 appeared first on 新城教育+.