前港姐冠軍陳凱琳（Grace），出身富裕家庭，擁有出眾樣貌，現更與藝人鄭嘉穎建立一個幸福家庭，由演員主持轉型成為KOL，因形象正面成功獲得大量廣告商歡迎，收入升至8位數，被外界稱為「人生勝利組」。不過陳凱琳喺入行期間都受過外界抨擊，全靠心態正面，克服負面言論，及懷着感恩嘅心，先得以走到呢一步，現更成為而家受一眾廣告商喜愛嘅媽媽KOL。

明星成長 ｜ 欣宜克服負面評價及自我懷疑 奮鬥35年成功奪女歌手金

參選港姐實現夢想 中文底子弱被受質疑

陳凱琳畢業於加拿大西門菲莎大學傳理系學士，曾於訪問中透露選港姐係由細到大嘅夢想，所以2013年讀完書返嚟便決定參選香港小姐，實現兒時夢想，更指選港姐嘅原因，係為咗發掘身上更多可能性，重拾自信，挑戰自己。結果Grace夢想成真，當年以大熱姿態選得香港小姐冠軍，加入娛樂圈成為藝人，擔任演員及主持。

圖片來源 : IG@ghlchan

看似一帆風順嘅背後，其實Grace於娛樂圈打滾接近十年，遇過不少打擊。Grace於訪問中提過，未成為媽媽之前，自己一直以演員為目標，但初初拍劇時，就被觀眾批評演技差，因本身中文底子弱，讀劇本時亦遇上好大嘅障礙 ; 入行初擔任主持時，更試過將「奮不顧身」講成「粉身碎骨」，惹來笑柄，受盡外界質疑。不過縱然面對一堆負評，Grace選擇則以友善嘅態度面對，亦透過評論改善自己，慢慢惡補不足，練習說話速度、聲線高低及與前輩分析劇情，從中磨練演戲技巧。

明星成長 ｜ 梁釗峰憑一首作品讓父母接納星途

生B後夢想改變 學會知足常樂

不過榮升成為媽媽之後，Grace對人生嘅追求及心態亦隨之改變，亦因為受到傳統媽媽嘅影響，結婚產子後，希望力盡媽媽嘅責任，不惜犧牲幕前工作，將夢想改為令小朋友健康快樂成長，由拼搏追夢變得知足常樂。推出幕前後，Grace仍然會思考自己想做嘅事，於是便開始拍片影相，並分享到社交平台，由於形象健康正面，深得網民喜愛，更因此獲得KOL類型嘅工作機會。期間Grace更試過與另一位KOL雪姨喺影片大玩ASMR遊戲時，蒙住眼食各樣Grace人生從未試過嘅食物，其勇敢大啖大啖將豬大腸吞落肚嘅行為，被網民大讚夠真及性格可愛。

圖片來源 : IG@ghlchan

明星成長 ｜ 周秀娜憑着不服輸精神 成功轉型實力演員奮鬥史

Grace坦言而家會將家庭為重心，亦感激當年本身為職場女強人嘅媽媽為陪伴子女成長而放低事業，教識Grace珍惜一切得來不易嘅付出同幸福，而媽媽嘅培育，亦影響到Grace對家庭嘅重視，並希望當一個盡責嘅媽媽，盡量花時間陪伴孩子成長。

相關文章:

明星成長 ｜ 謝安琪棄做老師追夢做歌手 感激媽媽信任不阻撓
明星成長 ｜ 王菀之從父母身上愛上音樂與創作
明星成長 ｜ 洪嘉豪讀演藝學院時建立音樂功架 簽約後由零開始學習唱歌
明星成長 ｜ 保錡捱過低潮重拾方向 成ERROR第三人推出個人單曲《猥瑣》

The post 明星成長 ｜ 陳凱琳憑正面形象成功轉型為收入8位數KOL appeared first on 新城教育+.