人氣男子組合ERROR成員之一何啟華阿Dee，現年32歲，當初因參加《全民造星》被賞識而出道，出道後因拍攝VIUTV綜藝節目如《花姐ERROR遊》、《ERROR自肥企劃》而增加更多曝光機會，人氣爆升，現時除咗有被稱「VIUTV一哥」，更係唔少廣告商嘅新寵兒。不過阿Dee走紅前，亦與好多演藝人一樣奮鬥多年，歷經不少辛酸，由以前網絡創作團體「學舌鳥Mocking Jer」嘅網絡演員走到大銀幕。

中學畢業後專心學演戲及跳舞
為追夢三年靠車馬費維生

阿Dee就讀香港紅卍字會大埔卍慈中學，曾於訪問中提及，中學時已知自己非讀書材料，當時受中史老師啟發加入戲劇學會，自此便立志成為一位電影演員，中學畢業後於香港知專設計學院修讀電影及電視系，更有前往灣仔劇團學演戲。為咗增值自己，更向另一街舞師傅「孖八」學街舞，漸漸跳舞亦變成自己嘅專長之一，尤其擅長跳Popping及Locking，加入「香港男子鎖舞隊」與現為MIRROR成員嘅Lokman及Alton成為隊友。為咗平衡夢想與生活，阿Dee曾打過好多份工，做過洗地、傳銷、賣衫、侍應等。後來因為見到「天比高創作伙伴」招生，便主動應徵，加入後跟唔同前輩學跳舞學做戲，做足3年，靠車馬費維生。但由於做實習生人工唔高，家人亦曾勸過阿Dee搵返正職，不過阿Dee依然冇放棄，反而積極參加更多比賽，從比賽中獲得肯定，漸漸增加於舞團中嘅人氣，獲得更多工作機會。

明星成長 ｜ ERROR肥仔梁業190磅 從跳舞建立自信

受游學修激勵放手一搏參加《全民造星》

不過阿Dee卻曾於訪問中表示，雖然參加過好多比賽，但其實以往一直都冇好好把握機會。阿Dee曾參加內地人氣節目《這就是街舞》第一季，但因為當時隊友被淘汰而喪失鬥志，最終獨自Hea跳完成比賽，事後卻感到非常後悔，因比賽中並無全盡力而愧對自己，而呢一個教訓亦成為阿Dee往後參加《全民造星》獲得好評嘅關鍵。

後來一次機緣巧合下，阿Dee終有機會投身演戲事業，更與好友游學修（現為試當真老闆）創立「學舌鳥Mocking Jer」，因模仿天王劉德華入型入格嘅表演而一度紅爆網絡，同時更有開始參與電影拍攝如《鴨王》、《同囚》 。雖然曝光機會開始增加，但始終無法突破樽頸位，游學修曾於訪問中指阿Dee嘅缺點就係無法好好把握機會，就如當初扮華Dee紅爆後未能捉緊機會食住個勢向上爬。

阿Dee參加《全民造星》嘅其一因素係來自游學修嘅鼓勵，而游學修更為阿Dee訂立一個「當你出局時，要觀眾為你感到可惜」嘅目標，更開導阿Dee於初初參加《全民造星》時被受到嘅惡意批評。再加上阿Dee與跳舞出身嘅好友Lokman及Althon亦決定為夢想放手一搏，便一同決定參加《全民造星》，而阿Dee亦吸取咗之前嘅教訓，於比賽中盡顯所長，全程投入，把握每一個表演嘅機會，最終雖然無法入圍最後十強，卻嬴得觀眾及經理人花姐嘅喜愛，被邀請與同屆《全民造星》參加者193、肥仔及保錡組成男子組合ERROR。

明星成長 ｜ 保錡捱過低潮重拾方向 成ERROR第三人推出個人單曲《猥瑣》

從綜藝節目中累積人氣 獲得多個拍攝機會

雖然ERROR成團為阿Dee演藝事業跳躍一大步，但初時阿Dee卻直言並未如自己所料獲得許多拍攝電影電視嘅機會，直至參與各類型嘅VIUTV綜藝節目《花姐ERROR遊》、《ERROR自肥企劃》、《ERROR自救TV》並拼盡全力拍攝，讓節目大受歡迎，及得到更多觀眾認可，累積更多人氣後，便漸開始獲得更多參與拍攝演出嘅機會，事業亦開始上軌，由觀眾負評到被受喜愛，為咗追夢吃過不少苦頭，對回顧從前再對比一下而家嘅成功，阿Dee表示：「於現實社會中，付出未必與回報成正比，許多努力都未必能即時看到成果，但其實往往都只是差一點點。只要堅持下去，便會有所收成。就好像你的戶口只有$98結餘，你無法提款，但只要你好努力堅持尋找多$2，你就可以提取這$100。」

相信阿Dee嘅經歷能夠說服不少，只認為讀得書才能出人頭地嘅人，阿Dee曾於社交媒體中發表言論鼓勵一眾DSE考生，就過來人分享，表示讀書只適合三種人，分別係「仲未搵到自己想點嘅人」、「真係好想讀書嘅人」及「名門貴族嘅後人」，同時寄語考生，父母要學懂放手，鼓勵多相信及聆聽子女嘅意願，讓子女發展自己興趣。

敢發夢，又敢唔敢追夢？有想法，要實現就要想辦法！

我哋邀請咗不同界別嘅嘉賓，9月3日同大家分享升學及就職出路嘅資訊，並以專業角度分析生涯規劃嘅重要及實踐方法，同場更有演藝及運動界別嘅年青KOL以過來人身份同大家分享追夢嘅心路歷程，費用全免！

立即登記及出席講座仲可以拎走《生涯規劃自學手冊》實體書，快啲約埋朋友仔一齊報名啦！活動詳情 : https://bit.ly/3BTxPfP

明星成長 ｜ 謝安琪棄做老師追夢做歌手 感激媽媽信任不阻撓

相關文章
明星成長 ｜ 朱千雪於演藝事業黃金時期 為追夢重返校園成大律師
明星成長 ｜ 彭秀慧由舞台走到電影 40歲無懼質疑初嚐導演滋味
明星成長 ｜ P1X3L追夢過程公開 讀書最叻係Phoebus？

The post 明星成長 ｜ 何啟華阿Dee受游學修鼓勵參加《全民造星》為追夢洗地賣衫侍應都做過 appeared first on 新城教育+.

ERROR為香港男子組合，一直以搞笑騎尼形象示人，成員包括梁業（肥仔）、何啟華（阿Dee）、郭嘉駿（193）及吳保錡（保錡），全部均為ViuTV選秀節目《全民造星》參賽者，其中隊長肥仔雖然身形肥胖，但係身手靈活，跳舞技術相當了得，於《全民造星》時更係大熱之一。而原來肥仔之所以熱愛跳舞，全因當年跟媽媽去disco？

明星成長 ｜ 柳應廷街頭Busking兩年零收入從音樂創作中反思家人關係

跳舞時如發光般 自信十足打破傳統「肥仔」印象

肥仔中學讀慈幼英文學校，曾於訪問中透露自4歲已跟媽媽去DISCO，長大後見到雜誌有間跳舞課程嘅宣傳，便主動向媽媽提出想學跳舞，媽媽亦表示支持，更提出若想深造舞藝可以出錢支持肥仔到外國學習，而肥仔學習嘅更非傳統舞蹈如中國舞、芭蕾舞及拉丁舞，而係街舞，對於當時媽媽無條件嘅支持感到非常感激，更曾表示短期目標就係帶父母去旅行。

圖片來源 : IG@fatboyip

追夢過程總係滿途荊棘，而肥仔為咗追夢都曾經歷過經濟拮据嘅時候，更曾為未能賺錢養家而對父母感愧疚，不過肥仔自信且跳脫嘅表演力，最終於《全民造星》獲得一致好評，更令大眾對「肥仔」另眼相看，肥仔亦於節目中表示 : 「你估我唔到呀？我就做畀你睇」一跳舞身體就似會發光般，自信十足，相當吸睛，獲得網民大讚。

推出個人單曲憑歌寄意感激媽媽支持

最後肥仔於《全民造星》獲得第4名，更被邀請與同屆參賽者阿Dee、193及保錡組成男子組合ERROR，更有幸出SOLO歌，為答謝家人嘅支持，肥仔更於第3首SOLO歌《Dear MaMa》憑歌寄意，向媽媽表達感激之情。而呢首歌嘅意念係源於肥仔發嘅一個夢 : 「我仲有個哥哥做game designer，一家人一齊住，越大越多感觸…啲音樂好煽情…有幾晚發夢有親人離開咗，好真實，我坐喺床頭望住父母，好似未做過啲乜，間唔中都會發呢個夢，夢中我嚎哭喊到醒咗。如果我仲有第二隻歌，我係想寫畀我阿媽，我唔想畀自己後悔，我未必賺到好多錢，但一直好想帶佢哋去旅行，而家只係喺屋企食吓飯，想令佢哋安享晚年。」

明星成長 ｜ 邱士縉Stanley自小愛演戲曾參選香港先生 初期負評不斷曾自我懷疑

入行曾為跳舞導師 為EDAN師父

肥仔入行前經已為一名舞蹈員及跳舞導師，曾與不少藝人合作，如陳偉霆、側田及天堂鳥等，肥仔更係MIRROR成員Edan讀大學時嘅跳舞老師。Edan更大讚肥仔非常大愛，更爆肥仔冇收錢教自己跳舞，呢份施予非常難得，而肥仔則回應 : :「我曾聽一位前輩說，這個娛樂圈很需要傳承，傳承不可事事都計錢，而是無私奉獻。你寧願做一個出盡風頭，但其實別人不太喜歡你，或是躲在背後，教識對方所有，令對方默默感謝你，我會反思這問題，選擇做後者，我自知不是最靚仔或做男主角的人，點解不去做大家尊敬我的事，而且我自己也開心。」

相關文章:

明星成長 ｜ 楊樂文Lokman參加造星前曾想過轉行 全職教舞試過最低月入得4千
明星成長 ｜ Anson Lo DSE考獲23分 讀城大BBA為追夢退學做舞蹈者
明星成長 ｜ 陳卓賢以音樂抒發感受 求學時文武雙全為排球健將

The post 明星成長 ｜ ERROR肥仔梁業190磅 從跳舞建立自信 appeared first on 新城教育+.

最近ERROR其中一位成員保錡，繼肥仔及193，成為團隊中第三人正式推出首支SOLO派台歌《猥瑣》，透過自嘲方式表達自己，真情流露，引來不少網民討論，保錡更自言因見証作品誕生而感動得落淚。保錡出道至今，經歷過低潮，曾因是非緋聞而宣告暫別娛樂圈。由受盡大眾負面評擊，至被大眾重新接納，過程中可謂難關重重，但整個經歷亦足以証明保錡對追求夢想嘅認真及決心。

明星成長 ｜ 欣宜克服負面評價及自我懷疑 奮鬥35年成功奪女歌手金

追夢不獲支持 出道初負評不斷

圖片來源 : IG@k_p0k1

保錡22歲便開始有入行嘅念頭，中學主修藝術，鍾意唱歌、做戲及表演，生於單親家庭，讀書成績差，為咗入行，曾擔演過不少作品嘅臨時演員，追夢期間因無穩定收入而受到不少冷言冷語。保錡於訪問中憶述，入行前曾經做過售貨員，因為當時經常請假去做臨時演員，最終被炒，戶口試過只有$0，當時店長更同保錡講 : 「你去追夢啦，幾萬蚊人工唔啱你，你適合做明星 !」而且亦得唔到屋企人嘅支持，經常被勸放棄，更被前女友指冇前途。

雖然保錡得唔到身邊人嘅支持，但反而因此而鍊成出一顆強大嘅心藏，做咗7年臨時演員，最終奮力一搏，參加第一屆<<全民造星>>，憑嘻哈饒舌表演獲得賞識，加入團隊ERROR，正式入行。但出道初期，保錡飽受打擊，被不少網民嘲笑似「八兩金」，亦曾因此事與網民展開罵戰，同時又傳出外遇醜聞，令保錡形象插水，最終更向大眾道歉，宣佈暫時停止任何娛樂圈工作。

明星成長 ｜ 梁釗峰憑一首作品讓父母接納星途

從谷底中反彈 推出首支個人單曲《猥瑣》

低潮期間，保錡反省自己，並向大眾表示願意承擔一切，為自己負責，透過行動讓觀眾慢慢重新接受返自己。期間保錡不斷拍攝真人騷，挑戰多個極限項目，過程令保錡獲得很大轉變，更稱自己從小不太懂得待人接物，EQ較低，亦不懂禮貌，而網民及觀眾則像其「父母」般，重新教導自己如何成為一個人，變得更有耐性、懂得欣賞別人優點、做事及說話前三思，而保錡嘅轉變，大眾亦有目共睹，形象亦漸由負面變正面。

圖片來源 : IG@k_p0k1

明星成長 ｜ 周秀娜憑着不服輸精神 成功轉型實力演員奮鬥史

經歷過種種挫折，令保錡獲得更明確嘅目標，並稱目前想成為一個歌手，因為做歌手係由細到大嘅夢想，亦都想讓大眾睇到自己認真做音樂嘅一面。近日更夢想成真，推出一首屬於自己嘅單曲《猥瑣》。為咗令自己成為一位合格嘅歌手，花近半年時間製作，跟音樂監製舒文學習各種音樂知識，改掉以往所有陋習，鍛鍊咬字、用氣及唱腔等。透過最新作品，保錡能証明自己嘅同時，亦令大眾透過作品重新認識自己。

相關文章:

明星成長 ｜ 張敬軒音樂造詣從小訓練 每日花4小時練開聲

明星成長 ｜ 謝安琪棄做老師追夢做歌手 感激媽媽信任不阻撓

明星成長 ｜ 王菀之從父母身上愛上音樂與創作

明星成長 ｜ 洪嘉豪讀演藝學院時建立音樂功架 簽約後由零開始學習唱歌

The post 明星成長 ｜ 保錡捱過低潮重拾方向 成ERROR第三人推出個人單曲《猥瑣》 appeared first on 新城教育+.