唔少成功嘅歌手，喺追夢嘅過程中都曾為咗夢想而放棄本來穩定嘅收入，創作歌手江海迦AGA亦不例外，雖身於音樂世家，但入行前曾為空姐，後來因一次機緣巧合下認識音樂監製舒文而正式入行，更推出多首熱播歌曲，曾獲得多個音樂獎項，不過看似一帆風順嘅背後，其實AGA亦曾經歷過賣不出DEMO嘅辛酸，辭職成為歌手後亦面對姐姐患癌症離世嘅痛楚。

入行前曾做空姐捱杯麵學寫歌
後認識舒文DEMO被鄭融採用

AGA爸爸媽媽均擁有音樂詣藝 ，精通樂器，喺濃厚嘅音樂氛圍嘅環境下長大，令AGA細細個便學會睇簡譜及了解音樂創作，從而對音樂產生興趣。長大後便學習古典鋼琴，因夢想出國讀音樂而考空姐，希望可賺夠錢到海外留學，更曾坦言做空姐頭兩年都儲唔到錢，因為經常飛到外地欣賞音樂表演，如到印度廟宇聽live，及到北京看京劇，後來便的起心肝儲錢，捱杯麵並專注學寫歌。不過後期因音樂老師介紹下，而認識到著名音樂監製舒文，成為其錄音室學徒，學習創作音樂，同時亦決定放棄做空姐，放手一搏追逐音樂之夢。不過AGA跟舒文學習及寫DEMO嘅頭三年間，一直都未有獲得賞識，寫咗約200首歌，後來才終於被鄭融採用其中一首並成為派台歌〈第五類〉，後來更有為李克勤、薛凱琪及連詩雅等歌手作曲。期後作品受到環球唱片高層黃劍濤嘅欣賞，而被邀請加盟環球唱片，正式以歌手出道。

明星成長 ｜ 柳應廷街頭Busking兩年零收入從音樂創作中反思家人關係

圖片來源 : IG@agaseen

不過當AGA音樂事業終於有所起色時，AGA卻要面對姐姐患癌離世嘅痛楚，亦因而寫下〈若〉一曲以記載對姐姐嘅愛。面對如此傷痛，AGA表示音樂能於自己難過及自我沉澱時得已療癒，並稱 : 「沒有甚麼人的人生是一帆風順的，被認為是一帆風順的人可能只是因為其他人沒有察覺到他經歷過甚麼。」

因疫情學會獨處及尋回生活

音樂帶俾AGA嘅除咗成就，更帶俾AGA無論於喜與憂時都可繼續前進嘅力量。AGA提到，創作音樂嘅靈感往往來自於生活細節，而創作與生活更係密不可分。同時亦因為疫情，令AGA有長達一年半時間未能與家人相見，令本來忙於追逐夢想嘅AGA反思生活，適當時放低一下工作，俾自己休息，與屋企人嬉戲或是沖一杯咖啡享受獨處嘅時刻。AGA曾於訪問中講到 : 「最大的（包袱）是自己為了音樂這個夢想，放棄了很多享樂、很多與家人朋友相處的時間，每次回看很多相片都看不見自己，就覺得好像 miss out 了很多重要的時刻…」不過AGA亦明白到要追隨想過嘅生活就必需有所犧牲，而人生裡最大嘅目標就係尋找快樂，所以則要視乎自己從邊一個角度看，更表示 : 「你要好了解自己喜歡甚麼，不喜歡甚麼，還是你內心知怎做但你在走另一條路呢？」

明星成長 ｜ 姜濤對中學回憶感遺憾 望30歲似發哥過生活

AGA曾自認自己並唔係一個有計劃嘅人，而音樂則係一個引領自己前行嘅路燈，並稱即使寫歌都甚少於作曲前計劃好，創作時就按住腦中浮現嘅靈感將腦內嘅所見所聞寫成一首歌。而呢種隨心嘅特質亦反映於AGA生活各方面，AGA其中一首歌<Tonight>就正正係講如何享受愛情及一段關係，計劃未來本來係好事，如果過份計劃而令目的本末倒置，則有可能會傷害二人之間嘅關係，而許多時候都無需計劃得太周詳，簡單地享受現在嘅快樂便已足夠。

相關文章:

明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ 拉丁舞王子邱傲然以「下弦」自稱出席鮮浪潮頒獎禮
明星成長 ｜倪匡高峰期日寫2萬字 生前創作超過400部電影劇本

The post 明星成長 ｜AGA入行前想出國讀音樂 後拜舒文為師被環球賞識 appeared first on 新城教育+.