VIUTV新劇《I SWIM》於7月11日正式開播，節目中有多位出眾型男，除咗有MIRROR成員，其中跑出嘅型男有魏浚笙（Jeffrey），近日就有網民指Jeffrey嘅演出比另一位主角MIRROR成員EDAN更搶鏡。其實Jeffrey年僅24歲，拍此劇前憑節目《調教你男友》一炮而紅，外表散出混血王子嘅冷酷，但其實心裡也有調皮多言嘅一面，而且小時候更係一名肥仔，經過努力操練才成為而家嘅肌肉型男。

明星成長 ｜ 姜濤對中學回憶感遺憾 望30歲似發哥過生活

17歲已入行模特兒 憑《調教你男友》爆紅

Jeffrey家族擁有荷蘭及印尼血統，係一名混血兒，早於17歲時已被模特兒公司睇中被招攬拍攝廣告，期間一直以自由工作形式接JOB，更會喺YouTube分享自己嘅衣著打扮及化妝貼士。直至參與拍攝《調教你男友》引來大量支持者，人氣急升，便開始增加出鏡機會，但由於當時Jeffrey仍在求學階段，當時只有22歲，仲係一名學生，於香港公開大學修讀工商管理課程，並且因答應家人，所以決定完成大學先正式出道。

圖片來源 : IG@jeffreyngai

明星成長 ｜ 陳法拉30歲跳出舒適圈 赴美國修讀戲劇碩士課程

實行16/8飲食法患上厭食症

Jeffrey之所以擁有如此高人氣，其中一個因素絕對係來自其出眾嘅外貌，不過其實男神是需要鍊成的。Jeffrey曾於訪問中談及過去係一名肥仔，超鍾意食垃圾食物，高峰期試過達到190磅，後來因為身體問題而輕了不少，發現瘦咗上鏡更好睇，加上試過去試鏡時被取笑身形肥胖，而下定決心減肥。Jeffrey開始時實行16/8飲食法，亦努力做運動，3個月內勁減30磅，但卻坦言當時因為食量少而運動量大令身體變弱，患上厭食症，頭痛又流鼻血，需要花一至兩個月時間才回復過來，因此建議唔好亂用此方法減磅，而今次為咗拍《I SWIM》操腹肌亦需堅持持續節制飲食並且不停做GYM FIT自己。

明星成長 ｜ 朱千雪於演藝事業黃金時期 為追夢重返校園成大律師

反差性格令觀眾有驚喜
入行後對自己更高更求

雖然Jeffrey擁有一副出眾嘅外形，但表示並唔想觀眾只係見到自己呢一面，更揚言 : 「其實人哋讚我靚仔係一定開心，但有一個位會去到我無論做咗任何努力，啲人都會覺得我『得個樣』，所以我會希望啲人可以睇我耐少少，或者睇得深入少少。」更稱入行後變得更加成熟，對自己高要求咗，對工作會更加執著，而之所以因為真人騷爆紅，相信都係因為形象於觀眾前有反差，更表示 :「當我們未太了解一個人，對他第一印象先入為主，也算正常，但也正正反映了，我們每看一件事情都需要觀察耐一點，才作出定論比較好。很多事情不是表面的簡單，適用於不同方面，人也是，看一本書也是，不會第一眼便知道對方的性格。」

相信未來將個見到Jeffrey更多作品，而觀眾都會慢慢從作品中見到Jeffrey除外形之外嘅特質及付出。對於未來計劃，雖然Jeffrey現時於演藝界打拼，但Jeffrey卻表示最想做嘅係開一間咖啡店，亦稱係自己一個夢想，因為自己鍾意飲咖啡，咖啡可以去水腫，有助減輕肥胖嘅基因，而肥胖則係Jeffrey成長之中其中一樣最大阻礙，由此月見咖啡可謂Jeffrey追夢嘅好拍擋，因而結緣並叢生此夢。

相關文章:

明星成長 ｜ 岑寧兒為多位巨星唱和音出身 受盡賞識由幕後過度成正式歌手
明星成長 ｜ 衛蘭自小被安排唱歌工作 放棄英國升學成遺憾
明星成長 ｜ 李佳芯怕悶唔做Office工 成為視后前曾9個月冇工開

The post 明星成長 ｜ 魏浚笙Jeffrey試鏡被笑肥 決心減肥瘦身變型男 appeared first on 新城教育+.