關心妍（Jade）入行20年，最近於紅館舉行《關心妍Jade Kwan 約20週年演唱會》演唱會。入行至今，Jade表示經歷過許多低潮與風波，但慶幸自己喺人生早期已嚐過甜酸苦辣，如今自覺人生滿足，並擁有一個溫馨家庭，更建立咗一套育兒之道。演唱會中，更公開談及對父親嘅感受，表示從爸爸離開一事中學會原諒及珍惜眼前人。

明星成長 ｜ 欣宜克服負面評價及自我懷疑 奮鬥35年成功奪女歌手金

自小對爸爸拋棄家庭一事懷有心結
二十年後才學會寬恕卻愛得太遲

圖片來源 : kwansumyinjade@IG

Jade曾於分享中透露，爸爸喺自己6歲時便拋低家人一走了之，只剩下自己、媽媽及哥哥三人相依為命，所以從小便學會獨立，但對於爸爸離家出走一事，一直都耿耿於懷，自小便拒絕與爸爸聯絡，20年嚟都冇法放低心結。後來因為有咗信仰，於一次禱告中醒覺要寬恕爸爸，雖然內心仍很焦慮，但喺丈夫嘅陪伴及支持下決定勇敢跟爸爸修補關係，可惜當下定決心與爸爸重修舊好時，爸爸卻突然中風，數日後便離開人世。

對於此事，Jade感到後悔，認為自己愛得太遲，更借此鼓勵大家要學會寬恕，並說：「人生很短暫，我們要珍惜眼前人」

明星成長 ｜ 張繼聰因失戀愛上音樂 全憑一種心態走過人生低潮

出道一炮而紅後經歷音樂事業低谷
做義工捱過低潮並成立慈善基金

回望入行經歷，Jade曾坦言自己擁有良好家庭背景及音樂才華，初出道時非常自信，然而出道十年開咗紅館個唱後便陷入事業低潮，人氣亦並冇因個唱而繼續推高，同時亦因當時嘅經理人辭職而淪為孤兒仔，連剩下嘅一百場國內酒吧騷都失去，整整一年冇任何工作機會，每晚喺屋企喊，靠積蓄度日，亦冇錢畀家用，當其時才知覺音樂路非常難行，更有考慮轉行。

後來Jade接受朋友建議，去社區中心做義工，唱歌鼓勵迷失嘅青年及吸毒者，從中獲得唱歌嘅力能，捱過最艱難嘅時間，最終等咗兩年，終於等到林姍姍成為自己嘅新經理人，繼而認識蔡一智，再認識而家嘅丈夫。因為呢個經歷，更積極行善做義工，成立咗「妍亮生命慈善基金」讓人加深對抑鬱症嘅認識及邊緣青年嘅了解，因積極做義工服務，關心妍亦成為唯一一位同時得到「香港十大傑出青年」及「香港傑出義工」兩項殊榮嘅香港歌手。

圖片來源 : kwansumyinjade@IG

除咗事業低潮，Jade更曾有過不少風波，引起全城討論，如「拎錯獎」及「關家姐」事件。重提「關家姐」事件，Jade表示當時非常無奈，並因為信仰而令自己撐過去，後期更推出「關家姐」一曲抽自己水，獲得網民大讚。而另一件「拎錯獎」事件，Jade曾透過參與「10 years challenge」熱潮，主動挖自己瘡疤，重提當年搶獎蝦碌事，更與女女重提舊事，可見Jade已經能夠大方面對過去，並放低事件。

明星成長 ｜ 陳凱琳憑正面形象成功轉型為收入8位數KOL

重視孩子品格教育及情緒管理

Jade對於女女嘅教育，表示最重要係培養孩子品格，並說：「知識方面可以靠她自己去學習，但品格不好或情緒有問題，會直接影響她日後的學習和發展，將來教導她亦會有障礙。」更會教女女以一個更佳嘅方式以取代哭鬧及發脾氣表達想法。另外亦着重培養女女嘅獨立自主能力，更會與女女分析不同選擇嘅好壞，教會女女為自己做決定，認清自己嘅真正需要及想法，強調寧願做錯都唔好令自己後悔。

圖片來源 : kwansumyinjade@IG

另外，Jade更認為現今社會物資充裕，好多孩子由出生到成長，父母都會幫佢哋安排周全，給予最好嘅資源，甚少需要自己解決問題，欠缺抗逆力，所以佢哋一旦做錯或遇到挫敗時，就好易患上情緒病，甚至輕生。因此Jade會從教育中，令女女接受錯誤，並從錯誤中學習，成就更好人生。

相關文章:

明星成長 ｜ 李佳芯怕悶唔做Office工 成為視后前曾9個月冇工開
明星成長 ｜ 張敬軒音樂造詣從小訓練 每日花4小時練開聲
明星成長 ｜ 陳法拉30歲跳出舒適圈 赴美國修讀戲劇碩士課程

The post 明星成長 ｜ 關心妍出道由當紅新人跌至零收入 低潮時做義工重獲唱歌力量 appeared first on 新城教育+.