估唔到長洲都有咁多嘢玩！三級歷史建築嘅「長洲戲院」8月21日以全新面貌重開，佔地超過3萬8千呎，活化後嘅「長洲戲院多元文化園區」率先以嶄新面貌呈現大家眼前，多元文化園區分為4大主題空間，結合教育、旅遊及藝術三大元素，其中唔只「1931影棚」可以俾大家體驗電影拍攝嘅樂趣，仲有多個親子工作坊，俾小朋友動動手之餘，仲可以培養小朋友嘅耐性。今次就由《教育＋》親子試玩員Angle帶大家體驗一下，以後去長洲又多一樣嘢玩，唔使次次都淨係去張保仔洞同東堤啦！

The post 長洲戲院變身多元文化園區 試做演員拍戲+模擬考古發掘 appeared first on 新城教育+.