自小便已於加拿大生活嘅鍾嘉欣，當年因為選美入行，加入TVB成為女藝人，出演多部電視劇，更多次入圍最佳女主角寶座。早幾年已成為媽媽嘅鍾嘉欣，近年再誕下第三個小朋友，組織一個美滿家庭，並逐漸淡出幕前。淡出娛樂圈後，鍾嘉欣曾於訪問中坦言有意辦教育生意，原來因為鍾嘉欣大學時喺加拿大讀幼兒教育，本身更想成為一位小學教師！

加拿大大學讀幼兒教育 暑假期間參加選美入行

鍾嘉欣喺加拿大成長，小時候生活清貧，爸爸媽媽都唔只打一份工，15歲時亦因為要讀書而做收銀員儲學費，中學時就讀溫哥華譚普敦中學，後來升讀英屬哥倫比亞大學，就讀幼兒教育系並完成第二年嘅課程，立志成為一位小學教師。大學期間，趁暑假參加商場選美比賽並取得第一名，更亦於《溫哥華華裔小姐競選》奪冠，後來再抱住參加暑假活動嘅心態參加喺香港舉辦嘅《國際華裔小姐》比賽競選，被當時評判之一陳慧琳欣賞，使鍾嘉欣成為大熱人選，最終亦眾歸所望奪取冠軍。

選美完畢後，本身返回加拿大完成最後一年課程嘅鍾嘉欣，因為獲得TVB邀請簽約，而決定留於香港成為旗下女藝人，更逐漸獲得不少電視劇作品，演技亦不斷進步，並逐漸獲得觀眾認同，其中代表作為《溏心風暴》、《珠光寶氣》、《點解阿Sir係阿Sir》及《星空下的仁醫》，更多次有份角逐「最佳女主角」及「最受歡迎電視女角色」。對於鍾嘉欣嘅演藝人生，更曾獲香港科技大學邀請為演講嘉賓，與學生分享人生上嘅抉擇、轉變、及實踐理想嘅心得，是為唯一獲邀請到大學演講嘅香港電視女演員。

育兒經驗與書本提及不同 比想像中更具挑戰性

誕B後嘅鍾嘉欣漸淡出幕前，對於曾經讀過幼兒教育，對育兒總有一啲心得，最希望嘅係培育出一個快樂嘅小朋友，盡量讓孩子能夠發揮獨特嘅天賦，鼓勵佢哋探索世界，有獨特嘅見解，表示：「我希望用愛培育小朋友成長，讓他們天份盡情綻放！」。不過雖然有讀過相關課程，但實際上卻與書本上學到嘅係另一回事，鍾嘉欣表示育兒極具挑戰性，比想像中更難，但每一次嘅嘗試同體驗都令自己成長不少。

明星成長 ｜鄧佩儀入行十年終做女一 突請假返加拿大重回校園生活？

子女於加拿大愉快學習 升學以家校遠近為考慮因素

鍾嘉欣嘅大女同仔仔已經分別入讀小學同幼稚園，並稱仔仔女女喺加拿大讀書嘅學校都係較近屋企，並稱由於加拿大嘅公立幼稚園及小學都係以家校距離近為原則，比香港選校少些煩惱。另外仔仔Jared讀嘅幼兒園接近Day Care模式，返學除咗玩遊戲，唱兒歌亦會學認字。而女女Kelly就開始要寫字，但功課量少，相對輕鬆，與自己曾於加拿大讀書一樣，唔會感到有壓力。

堅持讓小朋友學習中文 為將來裝備自己

讚成愉快學習嘅鍾嘉欣，因為認為中文對小朋友重要，所以都有安排女女學校以外嘅課程，更因為喺屋企大多時候都係與英語交談，所以特意搵一名普通話老師教女女中文，希望女女可以學會多一種語言，未來可以有多一啲選擇，本來想搵教廣東話嘅老師，但因為當地較缺乏教廣東話嘅老師，所以最後選擇咗教普通話嘅老師。

明星成長 ｜《美麗戰場》陳瀅加拿大回流香港做模特兒 被星探發挖加入演藝圈

英屬哥倫比亞大學 (UBC)

UBC位於加拿大溫哥華，是加拿大不列顛哥倫比亞省歷史最悠久的大學之一，於加拿大國內大學排名第3，具有「北美最美校園」之稱。大學憑藉許多重大的研究成果、傑出的校友以及提供國際學生優渥獎學金而舉世聞名，每年吸引許多世界各地學生前來就讀。

UBC亦培養了8名諾貝爾獎得主、71名羅德學者、65名奧林匹克運動員、10名美國文理科學院和英國皇家學會院士以及208名加拿大皇家學會院士。其地理學、礦業工程、體育等相關科目亦有較優秀的表現。

除咗鄧佩儀，還有多位女藝人畢業於此校，如陳瀅、姜麗文、楊洛婷、麥美恩、張嘉兒等

2023 QS世界大學排名 ：第47位
熱門科目 ：生物科技、經濟、法律、藥劑
學費 ：每年約CAD 39,197.4　（約HKD　236,238）

相關文章
明星成長 ｜ 盤點多個TVB女神級藝人學歷 全部到過海外升學
明星成長 ｜ 張嘉兒擁多個學位 為管教女女再進修中大公共衞生碩士
明星成長 ｜麥美恩加拿大名校畢業 入行以做主持為目標

The post 明星成長 ｜ 鍾嘉欣感加拿大選校比香港煩惱少 子女能無壓力輕鬆學習 appeared first on 新城教育+.