有「國民初戀」之稱嘅姚焯菲Chantel，14歲參加TVB嘅《聲夢傳奇》並奪得亞軍，通常呢個年紀都以學業為重，但推薦Chantel參加比賽嘅人竟然係Chantel嘅爸爸姚輝文，爸爸投資公司首席CFO兼常務董事，更係美國註冊會計師，為女兒提供最良好嘅教育，Chantel現正就讀宣道國際學校，而幼小時則就讀德望小學暨幼稚園，兩所都係深受唔少星爸媽歡迎嘅學校！

被爸爸發現歌手潛質
姚焯菲承諾會完成大學學位

姚焯菲Chantel喺透過參加《聲夢傳奇》出道，參賽時演唱嘅《戀愛預告》更非常受網民歡迎，更被冠上「國民初戀」嘅稱號，最終Chantel更於比賽中奪得亞軍。不過Chantel於訪問中曾表示自己從未參加過歌唱比賽，並無接受正式歌唱訓練，但因為對唱歌有興趣，而且受爸爸大力鼓勵，便決心參賽，而爸爸更表示：「除咗讀書之外，佢可以喺出面攞番啲工作經驗，對佢人生都有好大幫助。」雖然爸爸非常開明，支持Chantel勇敢追夢，不過就要求女兒至少都要大學畢業，而Chantel亦都好懂事，亦承諾會完成大學學位，更表示最有興趣讀嘅係工商管理系，與爸爸嘅事業性質相近。

不過邊返學邊追夢確係唔容易，姚焯菲曾就讀嘅兩所學校皆為較大競爭嘅德望小學暨幼稚園及現時就讀嘅宣道國際學校。因為返學時間係早上七點至下午四點，姚焯菲上完堂之後有可能要到電視台工作或有其他工作在身，就連星期六日放假日子都可能要工作，日程安排得非常緊密，Chantel受訪問時亦直言：「會唔習慣，有時會攰。」

明星成長 ｜《聲夢傳奇2》任暟晴Jasmine奪冠 三甲全為音樂神童

就讀宣道國際學校Grade 11
陳慧琳仔仔都讀呢間?

雖然兼顧學業與夢想所需花費嘅時間力氣多，但希望Chantel可以堅持落去，本年度Chantel升讀嘅係宣道國際學校Grade 11，該校一向深受爸媽追捧，其中陳慧琳兩名仔仔、郭晉安與歐倩怡一對子女都係Chantel嘅校友，學校有「平民國際學校」之稱，宣道國際學校設有一至十二年級及國際文憑大學預科課程，小學部分為預備班、初小（一至三年級）及高小（四至六年級）三部分，中學採用加拿大亞伯達課程（Alberta Curriculum），並獲授權提供相關的文憑教育，並學為正修讀亞伯達十一至十二年級課程的學生提供大學先修課程，全年學費12.3萬起，直至第十二班收費約$195,600不等，國際文憑大學預科課程學費為$206,500。

幼小皆讀名校 — 德望小學暨幼稚園

至於只收女生嘅德望小學暨幼稚園，亦都係星二代嘅集中地，其中陳琪與胡諾言兩名女女及楊思琦嘅女女楊卓穎亦曾讀此校。德望小學暨幼稚園為傳統名校，致力推行STEM 教育，一直以嚟口碑都好好，但對學生要求相對高，其直屬德望中學更屬於Band 1A名校中學，德望幼稚園及小學屬私立學校， 中學則為直資，小學學費約一年$43,400，幼稚園畢業生約有70%升上小學部。

相關文章
明星成長 ｜ 盤點六位80/90後童星學歷+現況
明星成長 ｜李施嬅大學讀多倫多大學 回流選港姐加入TVB憑《金宵大廈》人氣急升
明星成長 ｜麥明詩會考10A放棄拔尖到英國考A-LEVEL入劍橋大學

The post 明星成長 ｜姚焯菲Chantel讀宣道國際學校 受爸爸鼓勵踏星途 appeared first on 新城教育+.