周星馳於6月22日（昨日）剛踏入60歲，唔經唔覺星爺嘅電影已經陪伴咗大家多個年頭，由小時候百看不厭嘅星仔變成現已白髮蒼蒼嘅周爺。周爺一生拍過好多部電影，由臨時演員到男配角再擔正就男主角，更開創無厘頭嘅搞笑方式，後來更成為導演拍攝《少林足球》並於同一屆金像獎奪得最佳導演、最佳男主角及最佳傑出青年導演，《少林足球》更成為當年嘅最佳電影及創下當年香港最高票房嘅電影。

明星成長 ｜ 胡子彤身兼演員加棒球運動員 將運動精神帶到演戲

整天鑽研演技為自己打氣
由兒童節目變到最佳男主角

周星馳1981年喺麗的電視擔任特約演員，於劇集《IQ成熟時》飾演壞學生，後來1982年與好友梁朝偉一同投考TVB藝員訓練班，不過當時只得好友梁朝偉成功入選，後來周星馳再報考，並經好友戚美珍介紹入讀TVB藝員訓練班夜訓班，畢業後喺TVB做過多部劇嘅臨時演員，後來更擔任過6年嘅兒童節目《430穿梭機》主持，當時有被前輩講過 : 「像你這種的，永遠不會紅」而更加激發起星爺嘅鬥志。周星馳曾於訪問中稱 : 「那時我整天鑽研演技，觀察別的演員表演，看荷里活電影，對比、思考，讀著斯坦尼斯拉夫斯基的《一個演員的自我修養》，而《喜劇之王》中的角色就是我自己的寫照。」未紅時嘅周星馳更表示每日都會為鏡中嘅自己打氣。

圖片來源 : IG@stephenchow622

圖片來源 : IG@stephenchow622

直至1986年於劇集《哥哥的女友》中擔演主角。後來更於《生命之旅》擔任配角並結識萬梓良，亦被萬梓良提攜。後來更有機會參演李修賢監製嘅電影《霹靂先鋒》，更憑該演出獲得第25屆金馬獎最佳男配角，自此便得到愈來愈多嘅拍攝機會。直至現在，星爺電視劇代表作《蓋世豪俠》更係香港人非常熟悉嘅經典劇集，後來再拍出另一套經典台慶劇《他來自江湖》，周星馳憑着無厘頭嘅搞笑演出彈出，亦因此劇與吳孟達變成往後合作無間嘅電影拍擋。

期後星爺成為多部喜劇電影嘅男主角，其代表作如《西遊記》系列、《審死官》、《逃學威龍》系列都成為家傳戶曉，甚至楊威國際嘅電影。2004年，更執導拍下電影《功夫》，獲得香港票房61,278,697港元，突破《少林足球》創下當年之香港華語片票房紀錄。

明星成長 ｜ 林嘉欣十多歲便從台灣獨自到港發展 誕女後曾有抑鬱傾向

對小人物故事特別有感
為工作而錯過不少愛情成遺憾

圖片來源 : IG@stephenchow622

現已退居幕後嘅周星馳，前幾年曾拍下《新喜劇之王》，他曾於訪問中表示自己對於小人物奮鬥嘅故事非常感觸，因為自己都曾經係一個小人物，所以見到小人物奮鬥到夢想成真，會覺得非常高興，並表示 : 「就是這些人生中的甜酸苦辣都經過過，所以我覺得這種人物，也特別地有感覺。」「很多時候我都覺得我自己做的不是很好，就覺得自己有不足，所以這個其實準確地來說不是過不過氣的問題，就是有時候你總會做，反正你是能知道做得再好一點的。」星爺坦言明白每一個等待機會嘅創作人感受，因為當年自己都曾經係一個默默努力裝備自己，靜待機會嚟到嘅小人物。但過咗咁多年，對於周星馳被問及其對婚姻及曾因為工作而錯過不少愛情成遺憾嘅感受時，周星馳曾說 : 「我就是運氣不好，假如我可以再重來的話，我就不要那麽忙了。」

相關文章:

明星成長 ｜ 鍾雪瑩曾身兼多個創作身份 裸辭為提升自我修養成專業演員
明星成長 ｜ 王丹妮由國際模特兒走到演員
明星成長 ｜ 林家棟早已認定演員之路 拒絕承繼父親衣鉢

The post 明星成長 ｜ 周星馳由兒童節目主持做起 奮鬥多年成為香港喜劇之王 appeared first on 新城教育+.

香港樂隊其實一直在默默耕耘，其中一地獨立音樂樂隊ToNick更由2007年透過TVB所舉辦嘅《UMC音樂節》，獲得總冠軍及最佳創意獎而出道，2017年憑《長相廝守》一曲打入香港主流樂壇，ToNick樂隊成立至今已十幾年，其中支柱之一主唱趙善恆　（恆仔）除咗為樂隊音樂出力，亦常為MV製作親自操刀，樣樣都如何親力親為，全因恆仔過往對歌影視嘅不斷進修及熱愛。個人層面更有參與電影製作，近年執導電影《一秒拳王》亦大受歡迎。

明星成長 ｜林奕匡加拿大留學靠一招學中文

到理力豐富履歷 再報演藝成功被取錄

恆仔曾於訪問中提及，中五時覺得課程好沉悶，唔鍾意留喺學校，喺芸芸課程中，認為創作最好玩，因而報讀演藝學院，但因當時履歷不足而不被取錄，於是便去理工讀一年書彌補不足，期間加入音樂學會，組樂隊、參與話劇及演戲等活動。然後再憑此一年間嘅履歷，報讀演藝學院電影電視，最終成功獲得取錄。

圖片來源 : IG@hangjai

恆仔更提及於演藝學院讀書期間，因為院校多，所以不斷學習唔同範疇嘅專業，如導演、編劇、攝影、燈光，通通都有讀，因為鍾意電影加音樂，亦有學混音，為自己樂隊ToNick往後嘅音樂製作鋪路，同時亦學會與其他人合作完成項目。

畢業後恆仔第一份工就係做編劇，喺電影圈打滾咗三年，最終都要等足十年，先有機會擔任第一部個人電影《救殭清道夫》嘅導演，更表示其實《救殭清道夫》嘅構思，早已於讀書時期存在，但可惜當時無人欣賞，十年後終獲投資者賞識已拍成電影。不過恆仔喺呢十年間，雖然暫時未能夠將自己嘅電影放上大銀幕，但期間仍努力拍網片，拍MV，學習拍攝技巧及累積影片製作經驗。

明星成長 ｜ 林日曦輟學兩大得益 由廢青變上市公司董事

先愛上電影 再愛上音樂

圖片來源 : IG@hangjai

恆仔嘅電影及音樂夢，其實源自於一部電影《回到未來》，當中最尾一場戲，角色自在地彈結他，激起恆仔想親身感受嘅欲望，便有咗之後嘅方向。恆仔對音樂及電影嘅熱誠，印證於佢嘅履歷當中，當每一次受到拒絕或挫折，都依然堅持目標，搵方法克服不足之處，這便是夢想實現嘅關鍵之處。

明星成長 ｜ 林欣彤畢業前為夢想一搏 成名後憑一個座右銘走過低潮

相關文章:

明星成長 ｜ 梁釗峰憑一首作品讓父母接納星途
明星成長 ｜ 林家謙大專比賽時被一位歌手賞識 從此開啟音樂之路
明星成長 ｜ 欣宜克服負面評價及自我懷疑 奮鬥35年成功奪女歌手金
明星成長 ｜ 曾江倒斃酒店房間享年87歲 高學歷曾為留美建築系學生

The post 明星成長 ｜ ToNick恆仔讀書時已萌生首部電影概念 理工進修再入演藝 appeared first on 新城教育+.