首度擔演TVB電視劇《下流上車族》男主角嘅林敏驄，屬鬼才一名，憑着生鬼創意十足嘅文字功架及底蘊，為不少樂壇巨星創作出多首炙之人口嘅歌詞，為1980年代著名填詞人，除咗音樂界，更活躍於演藝事業，更係一名笑匠。當年畢業於名校聖保羅男女中學，而兩名兒子亦同樣畢業於此校，亦擁有不下於父親嘅才智，先後入讀香港大學，大仔林肯更憑超卓學術成績入讀港大神科IBGM （International Business and Global Management），不難相信兒子嘅聰慧唔多唔少係承繼咗爸爸嘅基因！

就讀一條龍名校聖保羅男女中學 自小愛文字創作

林敏驄小學讀聖保羅男女中學附屬小學，中學亦升上名校聖保羅男女中學，媽媽為聖保羅男女中學音樂老師，而爸爸亦都係小學教師，於書香環境下成長。不過雖然就讀名校，但林敏驄曾於訪問中坦言自己讀書成績一般，能成功入讀此校全靠媽媽，雖然小學頭幾年成績排名出眾但後來慢慢退步到包尾幾名，亦因為經常溜出踢波而被老師罰企、留堂及召見家長。不過天生機靈嘅林敏驄，學習能力強，領悟能力高，而且承繼咗媽媽同爸爸嘅音樂及文字才華，自小對創作歌詞甚感興趣，一次留堂所寫嘅作文被老師貼堂而發現自己嘅文字創作能力，且於老師鼓勵之下多睇新詩，如鄭愁予及余光中嘅作品，啟發靈感及創作興趣。

入行填詞人出道作已成名 其後轉型向演藝界發展

而剛巧林敏驄家姐林敏怡更係一位作曲人及唱片監製，當家姐知道林敏驄愛填詞，便為其尋找創作嘅機會，於是便一齊合作推出泰迪羅賓演唱嘅《這是愛》，出道作品成為音樂榜冠軍，因而好快便受到唱片公司嘅青睞，邀請簽約成為全職填詞人，自此便正式入行，開展咗填詞人之路，更為多位1980至1990年代嘅樂壇天王天后創作多首作品，其中經典代表作為張國榮嘅《無心睡眠》及譚詠麟嘅《愛在深秋》！

除咗濃情密意及富有文學氣息嘅填詞作品，林敏驄更擅於二次創作，其中由《酒杯敲鋼琴》改編成《酒杯敲你個頭》亦都係經典作品之一。不過後來因為覺得歌詞發展已到盡頭，便轉向其他方面發展，於是林敏驄便開始活躍於主持及電影拍攝，近來更拍攝TVB電視劇《下流上車族》，首度成為電視劇男主角，作品一出，便引來唔少觀眾大讚，更估計林敏驄為本年度視帝熱門人選之一。

明星成長 ｜ 邱士縉Stanley自小愛演戲曾參選香港先生 初期負評不斷曾自我懷疑

兩兒子入讀香港大學 大仔為IBGM畢業生

家庭方面，林敏驄嘅兩名兒子林肯及林善亦承繼咗爸爸嘅天資，先後分別入讀港大，而兩個兒子同爸爸一樣都係就讀聖保羅男女中學附屬小學。而大仔林肯智商更高達130，中學時已考獲鋼琴八級演奏級，DSE考獲全科5*或以上，憑超強成績入讀香港大學神科IBGM，而IBGM畢業生畢業後就職率更高達95%，除咗讀書叻之外，兒子林肯更會夾Band唱歌，對音樂亦有興趣及天份，三父子都具有豐富學歷！

聖保羅男女中學附屬小學

學校為聖保羅男女中學的附屬小學，隸屬聖公會。學校培養學生在德、智、體、群、美、靈六育方面均衡的發展，提供多元化的優質教育，並致力培育學生為未來的領導人才，教導他們終身追求卓越及具備國際視野。地址：香港島中西區中環中半山麥當勞道33號

學校類型：直資學校、男女校、一條龍學校
學費： $64,300 / 一年

聖保羅男女中學

秉承基督教「信、望、愛」的精神，培育學生成為未來的領導人才。教導他們追求卓越，建立崇高的品德及奉公忘私的精神，熱衷學習、終身不懈，具備國際視野。根據公開試成績估算屬 Band 1A學校，全港排名第一、DSE成績考到第 5 級或以上成績比率超過7成，考獲本地學士課程最低入學要求 (3322+2) 更超過9成5！

學校類型：直資學校、男女校、英文學校
學費： $64,500 / 一年

相關文章
明星成長 ｜《野人老師》談善言讀書好宅？湯怡係佢師姐
明星成長 ｜ Anson Lo DSE考獲23分 讀城大BBA為追夢退學做舞蹈者
明星成長 ｜ 盤點多個TVB女神級藝人學歷 全部到過海外升學

The post 明星成長 ｜《下流上車族》林敏驄三父子聖保羅男女中學畢業 大仔承繼父親音樂才華 appeared first on 新城教育+.