最近上映嘅香港電影《緣路山旮旯》得到唔少網民大讚，而男主角岑珈其除咗拍過多部電影及電視劇集，更係極受網民歡迎嘅YouTube頻道《試當真》成員之一。岑珈其自小立志成為演員，為咗實現夢想，打過多份散工。近年憑《IT狗》中飾演吹水大學講師Kenneth一角彈出，捱足咁多年，現更終於成為電影男主角，背後全靠對演戲嘅一團火及主動捉緊每一個演出機會！

小學立志做演員 16歲時參演香港電影

岑珈其就讀新會商會中學，因為成績唔理想而被迫轉校，後來先報讀職業訓練局課程，再報讀私立中學完成中五及應考香港中學會考。但岑珈其其實由小學開始已將演員當成自己嘅夢想，更曾於《我的志願》中填上「演員」，因認為當演員可以扮演唔同職業及經歷不同角色嘅人生，感到非常有趣，曾於訪問中表示：「我最初想做演員的初衷，就是想試不同的東西，感受不同的人生。」

圖片來源 : IG@kakisham

雖然岑珈其看似讀書成績一般，但其實在學時期嘅岑珈其經已為往後演員之路奠下基礎，16歲時已喺導演麥曦不斷Sell自己，最終獲得電影演出機會，有份參演香港電影《烈日當空》，演過戲後更加認定自己嘅目標同興趣。雖然中學生時已登上過大銀幕，但完成《烈日當空》拍攝後兩年，卻只接獲少量嘅戲劇工作，距離全職演員仍有一大段距離。考完會考後，岑珈其並冇再升學，反而做過各類職業，如售貨員、司機、跟車及保險等，打工同時繼續追夢，不斷參與試鏡，由社區會堂及幼稚園表演做起。

明星成長 ｜ 加拿大為港姐留學熱門地

不斷裝備自己 學習多項技能
因有棍波車牌被選中為男主角

打過多份工後，岑珈其更覺得自己最想做嘅依然係演戲，為咗捉緊機會，便開始不斷搲工作機會，為每一個機會爭取到底，即使當時搲撈已成為岑珈其嘅標籤，但岑珈其不理別人眼光，堅持主動爭取每一個演出機會 ，曾說 :「如果我不盡最大努力，我沒資格講，我有多愛演戲。」後來岑珈其為咗獲得《點五步》演出機會，除咗鍥而不捨追問《點五步》陳志發導演查詢空缺角色，更陪試鏡成功嘅好友林耀聲一齊練棒球，最後成功打動到導演，被安排飾演「陳強」一角。岑珈其冇放過任何曝光嘅機會，不論係電影、電視劇、網絡影片、電台或綜藝節目。

岑珈其深明要把握每個機會，就要先裝備自己，一直以來岑珈其都學習不同技能以增值自己，上年岑珈其就因為考咗棍波車牌，而被《緣路山旮旯》導演黃浩然選中成為男主角，因為角色需要此技能而其他適合嘅演員大多都只得自動波車牌，機會便隨之然落咗喺岑珈其手上。

除咗《緣路山旮旯》男主角，其實近年岑珈其都非常活躍於演藝界，除咗喺人氣網絡頻道《試當真》擔演幕前，更有份參演VIUTV多套劇集如《IT狗》、《940920》及《歎息橋》，另更有演出VIUTV綜藝節目《膠戰》。捱足多年，憑住對演戲嘅熱情及積極向上嘅上進心，最終成為入屋嘅男演員！

明星成長 ｜ 余香凝自小想做空姐 後為演戲讀心理學

新會商會中學

新會商會中學（San Wui Commercial Society Secondary School）是位於屯門區的一間資助中學，學校面積約 6000平方米，屬於男女校，該校辦學宗旨是學校著重學生德、智、體、群、美五育均衡發展，培育學生高尚人格，建立正確人生觀；使其成為熱愛生命，對家庭、社會及國家有承擔和貢獻的良好公民。

相關文章:

明星成長 ｜ 薛凱琪患抑鬱企圖自殺幸獲圈中好友解救 養貓令自己變得堅強
明星成長 ｜ 周星馳由兒童節目主持做起 奮鬥多年成為香港喜劇之王
明星成長 ｜ 鄭中基「暴龍哥」走到「暖男爸爸」進化史

The post 明星成長 ｜ 岑珈其入行前打過十多份散工 為爭取機會不介意搲撈 appeared first on 新城教育+.