小朋友電力十足，彈床城堡最啱佢哋放電。來自新加坡嘅Bouncetopia by Kiztopia喺香港開首間海外分店，有13個站點，親子試玩員豬仔包同媽媽率先試玩，形容充氣彈床城堡「長到見唔到盡頭」，絕對係放電之選。

The post 巨型彈床遊樂場登陸啟德 障礙遊戲/激流漂流/滑滑探險船 appeared first on 新城教育+.

Sanrio 人氣角色My Melody深受女孩子們歡迎，My Melody和朋友仔來到荃灣西以大自然為主題的室內叢林親子樂園，與大家開始魔法森林探險之旅！粉絲們不要錯過4大打卡位和3個親子遊戲！

The post 3大親子互動遊戲 My Melody登陸荃灣playhouse appeared first on 新城教育+.

太空館、科學館、藝術館等等大家應該都經常會去，但其實有啲展覽館人流唔多，免費而且又適合小朋友玩架。媽媽想介紹嘅就係響中環嘅展城館City Gallery，室內室外都有唔同互動裝置，大人小朋友都岩玩，係親子嘅好去處。

打卡

戶外展區「大未來歷棋」有唔同嘅打卡展品，包括行李箱、壽司桌、航天走廊、飛機、港珠澳大橋等等。豬仔包係咁走嚟走去，爬上爬落，媽媽想同佢打個卡都唔容易

展覽

展城館樓展廳「創建香港新未來」展區，展示香港的「三大發展方向」，最吸睛係個大型「L」形的LED屏幕，介紹40多個規劃及基建相關項目。豬仔包不斷走，地上就會有亮點，行到地圖上亮點位置，LED 屏幕就會展示相關嘅短片，相當特別。

遊戲

1.戶外嘅「大未來歷棋」棋盤響起點有QR Code可以掃描開始遊戲 ，依照指示擲骰答題目，完成後仲可以換領小禮物添

2. 響3樓嘅「建島未來」展區設有互動遊戲，小朋友可以化身小小規劃師，設計同規劃心目中理想城市。豬仔包起咗超多體育館同公園，務求打造純玩社區，完成規劃就會見到啲建設快速咁起好，仲可以自己㨂架車，睇佢響自己設計嘅社區度遊走，非常好玩又有滿足感

3. 響1樓「下一個世紀的香港」有木粒積木可以比小朋友自由拼砌，豬仔包越砌越高，砌足十層先肯停手。此外，牆上面有好多用LEGO砌成嘅大型節慶活動畫作，搶包山，舞火龍等等。真係估唔到展城館都會見到LEGO，不過就唔夠木粒積木咁吸引豬仔包

4. 十週年尋寶遊戲，響接待處攞集印紙，響展城館揾齊10個蓋印，又可以去接待處換小禮物，仲可以攞本「不一樣的展城館」繪本番屋企同小朋友慢慢睇

我哋由黃昏玩到夜晚，戶外嘅「大未來歷棋」棋盤會有夜間燈光，日間同夜間都可以打卡，完全不同感覺

《「繼往創未來」規劃與基建展覽》

展覽日期: 2022年7月6日至11月30日

開放時間: 星期一至四: 10:00 – 18:00；星期五、六、日及公眾假期: 10:00 – 19:00 *逢星期二休館（公眾假期除外）

地址: 香港中環愛丁堡廣場3號 （近大會堂低座）

户外展區「大未來歷棋」每日延長開放時間至21:30

資料內容及相片獲 豬仔包の開心日常 專頁授權轉載

更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告

The post 週末好去處 ｜中環展城館適合一家大小歡度週末 一站式滿足打卡/展覽/遊戲 appeared first on 新城教育+.

新城巿廣場全新打造佔地兩層共60,000平方呎嘅「Play Park」，除咗之前介紹嘅兒童室內遊樂場kiztopia同藝術教室Artco Sumo之外，仲有密室逃脫LOST、科學實驗Little Scientists、簇絨手工織品09144m、跆拳道 YDaekwondo、音樂體驗柏斯音樂等等，絕對是一站式綜合親子娛樂體驗區。

今次媽媽想介紹嘅係亞洲首家結合互動主題式體驗、靈感探索、沉浸式學習及零售嘅一站式兒童主題體驗館Yum Me Play旗艦店。

Yum Me Play 基本資料

佔地 6,700 平方尺，設有五大專區，包括:

1. 主題式體驗館 （Experience Zone)

2. 玩·樂·學 （Learn & Play)

3. 創建工房 （Design & Build)

4. 創意表達 （Express Yourself)

5. 靈感啟發 （Get Inspired)

賽車主題吸引小朋友

最吸引豬仔包嘅係主題式體驗館，因為今期主題係賽車。體驗館設10大互動專區，結合STEAM學習元素，令小朋友深入了解賽車發展、比賽、機械等知識。

其中一部分係用金屬積木DIY自己專屬嘅賽車，完成可以在跑道試車，亦可以同其他人對賽，鍾意砌積木嘅豬仔包真係砌得好認真，話除咗速度要快之外，仲要靚先得。

至於編程項目、賽車發展同揸賽車遊戲等項目，媽媽覺得適合年齡比較大嘅小朋友參加。年紀小嘅小朋友就可以玩扭扭螺絲砌車車項目。

睇完賽車主題體驗館之後，我哋去到創意表達區域，參加咗手工皂工作坊。原來整手工皂程序並不複雜，除咗加熱肥皂要媽媽幫手之外，整個過程豬仔包都可以自己完成，完成後就變成獨一無二嘅手工皂，非常有滿足感，豬仔包一番屋企，即刻話要用嚟沖涼添。

唯一係整嘅過程，每一個步驟都要等待乾透先可以去下一個步驟，小朋友就未必咁有耐性

所以響等待期間，媽媽同豬仔包去咗靈感啟發區域，裡面嘅感官圖書館，精選世界各地的多重感官及益智書籍，小朋友可透過充滿趣味的讀物中獲得靈感和感官發展，同一般圖書館好唔同。

另一邊嘅創建工房有動物氣球工作坊同動物頭套工作坊等，是坊間比較少見的。

Yum Me Play提供嘅沉浸式學習體驗，真係不同年齡小朋友都總有活動或工作坊適合玩，活動仲可以激發小朋友創意同好奇心添。

唯一係價錢略貴，要玩哂，真係要多多消費券先得，而家新張期內於Klook預購體驗活動，可享獨家優惠。

Yum Me Play

地址 : 沙田新城市廣場一期 Play Park LB07

資料內容及相片獲 豬仔包の開心日常 專頁授權轉載

更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告

The post 週末好去處 ｜Yum Me Play兒童主題體驗館 沉浸式學習 結合STEAM元素學機械 appeared first on 新城教育+.

繼續為大家介紹兒童室內遊樂場！今次介紹係全新嘅深水埗體育館兒童遊戲室，第一日開，媽媽就帶住豬仔包嚟探路，排隊人數唔少，目測要等至少1至2節時間先可以入去，但都聽聞下午嚟要等3節。到底值唔值得等？ 一於等 豬仔包媽媽 同大家走一轉，分享下親身體驗！

碼頭主題遊樂場

呢個兒童遊戲室以碼頭做主題，地方非常闊落，每節42人，完全唔會迫。

裡面有兩艘船，一艘係漁船，另一艘係小船。兩艘船都有船舵，可以揸船做小船長，轉動船舵仲有船長講嘢添，但媽媽真係聽唔到佢講咩

滑梯設不同刺激程度

全場滑梯有成4條咁多，BB版、正常版、旋轉版同刺激版，總有一條岩玩，小朋友點會唔鍾意丫

雖然有4條滑梯，但豬仔包完全係主攻刺激版嘅滑梯，係一個大彎型嘅滑梯，相當特別又刺激，連大人都玩埋一份

除咗滑梯，最吸引豬仔包就係轉動會播兒歌嘅裝置，碼頭同小船上面都有，完全唔駛爭，仲比豬仔包發個喇叭喺船底，轉到冇停手

顧及不同年紀孩童

年紀幼小嘅BB，呢個遊戲室都照顧到，部份牆上玩樂裝置係設置喺「碼頭」兩旁，有小梯級可以爬，又可以靜靜自己擁有一個小天地，唔駛驚大哥哥大姐姐撞到

媽媽仲留意到，平時嘅動物軟墊都比較厚，但呢個有隻薄薄嘅籃色鱷魚，媽媽覺得非常適合小小B玩

週末好去處 ｜沙田佔地1萬2呎室內遊樂場Kiztopia 設15大遊樂體驗區＋4米巨型滑梯

呢個兒童遊戲室，媽媽覺得非常非常高質，設施新穎又闊落，仲照顧不同年紀小朋友需要，最重要係免費，難怪等咁耐都繼續大排長龍。

唯一係要留意，旋轉版滑梯速度快，出口部分好多時都有小朋友路過或搬積木，媽媽當日見到好多小朋友響呢個位置撞親，玩嘅時候真係要份外小心!

45分鐘飛咁快就過去咗，豬仔包完全唔捨得走，希望遲啲冇咁多人，可以再玩過! 

深水埗體育館兒童遊戲室

開放時間：9am-7:45pm
地址 : 九龍深水埗深旺道38號深水埗康樂文化大樓2樓
每節人數：42人
保養日: 每月第二及第四個星期一、時間: 早上9時至下午3時
查詢電話 : 2360 2276

資料內容及相片獲 豬仔包の開心日常 專頁授權轉載

更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告

The post 週末好去處 ｜深水埗體育館兒童遊戲室試玩報告 貼心設計照顧不同年齡兒童 appeared first on 新城教育+.

沙田全新Play Park正式開幕，由新加坡進駐嘅大型室內遊樂場Kiztopia有得玩啦！今次邀請咗「親子試玩員」豬仔包同豬仔包媽媽率先體驗一番！場內有4米高刺激長滑梯、8大職業體驗區及600呎彈跳城堡等遊玩設施，充滿刺激感之餘，仲可以考驗孩子嘅膽量同手腳訓練！！事不疑遲，立即睇下Play Park有咩玩！

Mojo Zone超巨型攀爬區 (適合4-12歲)

全場最矚目且具挑戰性的「超巨型攀爬區」係香港規模數一數二嘅兒童攀爬設備，區內設有3大焦點地帶！

Mojo Zone魔力歷奇地帶

場內設置咗8條、高達兩層樓高嘅長滑梯測試大家膽量！有助小朋友大肌肉發展，訓練孩子控制力、協調力和平衡力。

Ninja Warrior忍者訓練地帶

化身忍者勇闖多項極具挑戰性嘅障礙遊戲，如流星錘、懸索橋、垂直滾輪、十字轉門和蕩木鞦韆等，除咗可改善身體嘅活動能力，更可學習透過邏輯思維及毅力跨越障礙，訓練兒童獨立性！

週末好去處 ｜沙田佔地1萬2呎室內遊樂場Kiztopia 設15大遊樂體驗區＋4米巨型滑梯

Mark’s Trampoline活力彈跳地帶

跳彈床可以挑戰身體靈敏度及空間感，增強肌力及改善姿態，同時有助訓練策略思維及快速決策能力！

親子試玩員玩後感

最吸引豬仔包嘅必定係「魔力歷奇地帶」及「忍者訓練地帶」。8條長長嘅滑梯非常有速度，刺激度十足！

超巨型攀爬區裡面多項具挑戰性嘅障礙遊戲，當中嘅「繩索橋 」連媽媽都行到差啲跌低…估唔到豬仔包平衡力仲好過媽媽，行哂全部都冇問題，媽媽要努力啲先得！

原創角色職業體驗

Mark’s Block 創意積木工程

用積木做個小小發明家，提升手眼協調能力，同時激發想像力及創造力！

Happy’s Studio 衣帽化妝間

小朋友喺呢度可以探索最美自我，建立自信心！

Eli’s Station汽車維修工場

小朋友可以試下工程設計，增進溝通能力及協作技巧

Bell’s Cuisine 美食廚房

小朋友可以喺呢度認識常見嘅食材同烹調方法，學習聆聽指示和溝通合作，發揮無限創意！

Raby’s Mart 超市購物體驗

小朋友可以喺扮演遊戲中學做最佳店員及顧客，增強社交技巧和語言能力，學習日常生活用品分類，掌握基本計算概念。

Honey’s Sandpit 木粒玩樂池

小朋友可發揮想像同創意，用木粒堆出獨一無二嘅城堡，鍛鍊孩子視覺記憶及認知能力，發展小肌肉嘅控制及協調能力，同時增強社交和合作技巧！

親子試過員玩後感

放咗一輪電，我哋就去咗主題職業體驗區，一嚐做「超市店員」、「廚房廚師」、「積木工程師」同「汽車維修員」嘅滋味，豬仔包都玩得好投入！

唯獨「衣帽化妝間 」全部都係公主裙，冇辦法變裝…但豬仔包對枱上嘅化妝品仍然充滿好奇，媽媽覺得化妝品非常真實，如果係女孩子應該會扮靚靚扮到唔捨得走！

週末好去處 ｜環保概念之旅免費遊 4D電影+玩AR/VR遊戲+導覽

體力、腦力大考驗

Drago’s Castle彈跳城堡

佔地超過600呎嘅彈跳城堡，勇敢迎向各種水果障礙，學習有技巧地使用身體不同部位嘅肌肉，展示驚人嘅控制協調能力！

親子試過員玩後感

靜態體驗完，又轉返動態體驗，跳彈床同彈跳城堡都非常放電，媽媽都忍唔住跳埋一份，同豬仔包一齊斷電！

冇電嘅時候，可以去「BELL’S CAFE」食少少嘢充吓電，CAFE提供小食、雪糕同飲料，仲有座位添，岩哂需要抖抖嘅我哋！媽媽最欣賞係每個區域都有海報介紹「學習目標 」，不愧係得奬嘅兒童室內遊樂場！

地點：沙田新城市廣場一期LB08-09, PLAY PARK
交通：港鐵沙田站A3出口，步行約5分鐘
營業時間：10:00 – 22:00
查詢電話：2891 2037 / 6675 4384（WhatsApp )
購票方法：Kiztopia香港官網和Klook網上平台
香港官網：https://bit.ly/kiztopiahk

資料內容及相片獲 豬仔包の開心日常 專頁授權轉載

更多相關文章
週末好去處 ｜屯門室內遊樂場「百田樂園」新店玩後報告
週末好去處 ｜新界九龍區四大兒童室內遊樂場玩後報告
週末好去處 ｜荃灣全新3萬呎兒童遊樂場 巨型滑梯/鞦韆/繩網/平衡橋

The post 週末好去處 ｜全新沙田Play Park試玩體驗 玩轉Kiztopia多款刺激遊樂設施 appeared first on 新城教育+.

豬仔包媽媽 繼續為大家介紹親子好去處，今次介紹嘅地方甚具教育意義，係可以學習環保概念嘅「可持續資源館S Gallery」，費用全免，館內有多個展區，除咗有多個互動裝置，AR變裝遊戲，最重要係玩樂之餘仲可以學習到環保知識，一於跟豬仔包媽媽行一轉！

媽媽自從認識裸買之後，對環保嘅嘢留意多咗，帶豬仔包去綠在區區學習廢物分類回收、去粒粒皆辛館學習將廚餘再生，珍惜食物、去O·Park了解如何轉廢為能等等。

今次媽媽帶豬仔包去了可持續資源館 S Gallery學習一下如何減少資源浪費，保護環境。 可持續資源館 S Gallery以太空母艦作為背景，小朋友可化身小太空人，跟隨領航員 水熊爺爺 完成訓練任務，學習可持續的概念及解決地球污染問題。

展館分為四個部份，分別係穿梭時空 、 探索資源 、 耕出未來 及 可持續生活 。

穿梭時空區域

首先我哋去到 穿梭時空 區域，豬仔包同媽媽一齊化身太空人，登上太空母艦，戴上眼鏡，由職員介紹咗 水熊爺爺 畀我哋認識，跟著我哋就預備升空啦！呢個時候風同煙都噴出嚟，加上張櫈仲要震，豬仔包緊張到捉實媽媽同水熊爺爺公仔，真係好似火箭要升空咁！

週末好去處 ｜新界九龍區四大兒童室內遊樂場玩後報告

探索資源區域

睇完4D電影，認識咗綠色生活同埋學習可持續發展嘅重要性之後，職員派咗每人一部手提電話，我哋就進入 探索資源 區域啦。小朋友可以攞住手機，掃描牆上面圖案，就會見到好多瀕危物種嘅海洋同陸地生物，豬仔包同小朋友們都玩得好投入，務求集合哂所有生物

另一邊亦有一些標本，導賞員介紹人類用咗好多動物牙齒和動物皮膚去製作飾物同手袋等製品，這些都只為了美觀，但並不是必須的，豬仔包見到老虎皮標本，仲記得之前媽媽帶佢去過 瀕危物種資源中心 都見過，話要再去多次探老虎，玩完小遊戲後，我哋就進入下一個區域耕出未來 ，呢個區域以農場做背景，豬仔包已急不及待第一個跑咗入去

週末好去處 ｜沙田佔地1萬2呎室內遊樂場Kiztopia 設15大遊樂體驗區＋4米巨型滑梯

耕出未來區域

入到去，小朋友可以再次攞起手機掃描牆上昆蟲圖案，會見到昆蟲會立體呈現出來，如果不成功，就代表該昆蟲係保護唔到泥土架啦！另外，展區亦有好多互動裝置，豬仔包可以透過小遊戲，認識有機耕種。原來不同季節要種植不同種類農作物，先可以平衡到泥土嘅養分，成為健康嘅泥土

呢個區域其實對豬仔包嚟講都幾深奧，連媽媽都要消化吓內容，不過互動遊戲畀小朋友按下見到答案錯，慢慢就會知點先係正確。

可持續生活展區

最後嚟到 可持續生活 展區，大大個真實超級市場非常吸引豬仔包，道具非常像真，小朋友又可以攞起手機將有機嘅食品同用品選購，揀得岩可以食得健康之餘，仲可以減少環境污染。

另外，亦有一個AR變裝遊戲，教小朋友分辨哪些是有機物料。最震撼嘅就係導賞員話比我哋知，如果我哋再繼續浪費資源同污染環境，地球響不久嘅將來會冇哂糧食，人類就要靠食藥或者打針嚟維持生命

完成整個旅程，所有人就返回太空母艦，每個小朋友都可以選一份小禮物先離開，非常開心。媽媽覺得小學生會比較適合參觀，因為可以好好咁接收資訊，不過場內有很多AR同VR嘅互動遊戲，年紀細嘅小朋友都可以樂在其中！今次最大得著係，每次媽媽見到豬仔包浪費，就會提醒佢，係咪想第時乜都冇得食，只能食藥打針，佢就會即刻變乖，不再浪費！

可持續資源館 Sustainability Gallery
地址：香港浸會大學陳瑞槐夫人胡尹桂女士持續教育大樓 (SCE) 12 樓
開放時間：星期二至星期日 10:00 – 17:30 （逢星期一休息）
查詢電話： 3411 7164
交通：可於九龍塘港鐵站 D 出口乘 25M 專線小巴，在「浸會大學宿舍」下車後進入校園並轉右往孫中山銅像方向行走)
費用：全免
預約參觀：https://s-gallery.hkbu.edu.hk/zh/booking/

資料內容及相片獲 豬仔包の開心日常 專頁授權轉載

更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜屯門室內遊樂場「百田樂園」新店玩後報告

The post 週末好去處 ｜環保概念之旅免費遊 4D電影+玩AR/VR遊戲+導覽 appeared first on 新城教育+.

9月不僅是開學月，而且是一站式兒童娛樂體驗區Play Park 開幕的大日子。佔地2層共6萬平方呎場內包括有: 新加城獲獎兒童室內遊樂場Kiztopia全港首間體驗店、兒童體驗平台Yum Me Play 全港首家實體店、歡樂天地嶄新太空主題，果真未出發、先興奮!

Kiztopia 由新加坡抵港

新加坡過江龍「Kiztopia」開設的佔地12,000平方呎、設15個主題體驗區的首間海外旗艦店，這個寓教育於娛樂的主題樂園將為孩子們提供獨特的「遊樂、飲食及親子玩樂」新體驗；

Yum Me Play 首間實體店

設有感官圖書館、靈感創意專區等，更備有主題式體驗館及工作坊，更獨家引入VirCube 沉浸式VR系統，以VR虛擬實境和MR混合實境應用，透過互動的3D立體情景，為小朋友提供數百個XR探究式體驗。

週末好去處 ｜沙田佔地1萬2呎室內遊樂場Kiztopia 設15大遊樂體驗區＋4米巨型滑梯

歡樂戰隊

「歡樂天地」將打造佔地9,000平方呎、以嶄新太空主題「歡樂戰隊」為設計概念的遊樂天堂，引入多個大人小孩也喜歡的新穎誤樂設施， 更首度引入虛擬實境體驗「機動遊戲」，配合動感視覺效果、虛擬實境眼鏡等等， 以超擬真體驗震撼你的感官，為經典主題遊樂場注入革新元素，預計於今年第四季開幕。

相信不論家長或小朋友，也想率先體驗新遊戲，現時商場與網上購票平台正推出早鳥優惠，大家可以立即購買，先玩為快!

購票連結

更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告

The post 週末好去處 ｜6萬呎娛樂體驗區開幕 本地薑過江龍品牌齊集沙田 appeared first on 新城教育+.

繼續為大家介紹兒童室內遊樂場！今次會介紹嘅係位於屯門區嘅「百田遊園」，場地超大，住喺新界西北部嘅爸爸媽媽一於帶埋小朋友放假去玩過夠盤！想知場地上有咩設施玩，抵唔抵玩 ? 一於等 豬仔包媽媽 同大家走一轉，分享下親身體驗！

百田遊園其實係媽媽非常喜愛嘅室內遊樂場，而屯門店更係媽媽首選推介，遠征也在所不惜，因為真係好玩兼抵玩，仲要員工服務態度非常好，上一次去係百田遊園地面層嘅舊店，今次去嘅係商場3樓嘅新店，所以對豬仔包嚟講，同未玩過冇乜分別，今次仲有同學仔同行，更加開心！

場館大概分開三部分，一係電動車區　；二係玩具室　；三係放電區

電動車區

媽媽都唔知點形容呢架新式嘅電動車，佢個樣一啲都唔似車，好似碰碰車，又似大型自動吸塵機。豬仔包坐上去攞住兩支控制杆轉嚟轉去，都唔知想行去邊，臨走玩多次先發現有個西瓜波，原來係足球機嚟！職員見得豬仔包一個玩，仲主動搖控另一架車陪玩，非常窩心～

玩具室

呢個玩具區有梳化、枱同櫈畀小朋友坐得舒服慢慢玩，玩具仲要係海量，真係任何類型都有，好誇張！尤其啱細B靜靜地慢慢玩，加上清潔姨姨長期助陣幫玩具清潔，真係玩得好放心，同場更有職員陪豬仔包玩玩具傾偈，媽媽覺得係星級嘅服務！

週末好去處 ｜沙田佔地1萬2呎室內遊樂場Kiztopia 設15大遊樂體驗區＋4米巨型滑梯

放電區

呢個區域係豬仔包嘅重點遊玩地，電動天鵝船、充氣城堡、滑梯、木粒沙池及繩網，全程不斷走上走落，跑跑跳跳，極速放電！滑梯同繩網都有職員幫手，媽媽唔使跟著都放心，場內所有設施全部都係任玩，冇額外收費，媽媽覺得淨係天鵝船、充氣城堡同電動車已值回票價，如果住屯門，豬仔包應該日日都想去！

百田遊園

百田遊園業務室內兒童遊樂場現時設有3間分店，分別位於屯門、銅鑼灣及黃大仙。室內兒童遊樂場主要分為電動車、電動船、手攪船、繩網、兒童彈床、木粒池、兒童主題玩具室，迎合不同年齡的小朋友，令他們有不同的體驗。

開放時間：11am-9pm
屯門店收費：星期一至日收費相同（時限：1小時45分鐘，全場任玩）
會員價 $210
非會員價$240
優惠時段收費（7pm-9pm）
會員價 $140
非會員價$170

注意事項：
（１）一位小朋友可一成人陪同 不設成人票價
（２）周末及假期只可以一位大人入場，輪流陪小朋友玩。如果當時場地人數唔多，我地會酌情俾多位大人入場。
（３）沒有歲數限制，小朋友只要玩就收費，不玩就不收費
（４）建議提前預約確保有位，如無預約到場，時段額滿則無法進場
（５）不同分店收費不一

屯門店地址： H.A.N.D.S。愛定商場A區3樓302室
銅鑼灣店地址：銅鑼灣皇室堡 13樓01-05室
佐敦店地址：尖沙咀彌敦道219號莊士倫敦廣場2樓 (期間限定店，去到10月咋！）
黃大仙店地址: 黃大仙睦鄰街8號現崇山商場地下G13A號

資料內容及相片獲 豬仔包の開心日常 專頁授權轉載

更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜新界九龍區四大兒童室內遊樂場玩後報告

The post 週末好去處 ｜屯門室內遊樂場「百田樂園」新店玩後報告 appeared first on 新城教育+.

兒童室內遊樂場非常受歡迎，更係唔少父母帶小朋友放電嘅好去處，而且大多兒童室內遊樂場都有獨特嘅設計及主題，設有大量玩樂及互動設施，唔只可以令小朋友玩樂無窮，更可讓孩子動手學習及體驗各種事物，從各項任務中培養協作及創意思維，提高認知能力。不過坊間咁多室內遊樂場，價錢不一，究竟邊一個適合你嘅小朋友？今次集結90後媽媽 曾芯.曾薏 個人專頁上分享嘅兒童室內遊樂場親身體驗，父母不妨參考一下！

森林探索樂園 Jungle Kidventure

樂園地方夠大，適合幼童探索，樂園內設環保沙池，由於環保沙帶有天然味道，味道較敏感嘅小朋友或需花較多時間才能適應。另外更有扔波波區，小朋友可以放肆扔嘢，孩子必定大愛。而且更有充氣城堡，不過因入口較窄，小朋友互相穿插之間較易相撞，建議家長跟隨內進。另外仲有釣魚恐龍地帶觸感區。其中樂園值得讚嘅位係電動車區，因無需收取額外費用，人少時可以多玩。

森林探索樂園

這是一個打造成宛如森林般、結合瑞吉歐教學法(Reggio Emilia Approach)為設計理念的兒童樂園(playhouse)。劃分為多個區域，設有遊戲、展覽、玩具和手作活動，讓大小朋友在此自由探索。

地址 : 九龍灣宏照道MegaBox
價格:     $130 / 60分鐘 （一大一小）

2Gather

呢個係一個平價又舒適嘅playhouse，入邊有得玩旋轉木馬、動力沙、煮飯仔、大型充氣城堡及長滑梯，不過可能因近年才轉手嘅關係，設施仍有進步空間。遊樂場內每幾步就有一個工作人員，相對安全，而且四周都有軟膠，唔怕小朋友撞親，更設有一個小小嘅用餐位置，玩到餓時可以醫下肚。

2Gather

近萬尺的室內遊樂場，地理位置方便，位於港鐵石門站步行1分鐘即達，設有多個玩樂專區，包括旋轉木馬、攀爬區、跳彈床、駕駛區、Babygym以及大型釣魚區等。

地址 :　沙田石門安群街3號京瑞廣場一期162舗
價格:　$80/ 60分鐘（一大一小）

E3 Club Playland

最有活力同愛心嘅室內遊樂場，成個商場都好適合小朋友，設有人流限制，建議先預約，超市區及廚房區都係小朋友大愛嘅位置，有多種食物選擇，廚房亦很大。滑梯區亦很大，設有三條滑梯，分別為一般高度滑梯、一條超高滑梯及一條旋轉滑梯，另外更設共兩個波波池，細B也可到BB區。室內遊樂場職員都非常有熱誠，場地中央設有一個大舞台，見職員於台上盡力跳舞表演。

地址 :　 九龍灣宏照道38號企業廣場5期MegaBox 12樓1號舖
價格:　最平$130 / 60分鐘（一大一小）
詳細價目 : https://www.e3club.com.hk/our-pricing/

Kingdom TM

呢個係美中不足嘅室內遊樂場，無預約亦有機會可直接walk in，不過職員會優先處理已預約嘅客人，整個流程需時不久。不過進場人數非常多，而且場地不設年齡限制，所以場內會有歲數較大嘅小朋友穿插，幼童家長需多加注意。室內遊樂場玩樂設施很大，設有一大一小嘅沙池，一條長滑梯、香蕉船、一間牙醫房、一間廚房、一個跳彈床房、一個汽車房、一個玩波波房及一個衣帽間，但家長們記得要時刻照顧幼童，因人數很大，玩樂時要小心。

室內遊樂場另外值得一讚嘅係職員，大多都有愛心及有禮貌，職員會盡量安排正在排隊等候嘅小朋友玩到不同嘅玩樂設施。收費合理，場地亦很大，玩樂種類亦不少。不過由於平日嘅人數已經好爆，假日人潮或會更洶湧，如有更好嘅人流管理方面便更加吸引。

Kingdom TM

遊樂項目多，包括滑梯、繩網、迷宮區、玩具牙醫室、玩具廚房、電動車道區、跳彈牀區、玩具區、角色扮演區、閱讀區、氣球區等設施。

地址 :　 香港新界屯門良運街3號建生商埸2樓 (惠康隔離)
價格:　最平$130 / 120分鐘

資料內容及相片獲 曾芯.曾薏 專頁 授權轉載

更多相關文章
週末好去處 ｜元朗商場 KUMAMON 熊遊小鎮 8大打卡位陪你「熊」抱盛夏
週末好去處 ｜香港故宮文化博物館懶人包
週末好去處 ｜沙田佔地1萬2呎室內遊樂場Kiztopia 設15大遊樂體驗區＋4米巨型滑梯

The post 週末好去處 ｜新界九龍區四大兒童室內遊樂場玩後報告 appeared first on 新城教育+.