第40屆香港電影金像獎仲有一個多月就舉行，今年最佳新演員被提名之一鍾雪瑩，自小就有成為表演者嘅慾望，讀書時期就參加《亞洲星光大道3》。入行前曾擔任過DJ及填詞人，身兼多職，作為演員前，為咗專心拍戲，決定辭掉DJ一職，全心全意於大銀幕上實現自己嘅演員夢。

明星成長 ｜ 周國賢曾夢想成藝術家 因完美主義情緒爆煲停工兩年

大學時創作不斷 首次演出於燈光之下

圖片來源 : IG@chungsaid

鍾雪瑩自小學跳舞，2010年參加過亞洲電視《亞洲星光大道3》，可惜當時未被賞識。大學時候，本來想讀浸大電影系，但因成績未達到要求，唯有轉戰財經新聞，終畢業於浸大傳理系，但錯有錯著地，鍾雪瑩表示因當時電影系嘅同學似乎都偏好搵其他系嘅同學擔任幕前，於是便有咗第一次參與影片拍攝嘅機會。大學讀書期間，鍾雪瑩除咗演出過同學嘅畢業作品，更試過喺樹仁新傳電台做廣播，亦上過周耀輝教學嘅填詞班，對於當時充實嘅生活，鍾雪瑩曾於訪問中表示 : 「哇大學是罪惡的溫床呀！是我演藝創作細胞滋生的溫床！」

明星成長 ｜ 林嘉欣十多歲便從台灣獨自到港發展 誕女後曾有抑鬱傾向

自小愛好電影 鍾情試鏡主動爭取機會

對於當時每日有聽電台習慣嘅鍾雪瑩，因偶有一次得悉商台招募廣播劇演員，於是便報名並展開咗DJ之路。雖然如此，但鍾雪瑩始終心繫電影，更表示由於父母常於家中播電影嘅關係，自小就喺屋企睇好多戲，一星期至少睇十部，更鍾情於彼思動畫、杜琪峰及北野武等導演嘅作品，喜歡於電影中搵到共鳴，無論係失落或患病都可以透過電影忘卻一切憂愁。

圖片來源 : IG@chungsaid

所以鍾雪瑩一直冇放棄靠近電影，任職DJ期間，更不斷去試鏡，曾說 : 「我很喜歡 casting。有一些演員朋友曾勸說我不要太主動，不過 casting 是沒有成本的，處處都是機會去實踐和試驗我的想法。」由於不斷勤力試鏡，鍾雪瑩獲得多過演出嘅機會，如出演陳奕迅《致明日的舞》MV、林家謙 《難道喜歡處女座(Alter Ego)》MV、電影《狂舞派3》、電影《媽媽的神奇小子》，2021年更憑《殺出個黃昏》入圍香港電影金像獎最佳新演員。

明星成長 ｜ 李佳芯怕悶唔做Office工 成為視后前曾9個月冇工開

裸職是為了對喜歡的事負責

圖片來源 : IG@chungsaid

不過鍾雪瑩之所以可以擁有愈來愈多嘅演出機會，主要係因為期間捨棄咗DJ一職，鍾雪瑩於2020年裸辭，更說2020至2021年間幾乎都冇戲拍，但辭職嘅目的係為咗對鍾意嘅嘢負責任，對此表示 : 「看你捨不捨得在某個時間點，放下一件事，不一定是因為有另一樣東西，才要選擇捨棄。我純粹覺得，當我同時有很多工作，我彷彿對所有事情都沒盡責任。這種非常受傷的感覺一直擴張，有種宇宙快要毀滅的感覺，所以索性一次過放下所有，親手毀滅宇宙，bomb！」鍾雪瑩更話無論係演員、DJ定係填詞人嘅身份，如未能好好兼顧自己鍾意嘅嘢反而會令到自己唔開心，休息係為咗令自己內心更強大、為自己添加更多修養，從而減低自我懷疑，希望可以思考多啲，經歷多啲以繼續挑戰演員一職。

相關文章:

明星成長 ｜ 胡子彤身兼演員加棒球運動員 將運動精神帶到演戲
明星成長 ｜ 衛蘭自小被安排唱歌工作 放棄英國升學成遺憾
明星成長 ｜ 關心妍出道由當紅新人跌至零收入 低潮時做義工重獲唱歌力量

The post 明星成長 ｜ 鍾雪瑩曾身兼多個創作身份 裸辭為提升自我修養成專業演員 appeared first on 新城教育+.

生於現金世代嘅香港年青人，就算未必聽過「黑紙」，相信都無人不識「100毛」，講到「100毛」，更加冇理由唔識其靈魂人物林日曦，林日曦除咗係前毛記電視及100毛老闆，更係填詞人、作家…縱橫多過創作範疇，而其創作之魂原來係源於輟學後嘅一段空窗期。

圖片來源 : IG@lam1hey

輟學後睇戲聽歌 培養填詞興趣

林日曦曾於訪問中指，因小學時不費吹灰之力成績已名列前茅，因而無心向學，但升上中學名校後成績竟一落千丈，雖則如此，但卻無意發奮讀書，加上性格反叛及操行欠佳而多次轉校，最終會考僅獲7分。畢業後林日曦報讀IVE設計系，學習時因發覺揀錯科而輟學，退學後至搵正職 (商台文職) 之間嘅空窗期，卻開啟咗林日曦往後嘅創作事業。

林日曦曾於報導中提過，空窗期期間，睇超過300部電影，聽好多歌，更自學填詞，漸漸將填詞培養成興趣，不斷於不同作品中吸收，創作過程中亦不斷向唱片公司自薦，最終更成功爭取為電影主題曲《東京鐵塔下gulugulu》填詞而入行，後來更為不少熱播歌曲如「 連續劇」、「續集」及「時光機」包辦填詞。

反叛精神促成創作成就

圖片來源 : IG@lam1hey

作為一個創作人，唔多唔少都潛在着反叛嘅特質，亦不甘於被受制肘，因而林日曦決定離開商台，與陳強、阿BU創立「黑紙」，深受廣大年青人歡迎，後來更創辦「100毛」及「毛記電視」，甚至做到上市。直至而家，「100毛」仍然深受一眾港人歡迎，雖然2021年林日曦已辭去《100毛》母公司毛記葵涌執行董事，但依然可見林日曦嘅創作足跡，如林日曦為黎明寫嘅<<全身想旅行>>，亦一度成為網民熱話。

相關文章:

明星成長 ｜林奕匡加拿大留學靠一招學中文

The post 明星成長 ｜ 林日曦輟學兩大得益 由廢青變上市公司董事 appeared first on 新城教育+.