第40屆香港電影金像獎入圍名單中，再一次見到周秀娜嘅身影，當年憑《29+1 》首次入圍金像獎最佳女主角，於今年再度憑《馬達・蓮娜》爭奪最佳女主角之位。仲記得當年被封「宅男女神」，以模特兒出身嘅周秀娜，憑寫真集、攬枕等商品風靡一眾香港男生，但卻惹來「冇內涵」、「冇學識」嘅評擊。經歷過一段長時間努力，周秀娜成功脫變成一位被大讚演技出色嘅香港女演員，奮鬥過程仍然離不開堅持及不斷嘅自我探索。

明星成長 ｜ 欣宜克服負面評價及自我懷疑 奮鬥35年成功奪女歌手金

由汕頭移居香港 自小培育奮鬥精神

圖片來源 : IG@chrissienana

周秀娜出生於潮州汕頭，隨家人移居香港，初到香港面對地方及語言嘅陌生，返學頭一星期都唔敢出聲，由於汕頭並無英文科，所以當時曾試過要留班追進度，為咗加快融入香港嘅腳步，周秀娜由一個英文字母都唔識，變到考得100分，就係呢個學習經歷，令周秀娜從小培養出「我係得嘅」精神。

不過由於香港嘅生活水平比汕頭高，令家庭經濟出現壓力，生活亦變得比從前艱難，故此中學時周秀娜便要做兼職打工賺錢，亦因為咁鍛鍊出獨立嘅個性，亦較當時同年嘅人思想成熟。

明星成長 ｜ 梁釗峰憑一首作品讓父母接納星途

由模特兒轉做演員 搵到人生目標

圖片來源 : IG@chrissienana

因為周秀娜要做兼職賺錢，於是機緣巧合下透過模特兒比賽並開始入行，由於返工時間彈性，所以當時只有十幾歲嘅佢，便當上了模特兒，不過過程中亦唔係一帆風順，剛入行時曾試過被多次拒絕，但因為不易放棄及懷着「我係得嘅」精神，克服每個難關，後來更曾成為香港一眾男生追捧嘅「女神」，創下「靚模」熱潮。不過，後來卻引來另一群人評擊，質疑周秀娜嘅學識及學歷背景，更曾因周秀娜一次出席科技大學講座，與李小良教授對談中，因整個過程問非所答，被大眾批評其學識，及質疑其前往大學分享嘅資格，一度標籤為「無腦靚模」。

不過，其實周秀娜喺擔任模特兒期間，曾擔演過不少影視作品中嘅臨時演員，更爪中發現自己非常喜歡片場，對演戲產生莫大興趣，發現做演員十分幸福，更於訪問中談及，本來周秀娜對末來道路並無任何想法，入行前曾想過從事多種行業如空姐、導遊、翻譯等…直至接觸到電影，先終於搵到屬於自己嘅生命同夢想。

正因如此，後來周秀娜慢慢由模特兒轉形成為獨當一面嘅演員，更報讀短期演藝訓練班學習演戲，期間更遇上《29+1 》導演彭秀慧，由一開始性感「花瓶」嘅配角，漸漸開始獲得擔演女主角嘅機會，亦憑《29+1 》首次入圍金像獎最佳女主角，演技被受肯定，成功轉型成為實力派演員。

明星成長 ｜ 林家謙大專比賽時被一位歌手賞識 從此開啟音樂之路

過望過去，周秀娜坦言自己只有中五畢業，確實冇乜墨水，但憑着不斷學習、經驗累積，及唔服輸嘅精神，終於搵到人生方向及獲得成就。面對人生嘅種種抉擇及面挫折，周秀娜曾於訪問中講過以下說話 :「勿論你幾多歲，也勿論你做得好不好，甚至是對或錯，但最重要的是，你要讓人覺得你『想做』。如果你覺得所有事都是理所當然又一副不想做的樣子，那麼就算你是天才，就算你極有天分也好，大家也不會想給你機會。我沒甚麼可以忠告大家，但我覺得我們都可以講自己累了，但永遠都不能說自己不行！也不能把所有事都當是理所當然！別理他最後是100分或只有0分，最重要的是熱情。」

相關文章:

明星成長 ｜ 李幸倪Gin Lee出身音樂世家 曾為學業婉拒歌手簽約

明星成長 ｜ 廖子妤隻身到港追夢 十年離鄉別井對家人感愧疚

明星成長 ｜ 張敬軒音樂造詣從小訓練 每日花4小時練開聲

明星成長 ｜ 謝安琪棄做老師追夢做歌手 感激媽媽信任不阻撓

The post 明星成長 ｜ 周秀娜憑着不服輸精神 成功轉型實力演員奮鬥史 appeared first on 新城教育+.