【AFTER DSE】善用你的最後長假!

說時遲那時快,今屆DSE已經完滿結束,辛苦多年完成一個重大目標,突然覺得空虛好悶無事做?不妨考慮做以下5件事,好好善用你的悠長假期!

1. 去畢業旅行
歐洲又好亞洲都好,考完DSE當然想去個旅行好好放鬆自己。當你升上大學之後,人生不會再有幾個月無憂無慮的長假期,雖然大學都有暑假,但不少學科都要做intern,或是種種原因很難跟同學朋友一齊去旅行,所以要好好把握這個假期留下難忘回憶。

2. 返part-time
相信絕大部份同學都未打過工,趁有幾個月的時間,嘗試返兼職充實下自己,一來消磨時間,二來認識更多人,兼職賺到的錢又可以自費去旅行,或是儲起備用。雖然返工有機會受氣,影響考完試的愉快心情,不過離開學校後會遇到不同的人和事,就當作是提前考驗吧!

3. 做自己想做的事
DSE壓力無限大,不少同學為專心讀書而放棄或是暫時擱置自己喜歡做的事,可能是玩運動、玩樂器,又可能是煲劇,好好利用這幾個月的悠長假期,重新做你想做的,放心玩你想玩的事就可以,不過當然都要適可而止。

4. 學一種新語言
若沒有特別想做的事,不如參加暑假課程學多一種語言,例如日文、西班牙文、德文等等,學語言往往起步由零到一最難,現在難得有幾個月時間可以專心學,充實自己之外,又能夠多一技旁身。

5. 準備interview
雖然距離放榜仲有兩個月,但大學interview七月就開始,提前練習免得到時臨急臨忙不夠時間練,畢竟面試不只一次,亦不只大學有面試,多練習順便提升英文,同時又可以增加自信心,真正面試時都唔會怯場啦!

考完人生一場重要的DSE,當然要好好放鬆一下,以上5件事未必適合每一個人,但也不要浪費這段時間,試著讓自己過一個充滿意義的暑假吧!