【紫昕有你wonderland】眼科視光師分享護眼小貼士


中小學雖然已經開學,但仍有不少學校、課程進行網上授課,小朋友長時間對住電子產品,好容易造成視力問題,相信家長非常擔心子女近視因而加深。今集《紫昕有你Wonderland》邀請到護眼眼科視光師 黃偉雄Jack Wong,分享護眼常識及控制近視小貼士!


疫情下學童視力加深速度快


小朋友雙眼長時間對住電子產品,容易損害視力,發育中的小朋友一旦近視,每年平均會加深度數75度,但近大半年來,小朋友做視力檢查時,發現加深幅度明顯加快,半年加深 100 – 150度的比例上升。根據研究顯示,在小學一年級學生中,約有18%患有近視,Jack建議小朋友由K1開始要做詳細的視力檢查,及早幫助小朋友矯正視力,避免問題越來越嚴重。


藍光有助調節個人生理時鐘


近年興起不少抗藍光產品,幫助過濾有害藍光,保護眼睛,不過Jack指出藍光與近視加深並沒有直接關係。有部份藍光對於視網膜的細胞有害,長時間接觸藍光的確會增加視力受損的風險。不過,藍光本身對眼球有一定的好處,能幫助調節生理時鐘,讓大腦分辨日夜,亦可以令個人身體變得興奮、開心,假如100%阻礙藍光進入體內,則有機會令人變得低沉、抑鬱。


簡單幫助小朋友測試散光


近年越來越多小朋友患有散光問題,若家長擔心小朋友視力發展,Jack建議在家可以做一個簡單的自我測試。利用一個有時、分、秒針的時鐘,讓小朋友單眼望著,看看會不會有特別一支針比較清晰,一支針比較模糊,若明顯分別則有機會患有散光,建議盡快找眼科視光師做詳細檢查 。


控制近視小貼士


1. 不要太近看電視、手機
2. 不要長時間看電子屏幕
3. 多進行戶外活動


想了解更多教學及育兒資訊,記得留意逢星期六中午12時至下午1時,新城知訊台播出的節目《紫昕有你Wonderland》!