香港呢間大學 打入全球二十大?

【英國《泰晤士高等教育》公布全球大學就業能力排名】

 

由《泰晤士高等教育》(THE)調查,收集來世界各地約七千名招聘顧問,合共超過七萬五千票,選出行內認為就業能力較高嘅畢業生。本港今年有四間大學躋身排名榜,分別係科技大學、香港大學、中文大學以及理工大學。

 

科大連續六年成為唯一打入全球二十大嘅本港大學,排名第十六位;理工大學首次上榜,排名第一百三十七位;香港大學及中文大學分別排名第六十三位及第八十八位。而亞洲區排名最高嘅兩間大學,分別係第九位嘅東京大學同第十位嘅新加坡國立大學。

 

至於排名榜頭三甲,都由美國大學包辦,依次為哈佛大學、加州理工學院同麻省理工學院。