Web Interstitial Ad Example

明星成長 | 朱凱婷孖住女女學豎琴 考慮性格特質為女女安排入讀國際學校

26-10-2022
朱凱婷

口才了得嘅港姐朱凱婷,原來自小已有不少機會培訓說話技巧,學生時代已經係辯論隊,另外亦有參加過合唱團訓練,畢業於一間傳統女名校,當年憑27分佳績考入香港中文大學,是為才女一名!而育現有一女Sheryl,為栽培女女,安排其學習不同興趣班並親子檔一齊學豎琴,升學方面更因應女兒性格為Sheryl選讀國際學校。

活躍於不同課外活動 唱歌辯論樣樣精

圖片來源 : IG@heidichuhoiting

朱凱婷讀傳統女名校德望中學,會考奪27分,高考AL考績亦都非常優秀,考獲1A2B3C,成功入讀香港中文大學工商管理學院市場學系。除咗讀書叻,朱凱婷在學期間已經非常活躍於各種課外活動,由於自小喜歡說話,中學時已參加辯論隊及朗誦隊,因此從小便口齒伶俐,亦鍛鍊出能言善辨嘅能力,除此之外亦有參加合唱團訓練,因為鍾意講嘢,曾想做過接線生及律師。

後來升上大學,朱凱婷亦有「上莊」,更有參加歌唱比賽並獲取季軍,大學生活非常充實。朱凱婷曾於訪問中透露大學未畢業時已獲六份工取錄,不過後來決定參加香港小姐奪取季軍便加入TVB,擔任不少大型活動司儀,充分發揮其最擅長嘅說話能力。雖然加入咗TVB,但朱凱婷仍未停止進修,兼職修讀中文大學企業傳訊碩士,學歷及學識更上一層樓!

德望中學 Do姐楊采妮都讀呢間!

圖片來源 : IG@charlieyangcaini

德望中學係一間直資女校,位於黃大仙,奉行天主教信仰,以英文為主要教學語言,除咗一般中學會修讀嘅學科,更有提供現時流行的STEAM課程。學校鼓勵學生於校園內使用英語或普通話交流。透過舉辦不同語文活動(如辯論、戲劇、音樂劇、閱讀、演講等),培養及提升學生「兩文三語」能力。據最近一屆已公佈嘅文憑試成績評估出來的中學排名,全港排名12至25名,黃大仙區第一名,全港女校排名第5名至第9名,估算為BAND 1A學校。全年學費約$35,000。

除咗朱凱婷,亦有不少著名女演員都係畢業於此校,如楊采妮、鄭裕玲、張曦雯等。

明星成長 | 張秀文退讀港大一年後再入城大管理系 為照顧母親身兼多職

與女女一起學豎琴 成為女女助教

圖片來源 : IG@heidichuhoiting

2011年朱凱婷榮升為媽媽,誕下女兒Sheryl,作為一位多少多藝嘅高才生媽媽,自然更懂得如何培育子女成材。朱凱婷為女兒選讀國際學校,為咗發挖女女興趣,喺女女4至5歲前安排參加不同嘅興趣班,分別有鋼琴、豎琴、溜冰和合唱團等,更表示為咗多了解女女嘅學習程度與投入程度,會陪女女一齊參加親子音樂班,一起學習豎琴,借此了解整過學習過程,及成為女女嘅助教。至於如何發挖孩子嘅興趣,朱凱婷亦有心得分享:「小朋友好直接,如果有感覺,至少會聽完整場音樂會。之後我會帶她試堂,或觸摸不同樂器,觀察她有否興趣。」

升學方面,坊間有大量升學資訊,亦有好多不同類型嘅學校,面對眾多選擇時,朱凱婷會先觀察女兒嘅性格同特點,再慢慢過濾一些建議及資訊,最後為咗女女可以學好兩文三語,並因女女喜歡探索研究、有主見亦愛表達,便為女女選擇採用自主學習方案嘅國際學校,不過比起其他,朱凱婷更重視嘅係教養,為咗教懂女女懂得尊重別人,要求就讀國際學校講開英文嘅女女要因應不同人士嘅需要轉換語言。成為高材生媽媽,朱凱婷嘅育兒心得為「不是要揀最好,是要為囡囡揀最適合的」同時亦會做一個尊重女女意願嘅媽媽,甘願讓女女選擇自己嘅人生道路。


相關文章
明星成長 | 盤點五位2022超強學歷港姐 亞軍許子萱直迫麥明詩?
明星成長 |廖碧兒考獲WSET國際品酒認證資格 拍劇同時進修BBA
明星成長 |《美麗戰場》陳曉華中大護理系畢業 參港姐為求突破Comfort Zone