Web Interstitial Ad Example

明星成長 | 張秀文退讀港大一年後再入城大管理系 為照顧母親身兼多職

19-10-2022
明星成長-香港小姐-張秀文

港姐出身都唔一定一出道就爆紅,唔少港姐入行都要慢慢捱,張秀文亦不例外,曾坦言努力11年才感覺事業正式開始,近年活躍於不同嘅節目劇集及擔當節目主持,2021年認識金融界人士王大權而極速閃婚。雖然看似人生順利,但其實張秀文亦曾捱過低收入日子,當年憑努力考入港大卻為照顧患病母親而退學,能走到現在確實付出不少!

沙田蘇浙公學畢業 考入香港大學化學系

明星成長-香港小姐-張秀文
圖片來源 : IG@sammicheung926

自小於馬鞍山耀安邨長大嘅張秀文,小學就讀基督教香港信義會馬鞍山信義學校,中學讀沙田蘇浙公學,因為高考成績優異而成功考入香港大學化學系,不過因在學期間要照顧患病嘅母親,不時做兼職幫補經濟支出,最後退學。不過勤力用功嘅張秀文,一年後便再次成功考入香港城市大學嘅管理系,主修日本國際商業研究學士學位,而喺城大讀時嘅期間都不有做不同種類嘅兼職,如補習老師、售貨員、模特兒及酒吧拳手等。

參選港姐奪亞軍 入行初期試過賺得幾千蚊人工

明星成長-香港小姐-張秀文
圖片來源 : IG@sammicheung926

後來2010年參加《2010年度香港小姐競選》最終獲得亞軍,正式加入TVB入行成為娛樂圈藝人,不過初期卻未有太多工作機會,收入唔多,曾於訪問中表示試過一個月得幾千蚊人工,要日日慳住使,日子過得好痛苦,更試過由5位數儲蓄變成3位數,生活相當節儉,亦有諗過放棄,退出娛樂圈,不過考慮到轉行有更多風險,便一直繼續堅持至今,直至現時逐漸得到愈來愈多嘅工作節目,除咗擔任節目主持更有參與電視劇拍攝,更憑劇集《木棘証人》中飾演嘅「戴碧琪(Yuki)」而受到關注。

明星成長 |《美麗戰場》陳曉華中大護理系畢業 參港姐為求突破Comfort Zone

由阿Bob介紹認識丈夫改變一生

明星成長-香港小姐-張秀文
圖片來源 : IG@sammicheung926

另外更因為與林盛斌阿Bob合作主持遊戲節目《你估我唔到》而變得熟稔,透過阿Bob介紹認識咗金融界人士王大權,   張秀文亦曾於社交媒體上提及與丈夫相遇當晚,係由阿Bob親自致電極力勸說其出席一班靈糧堂同學仔及家長嘅聚會,本來睇緊綜藝YouTube節目嘅張秀文打算婉拒,但最後被阿Bob說的一句:「睇youtube唔會改變你一生,你今晚肯出黎就會改變你一生!」而出席咗聚會,更因此識咗現時嘅丈夫,交往一年後火速結婚,結婚後休息一年復工,更有計劃生子,更不時於節目中分享與丈夫相處點滴,可見而家嘅張秀文從前嘅付出而家終有回報!

沙田蘇浙公學

張秀文中學讀嘅沙田蘇浙公學,係一間Band 1A 學校,主要以英文授課,全港排名約16-33位,沙田區排名第3至6位,據往年文憑試成績估計,學校由以往Band 1B 慢慢進升上Band 1A學校,接近9成學生能考獲本地學士課程最低 33222入學要求。

而沙田蘇浙公學亦曾誕生不少成功藝人,當中演藝圈校友包括港姐冠軍徐子珊、女演員李若彤、著名兒童節目主持人蓋世寶、COLLAR隊長沈貞巧阿Gao。


相關文章
明星成長 |陳庭欣中三到英國留學 大學修讀環境學認識一生摯友
明星成長 |女神級港姐李嘉欣女名校出身 最叻英語文學
明星成長 |徐子珊加拿大日文系畢業 息影後做珠寶店老闆兼心理學碩士生