Web Interstitial Ad Example

週末好去處 |屯門室內遊樂場「百田樂園」新店玩後報告

07-09-2022
週末好去處-屯門-室內遊樂場

繼續為大家介紹兒童室內遊樂場!今次會介紹嘅係位於屯門區嘅「百田遊園」,場地超大,住喺新界西北部嘅爸爸媽媽一於帶埋小朋友放假去玩過夠盤!想知場地上有咩設施玩,抵唔抵玩 ? 一於等 豬仔包媽媽 同大家走一轉,分享下親身體驗!

週末好去處-屯門-室內遊樂場

百田遊園其實係媽媽非常喜愛嘅室內遊樂場,而屯門店更係媽媽首選推介,遠征也在所不惜,因為真係好玩兼抵玩,仲要員工服務態度非常好,上一次去係百田遊園地面層嘅舊店,今次去嘅係商場3樓嘅新店,所以對豬仔包嚟講,同未玩過冇乜分別,今次仲有同學仔同行,更加開心!

場館大概分開三部分,一係電動車區 ;二係玩具室 ;三係放電區


電動車區

週末好去處-屯門-室內遊樂場

媽媽都唔知點形容呢架新式嘅電動車,佢個樣一啲都唔似車,好似碰碰車,又似大型自動吸塵機。豬仔包坐上去攞住兩支控制杆轉嚟轉去,都唔知想行去邊,臨走玩多次先發現有個西瓜波,原來係足球機嚟!職員見得豬仔包一個玩,仲主動搖控另一架車陪玩,非常窩心~

玩具室

週末好去處-屯門-室內遊樂場
週末好去處-屯門-室內遊樂場

呢個玩具區有梳化、枱同櫈畀小朋友坐得舒服慢慢玩,玩具仲要係海量,真係任何類型都有,好誇張!尤其啱細B靜靜地慢慢玩,加上清潔姨姨長期助陣幫玩具清潔,真係玩得好放心,同場更有職員陪豬仔包玩玩具傾偈,媽媽覺得係星級嘅服務!

週末好去處 |沙田佔地1萬2呎室內遊樂場Kiztopia 設15大遊樂體驗區+4米巨型滑梯

 

放電區

週末好去處-屯門-室內遊樂場
充氣城堡
週末好去處-屯門-室內遊樂場
充氣城堡
週末好去處-屯門-室內遊樂場
繩網
週末好去處-屯門-室內遊樂場
滑梯
週末好去處-屯門-室內遊樂場
木粒沙池
週末好去處-屯門-室內遊樂場
電動天鵝船

呢個區域係豬仔包嘅重點遊玩地,電動天鵝船、充氣城堡、滑梯、木粒沙池及繩網,全程不斷走上走落,跑跑跳跳,極速放電!滑梯同繩網都有職員幫手,媽媽唔使跟著都放心,場內所有設施全部都係任玩,冇額外收費,媽媽覺得淨係天鵝船、充氣城堡同電動車已值回票價,如果住屯門,豬仔包應該日日都想去!

百田遊園

百田遊園業務室內兒童遊樂場現時設有3間分店,分別位於屯門、銅鑼灣及黃大仙。室內兒童遊樂場主要分為電動車、電動船、手攪船、繩網、兒童彈床、木粒池、兒童主題玩具室,迎合不同年齡的小朋友,令他們有不同的體驗。

開放時間:11am-9pm
屯門店收費:星期一至日收費相同(時限:1小時45分鐘,全場任玩)
會員價 $210
非會員價$240
優惠時段收費(7pm-9pm)
會員價 $140
非會員價$170

注意事項:
(1)一位小朋友可一成人陪同 不設成人票價
(2)周末及假期只可以一位大人入場,輪流陪小朋友玩。如果當時場地人數唔多,我地會酌情俾多位大人入場。
(3)沒有歲數限制,小朋友只要玩就收費,不玩就不收費
(4)建議提前預約確保有位,如無預約到場,時段額滿則無法進場
(5)不同分店收費不一

屯門店地址: H.A.N.D.S。愛定商場A區3樓302室
銅鑼灣店地址:銅鑼灣皇室堡 13樓01-05室
佐敦店地址:尖沙咀彌敦道219號莊士倫敦廣場2樓 (期間限定店,去到10月咋!)
黃大仙店地址: 黃大仙睦鄰街8號現崇山商場地下G13A號

資料內容及相片獲 豬仔包の開心日常 專頁授權轉載

更多相關文章
週末好去處 |元朗商場 KUMAMON 熊遊小鎮 8大打卡位陪你「熊」抱盛夏
週末好去處 |香港故宮文化博物館懶人包
週末好去處 |新界九龍區四大兒童室內遊樂場玩後報告

週末好去處-室內遊樂場-兒童