作為童星出身嘅男藝人張繼聰，富有音樂才華，同時又有演員特質，廿七歲已成為爸爸，身兼多職。事業初起步時，因與太太謝安琪結婚並形成比較，令其陷入人生低潮，期間一度患上抑鬱。幸得後來諗通，並由歌手轉型演員，擔演《老表，你好嘢！》中宋為潮一角而深入民心，並自此獲得多個拍攝機會，令張繼聰谷底反彈，重拾信心，近年更於電影《馬達・蓮娜》中飾演男主角，並與謝安琪及一對子女擁有溫馨嘅家庭。
明星成長 ｜ 欣宜克服負面評價及自我懷疑 奮鬥35年成功奪女歌手金
從演戲至追求音樂 受盡打擊曾想過死
張繼聰童星出身，8歲時已開始參與拍攝工作，全因父母察覺到張繼聰愛說話嘅特質，於是便帶兒子張繼聰參加香港電台嘅小演員招募活動，並獲取錄。張繼聰畢業於恩主教書院，中五畢業時已經決定以戲劇作生涯規劃，因此報考香港演藝學院，更將所有心神放於戲劇課程中，更指當時仍未對音樂產生興趣。
後來因第一次面對失戀，便成為了與音樂結緣嘅契機，為咗治療失戀後嘅創傷，張繼聰與白只當時齊齊拎住結他又彈又唱，創作歌曲，更以音樂人作為夢想。畢業後到錄音室當助理，學習編曲、製作音樂，一心想當創作歌手，持續奮鬥咗三至四年，終獲得機會推出唱片。期間亦曾到酒廊唱歌，有人讚好，但亦受過別人打擊 : 「把鬼啦你唱歌」。雖則如此，張繼聰嘅音樂才華最終亦能透過樂壇獎項證明，加入樂壇後，相繼獲得新人獎及作曲人獎。可惜後來音樂事業一直未見突破及起色，更因與太太謝安琪未婚懷孕結婚而成為大眾輿論嘅焦點，同時更被謝安琪嘅音樂成就比下去，被外界稱為「廢柴老公」。
圖片來源 : IG@louischeung2013
期間張繼聰獲得無綫賞識，接獲多部電視劇演出機會，其中更以 《老表，你好嘢！》及《收規華》成功入屋，之後更有參與電影拍攝，透過演藝工作，事業再見起色，更開始被受觀眾認同。張繼聰曾於訪問中表示，與謝安琪結婚後遇上人生低潮，同時被傳媒追訪，承受巨大壓力，並曾萌生尋死念頭，並講到 : 「我有諗過死，嗰時逼到一個位，我一係死，一係改變自己諗法。最後諗明白，可以唔係放棄自己生命，而係放棄人哋對你嘅睇法，放棄自己嘅執着。我由26歲開始面對，去到30歲先釋懷。」
明星成長 ｜ 陳凱琳憑正面形象成功轉型為收入8位數KOL
鼓勵年青人接受意見 要經得起考驗
圖片來源 : IG@louischeung2013
回望原本以音樂為目標嘅張繼聰，對於音樂夢，曾以自己嘅經歷與年青人分享 :「夢想不是要來『講』的，而是要實踐。機會未來臨，其實是考驗你有多喜歡這一行。」又話家人嘅支持及鼓勵都係令其「堅持走下去」嘅動力，鼓勵學生與家長多溝通，讓父母明白自己嘅興趣及決心。除此之外，更認為年青人要有好嘅修養，保持良好嘅人際關係，機會最終會降臨，更勤勉：「要接受別人的意見，社會不只是需要最叻的人，經驗告訴我們，能與人合作的人，永遠有最多的工作機會。」
相關文章:
明星成長 ｜ 保錡捱過低潮重拾方向 成ERROR第三人推出個人單曲《猥瑣》
明星成長 ｜ 楊紫瓊英國皇家舞蹈學院學士 因脊椎受傷走上武打影星之路
