Web Interstitial Ad Example

暑假提早 | 5部推薦Disney+動畫電影

18-03-2022
暑假提早攻略-Disney+-動畫-電影

小朋友提早放暑假,冇得出去玩,除咗網上學習、做下勞作及電子閱讀,不如抽啲時間陪小朋友一齊煲下卡通電影!Disney+ 喺疫情期間亦有新上映電影《熊抱青春記》,非常適合一家大細觀看,即刻bookmark以下電影清單!

Disney+動畫電影:《熊抱青春記》

Disney+電影】迪士尼彼思新作探討青春期考驗《熊抱青春記》裙腳女被欺凌突變小熊貓- 香港經濟日報- TOPick - 娛樂- D220304

迪士尼聯乘彼思最新動畫《熊抱青春記》,3月11日於Disney+平台經已上架。電影主要講述一名13歲少女李美蓮(Mei Lee),除咗要面對踏入少女成長期中身體、性情、人際關係嘅急劇變化,最有趣係佢一激動時就會不能自控,變成一隻超巨型熊貓,尤其適合正值青春期嘅少男少女觀看!  

Disney+動畫電影:《奇幻魔法屋》

奇幻魔法屋(英語版):迪士尼動畫的魔法正慢慢消失? - 晞。觀影記事

《奇幻魔法屋》由華特迪士尼動畫工作室出品,故事主要講述非凡家族魔力高嘅故事,家族隱居於哥倫比亞山區一間魔法屋,但家人擁有嘅魔法力量卻突然面臨威脅,最後希望竟然落入於家族中唯一一位最平凡嘅成員美麗寶身上,美麗寶需要運用自己嘅「獨特之處」拯救家族嘅命運!

Disney+動畫電影:《冰河世紀:阿北大冒險》

新片速遞】《冰河世紀:阿北大冒險》|大紀元時報香港|獨立敢言的良心媒體

無論有冇追開冰河世紀系列,呢套卡通電影都非常值得大家觀看!故事講述渴望獲得獨立自主嘅負鼠兄弟 ,開始尋找屬於佢哋自己嘅棲息地,但卻發現自己被困於冰層下,周圍更被恐龍佔據,過程中幸得被愛冒險嘅鼬鼠救出,喺新朋友嘅協助下,一齊肩負起抵抗被恐龍統治嘅使命。 

《冰河世紀》系列作品,包括5部電影及2部電視特輯,現已登陸Disney+ 。

Disney+動畫電影:《失靈腦朋友》

失靈腦朋友》首支預告出爐,香港2021年10月上映- Enjoy Movie Blog

故事背景係一個科技發達嘅未來世界,高科技嘅「腦友」機械人已可取代智能電話,係人類嘅貼心好幫手及最佳玩伴。不過生性孤僻嘅主角巴尼,因為經濟問題,只買得起次貨「腦友」朗仔,雖然朗仔成日失靈但就好有個性,佢哋兩個孖住成長,展開一場緊張刺激之旅,期間更領略咗友誼嘅意義! 

Disney+動畫電影:《盛夏友晴天》

路卡的夏天/盛夏友晴天於Disney+ 播出設粵語國語配音- 流動日報

呢套動畫電影係一個關於友誼嘅故事,故事講兩個對人類世界充滿好奇嘅小海怪,變身成人類外表走到岸上,遊走海邊意大利一個小鎮,為咗得到一架「綿羊仔」﹐決心參加並贏得小鎮嘅三項鐵人賽冠軍,但呢個小鎮專捉海怪,所以佢哋兩隻小海怪都要隱藏身份,唔可以掂水。為咗贏比賽,更識咗新朋友莉莉,並組成三人小隊,一齊展開精彩刺激嘅追夢歷險。


相關文章
在家學習 | 3大親子免費紙樣素材網站
在家學習 | 無需預約免費借閱 館長推薦六十本電子書
親子廚房|鬼滅の刃糖霜曲奇 燙麵法戚風蛋糕

親子廚房-甜品-蛋糕-鬼滅の刃