農曆新年，梗係要同呀仔呀女輕鬆一下！今年疫情又再爆發，為減少感染病毒，少咗好多戶外活動，但同時都增加咗親子之間相處嘅時間，趁住新年年假，一於同小朋友玩 Switch 減減壓，以下精選8款合家歡 遊戲，今個假期一於同小朋友玩過夠！
1. Just Dance 舞力全開 2022
呢隻遊戲家長可以同小朋友一齊郁動，做下運動，感受 Switch 嘅體感功能！遊戲以音樂舞動方式進行，玩家可揀選歌曲音樂，並跟隨音樂節奏跳出指定動作，當中包括揮汗模式、合作模式、快速遊玩模式、世界舞池及兒童模式。
遊戲人數：1-6人
遊戲分級：普遍級(0歲以上)
遊戲類型：體感、運動
2. 歡樂假期（Go Vacation）
Switch玩家會進入一個度假小島，家長同小朋友可以喺島裡進行各種遊戲，如賽車、揸飛機、衝浪、滑雪等，總提供接近50多種遊戲及上百個項目體驗！想讓小朋友體驗下各種運動，玩呢隻遊戲就啱晒！
遊戲人數：1-4人
遊戲分級：普遍級(0歲以上)
遊戲類型：運動
3. 高高興興動物園 FUN! FUN! Animal
呢個 遊戲 一定好受小朋友歡迎，因為遊戲以動物做主題，小朋友可以化身多種可愛嘅動物互動，如熊仔、兔仔、綿羊參與各種派對小遊戲， 遊戲數量約有30種，分為遊園、單項、單人三種模式，就算家長玩到攰，小朋友都可以自己繼續玩～
遊戲人數：1-2人
遊戲分級：普遍級(0歲以上)
遊戲類型：派對
4. 胡鬧搬家 Moving Out
Overcooked應該大家都聽過，而呢款遊戲 就係Overcooked團隊打造嘅第2個作品！佢係一款無厘頭嘅模擬搬屋遊戲， 遊戲 以合作形式為主，玩家需於限時內將指定家具搬走，超考溝通協作同耐性，絕對係增進親子關係嘅好機會！
遊戲人數：1-4人
遊戲分級： 普遍級(0歲以上)
遊戲類型：益智、動作
5. 耀西的手工世界 Yoshi’s Crafted World
呢個遊戲大人細路都啱玩，因為易有易玩，難有難玩，過關難度不高，但要收集及完成全 遊戲嘅指示而獲得獎勵就有一定難度。你需要動多啲腦筋，利用Yoshi嘅能力將所有獎勵儲齊，父母可以同小朋友合力想辦法「打爆機」！
遊戲人數：1-2人
遊戲分級： 保護級(6歲以上)
遊戲類型：動作冒險
6. 世界遊戲大全51 Clubhouse Games: 51 Worldwide Classics
呢個 Switch 遊戲搜羅咗世界各地嘅益智遊戲，遊孰總共有51種，主要類型為棋類遊戲及啤牌遊戲。如果唔想郁嚟郁去，玩得太激動，靜靜哋動動腦筋，呢隻 遊戲絕對係好選擇！
遊戲人數：1-4人
遊戲分級： 普遍級(0歲以上)
遊戲類型：益智、對戰
7. 魔法氣泡 特趣思 俄羅斯方塊 2 Puyo Puyo Tetris 2
呢隻 Switch遊戲係由魔法氣泡聯同俄羅斯方塊合作打造，遊戲中唔單只收錄新規則、新角色同新故事，仲有好多新原素，係一個非常益智嘅遊戲，絕對係訓練智力嘅機會！遊戲模式可為合作，亦可為對戰，玩法多元化～
遊戲人數：1-4人
遊戲分級：普遍級(0歲以上)
遊戲類型：動作益智
8. 你裁我剪！斯尼帕 Snipperclips: Cut It Out, Together!
呢個 Switch 遊戲概念非常簡單，唔理玩家用咩方法，只要達成通關條件即可過關，但需要動腦裁切或觸動機關，先可以順利過關。呢款遊戲都係動腦筋之選，可以多人合作，父母同小朋友可以一齊商量過關策略！
遊戲人數：1-4人
遊戲分級：普遍級(0歲以上)
遊戲類型：益智
