【QA博士系列】牛津劍橋大學申請攻略 Part 2

額外考試

報名前學生需要留意大學有冇要求你提供額外嘅考試成績,例如報讀牛劍醫科嘅學生會需要報考BMAT (Biomedical Admission Test)。BMAT除了第一部份嘅能力傾向測試外,仲會考埋同學對科學及數學方面理論嘅認識同埋應用能力,同時亦包括一篇限時30分鐘嘅寫作卷。 提供呢個考試嘅成績可以令學校對報讀同學有更深嘅理解。而報讀牛津法律系嘅同學就需報考LNAT (The Law National Aptitude Test)喇!

 

劍橋 - Supplementary Application Questionnaire

報名截止約一星期後,學生就會收到劍橋大學嘅Supplementary Application Questionnaire (SAQ)。問卷分為8部份,主要想多了解學生嘅背景。學生可以喺問卷中提供個人陳述未提及過嘅資訊,例如就讀學校嘅資料,教學模式及現時所學到嘅範圍等。呢啲資訊可以令大學理解你的學習模式及程度,同時按照你所學過嘅知識,調節面試時嘅問題。

另外學生需提供證件相 (電子版)。

而有報考BMAT嘅同學,可以喺Questionnaire上填上自己嘅BMAT Number,亦可填寫其他嘅學歷,如曾經考獲嘅GCSE 或 AS成績等。