【收到面試通知點算好?】大學面試3部曲 – 面試後篇

面試後

之前分別講咗面試前同面試日有咩要做,咁係咪in完就冇嘢要做呢? 其實都唔係㗎!

寫低面試問過嘅問題

如果你仲有更多嘅面試,你就應該喺面試完咗之後趁仲記得寫低今次問過啲咩同埋你答咗咩!咁做係為咗方便你準備下一個interview!

反思你嘅表現

寫完Notes就梗係要睇番啦!除咗睇番人哋問咩,仲要睇下自己嘅答案仲有冇地方可能改進!咁樣就算第一次表現得唔太好,下一次就唔會再犯同一樣嘅錯啦!Practice makes perfect!

耐心等待回覆

你要記住,你唔係唯一一個要面試嘅學生!大學要睇咁多個人嘅表現再決定俾offer邊個,其實係需要一定嘅時間!所以你都應該俾啲耐性等下,唔好interview完幾日冇回覆就email學校問呀!不過呢,你都要keep住check你嘅email!因為大學如果覆咗嘅話有機會係要喺某個deadline前決定接唔接受,如果你pass咗個interview但係miss咗deadline就唔抵啦!而且即使未有回覆,學校好多時侯都會send啲大學資訊俾申請咗嘅學生,例如係報宿舍呀、open days呀、嚟緊有冇seminar等等。有或者係要你提供更多嘅資料,所以記得要日日check email喇!

相關文章:

【收到面試通知點算好?】大學面試3部曲 - 面試前篇

【收到面試通知點算好?】大學面試3部曲 – 面試日篇